1 Jon 4:17 - U Bulunagana U Niga

¹⁷ Tema matout reiara romana tara pöata te butuna u kout tere Sunahan, ba ra te atei silerou u ngilngil i tarara e butu haniga nitöana. Taraha, a nikaka i tarara i puta teka e markato has uana tara nikaka tere Iesu.

1 Jon 4:17 ပူးပေါင်းရင်းမြစ်များ

Matiu 10:15

Alia e hatei hamana koru ragou limiou, a nihahuna tara taun teka e pan bala koru nanou a nihahuna tara taun i Sodom na i Gomora.”

Matiu 10:25

E nigana te kato here mena nei a katunun tsitsilo a peisanen a tson hihatuts i tanen. Na e niga hasina te kato here mena nei a katunun kukui puku a peisanen a katuun pan i tanen. Alia a katuun pan tara pal katuun i tar. Na a palair u katuun e ngö tsipone rilia e Belsebul. Te markato tala uaren teka, ba nori te ngö raroui limiou u katuun u omi koru, taraha alimiou e pala uamiou i tar.”

Matiu 11:22

Na lia e hatei ragou limiou, turu lanin hahuna tere Sunahan, a nihahuna i tamilimiou u katunura i Korasin na i Betsaida e pan bala nanou a nihahuna turu katunura i Taia na i Saidon.

Matiu 11:24

Na lia e hatei ragou limiou, turu lanin hahuna tere Sunahan, a nihahuna i tamilimiou u katunura i Kapenium e pan bala nanou u nihahuna turu katunura i Sodom.”

Matiu 12:36

“Na lia e hatei ragou limiou, turu Lanin Hahuna alimiou e hala raroui a nihahuna tara man ranga pinopino a man omi tu ranga naiam limiou.

U Bulungana u Niga tere Iesu Kristo te kolotein e Jon 15:20

Alimiou go hakats pouts naiam u raranga ti hala ra ii lia alimiou: a katunun kui ema pan nanei a tsunono i tanen. Nori u katuun ti kato homia i tar e kato homi has rariou limiou romana, na u katuun te hengo hanigeier u raranga i tar e hengo haniga has rariou limiou.

U Bulungana u Niga tere Iesu Kristo te kolotein e Jon 17:22

Na lia e hala ragien a nikapan tu hala hase mei lö alia. Taraha, alia e ngilegu nori egi herei a toa katuun, te markato has uarara.

U pas te koloto menai e Pol turu kristenira i Rom 8:29

E Sunahan e atei sil mamir eresi te katuun uariou romana i tanen na nonei e hopö kap mam raien tegi here menaien a Pien Tson i tanen, ba Pien Tson i tanen te here nei a pien a hamua te ka mena u toulanen u parpara te kute ruma i tanen.

Hibru 9:27

U katuun hoboto e ka meier a man tötöa man pöata tena mate merouen, ba i murinen be Sunahan tena ona ranouen.

Jemis 2:13

E Sunahan ema antunan taatagi nanoi a katuun tema taatagi nanei a tana katuun. Kaba te taatagi namia limiou a tana katuun i romana, be Sunahan te taatagi has ranou limiou romana tara pöata te butuna u kout i tanen.

Jemis 2:22

E Abraham u nihamana i tanen e kui gono mei a markato a niga i tanen. Na markato a niga i tanen te hatarein u nihamana i tanen.

2 Pita 2:9

E Sunahan e tatei haka haniga rena u katuun u niga tegi torohana meraien, bate haka rena u katuun u omi tara nihahuna e antunana te butuna romana u Kout Pan i tanen.

2 Pita 3:7

Ba turu töa u mar raranga noahas u kolö na u puta e hahaloser a pöata tega kato homi lel meraien u tula. A han i puta na i kolö e hahaloser a pöata te kout mera noi e Sunahan u katuun u omi bate kato hataia ranen.

1 Jon 2:28

A matsi galapien, ka gono nitöa meiam e Kristo. Taraha, a pöata tena la namen romana, aragi tuol hakarapoto bara tema tatei matsingolo roi tena tuol roua ra i matanen.

1 Jon 2:5

Kaba a katuun te hengo hanigeiena u raranga tere Sunahan, nonei a katuun te ngil hamana korueiena e Sunahan. Na katuun te ngilin atei sil korueiena tega ka haniga gono menaien e Sunahan, nonei e tatei hengoena u raranga i tanen.

1 Jon 2:6

Esi a katuun te poeiena nonei e ka gono mena e Sunahan, a katuun teka ega markato has uu te markato uu e Iesu.

1 Jon 3:1

Tara, e Tamarara e Sunahan e ngil koru ranoura, bate ngö raneira a galapien i tanen. Na u mana koru, ara a galapien hamana koru tere Sunahan. U katunura i puta tema pala uari tere Sunahan ema atei sil has rarira, taraha nori ema atei sil haserien.

1 Jon 3:3

U katuun hoboto te hahanei siler e Kristo bate sasaalar, nori e markato hagogoso has uaier temar gogoso has uana e Kristo.

1 Jon 3:7

A matsi galapien, te katsin gamo rana limiou ta katuun, alimiou goma hamane mien. A katuun te kato haniga nitöana, nonei a katuun a matskö, te markato has uana e Kristo.

1 Jon 4:12

Emoa ta töa ta katuun tego tara noabi e Sunahan. Kaba te ngil korue rara a tana katuun, be Sunahan te kana i tarara. Ba u ngilngil i tanen te butu haniga nitöa noa i tarara.