1 Jon 4:2 - U Bulunagana U Niga

² Nonei teka temar tara marei menari u Namnamei tere Sunahan: u katuun te poeier e Iesu Kristo e butun Katunuma, e Sunahan te haranga ranen.

1 Jon 4:2 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Jon 1:14

U Ranga e butun katunuma memi kana i gusurara. Nonei a tsonun hihitaguhu na tsonuna tara nimana. Alam u tara hakapi a nitsunono i tanen, a mar nitsunono te kamena a töa koru a Pien Tson tere Sunahan, e Tamanen i Kolö.

1 Korin 12:3

Na lia e hatei ragi limiou, a katuun te ranga sila na turu Namnamei u Göagono tere Sunahan ema antunan ranga nanei, “Iesu egi korupaköni.” Na katuun tema kamenei u Namnamei u Göagono tere Sunahan ema antunan pei hase nei, “Iesu a Tsunono.”

1 Timoti 3:16

Na ra hoboto e hia hanhaniga ner u lotu i tarara e ka mena a mamanaka a niga koru te haröto halakasa ner: E Kristo e butun Katunuma. U Namnamei u Göagono e harötein te matskö uanen. U angelo i tareien. U katuun i habulungana naien turu han hoboto. U katuun e hamana uaier i tanen. E Sunahan e lu pouts menaien i Kolö.

1 Jon 1:2

A nitöatöa teka e butu halesalama ba lam e tare men me habulungana namen, na nitöatöa teka e ka nitöana. Nonei a nitöatöa te kagono mei e Tamarara, memi töan butu halesalana i tarara.

1 Jon 2:23

A katuun te tori tsuga nena a Pien Tson tere Sunahan ema katuun uanei tere Tamarara. Kaba a katuun te hatei nena e Iesu nonei a Pien Tson tere Sunahan, nonei e pala uana tere Tamarara.

1 Jon 4:15

U katuun te poeier e Iesu a Pien Tson tere Sunahan, nori e pala uaier tere Sunahan na e Sunahan e pala has uana i taren.

1 Jon 4:3

Na u katuun te holis ner te butun katuun uama e Iesu, ema Sunahan nei te haranga ranen. A katuun te korupakö nena e Kristo te habutena u mar ranga teka. Alimiou u hengo mam naiam tega butu uu raranga teka, na nonei e butu hakapaia turu katunura i puta.

1 Jon 5:1

U katuun hoboto te hamaner e Iesu nonei a Mesaia te hopö kapiin e Sunahan, nori a galapien tere Sunahan. Na katuun te ngileiena e Tamarara e Sunahan, nonei e ngil haseiena a pien tere Sunahan.

2 Jon 1:7

A para a katuun a gamogamo te hula la ria tara mamana han, bate holis ner te butun katuun hamana uu e Iesu Kristo. Na katuun te omiena e Kristo e markato has uana teka, nonei a katuun gamogamo.