1 Jon 3:5 - U Bulunagana U Niga

⁵ Alimiou e atei silemiou e Kristo e butu silema tegomi luba menai a man markato a man omi. Na nonei ema ka menei ta markato ta omi.

1 Jon 3:5 ပူးပေါင်းရင်းမြစ်များ

Matiu 1:21

Nonei e pose nou a pien tson, balö te ngöe moien e Iesu, e mar mouna uana teka, A Katuun a Hihitaguhu. Nonei e taguhu ranou u katuun i tanen bate luba nanou a man markato a man omi i taren.”

U Bulungana u Niga tere Iesu Kristo te kolotein e Luk 23:41

Taraha? E palisena a markato a omi ti kati ra. Kaba a katuun teka ema katoe ii ta ka ta omi.”

U Bulungana u Niga tere Iesu Kristo te kolotein e Luk 23:47

Ba katuun pan turu soldia e tarena a manka teka, ba nonei e soloseiena e Sunahan me poeiena, “U mana koru, nonei a katuun a niga!”

U Bulungana u Niga tere Iesu Kristo te kolotein e Jon 1:29

Turu tana u lan be Jon e tarena e Iesu e la uama i tanen, be Jon e poeiena turu katuun, “Taraiam, nonei teka a Tunan Sipsip tere Sunahan. Nonei tena luba nanou a man markato a man omi turu katuun i puta.

U Bulungana u Niga tere Iesu Kristo te kolotein e Jon 1:31

Alia uma atei sil hasei esi nonei koru e Mesaia. Kaba lia emi baptais mei u ramun tego halakasa mei lia e Iesu turu katunura i Israel.”

U Bulungana u Niga tere Iesu Kristo te kolotein e Jon 14:30

Alia ema antunan raranga pala lel gia i tamilimiou, taraha a kapan tara han i puta teka e la nama. A nitagala i tanen ema antuna neia i tar.

U Bulungana u Niga tere Iesu Kristo te kolotein e Jon 8:46

E si i tamilimiou te antunan haröto nena ta markato ta omi i tar? Ga te ranga tala nagia lia u mana, ga limiou e hahamana sil na milia aha?

2 Korin 5:21

E Sunahan e hasöatei e Kristo, tema ka korumei ta markato ta omi, a man markato a man omi i tarara. Ba tara markato teka e Kristo e hagogoso beraira tegi matskö uu ra tere Sunahan.

1 Timoti 1:15

U raranga teka e mana nitöana na u katuun hoboto egi hanigeien. Na e markato uana teka, e Iesu Kristo e la sileiema i puta tegomi lu pouts meraien u katuun u omi. Na lia a töa teka tu omi koru.

1 Timoti 3:16

Na ra hoboto e hia hanhaniga ner u lotu i tarara e ka mena a mamanaka a niga koru te haröto halakasa ner: E Kristo e butun Katunuma. U Namnamei u Göagono e harötein te matskö uanen. U angelo i tareien. U katuun i habulungana naien turu han hoboto. U katuun e hamana uaier i tanen. E Sunahan e lu pouts menaien i Kolö.

Taitus 2:14

Nonei e hala sile ii a peisanen tego sakahis meraien ra tara mamana markato a omi. Na nonei e mate sil tego kato hagogoso meraien ra, u katuun i tanen, bara te hun katuun uara i tanen bate kato hatagalera a man markato a man niga.

Hibru 1:3

A Pien Tson i tanen nonei u namnamei turu ualesala tere Sunahan. Nonei e here korue nei e Sunahan, na mamanaka hoboto e ka haniga silana turu raranga u tagala i tanen. I murina te galus ba naien a man markato a man omi turu katuun, ba nonei ena gumna tara pal matou tere Sunahan iasa koru i Kolö.

Hibru 4:15

Kaba ra egima tatei hakats ii bate poeiera a pris a tsunono pan i tarara ema antunan taatagi ranei ra tara pöata tema tagala ria ra. E möa. Kaba man torohana te ron butuna i tarara, e butu hasia i tanen tego torohana menaien. Kaba nonei ema kato homi ii.

Hibru 7:26

Na e niga koruna te ka menareira a pris a kapan koru te göagono koruna na tema ka töa koru menei ta ka ta omi i tanen na e möa ta ka tega kato homieien na e ka halhal barena u katuun u omi. Na nonei e söata sei korue ria tara han tere tamanen i Kolö.

Hibru 9:26

Tega markato uaien teka, ba nonei te tatei sagoho hapare iena u kamits, i manasa te habuteia e Sunahan a mamanaka bate antunana i romana. Kaba e möa. E Kristo e butuma tara töa puku a pöata, te sukusukun kapana a man pöata hoboto, tego hala menai a peisanen tara tou mate bate luba nena a man markato a man omi. Na nonei ema antunan kato lel nanei a ka teka.

Hibru 9:28

Na e markato has uana iesana, e Kristo e halan a peisanen tara töa puku a pöata tega luba menaien a man markato a man omi turu katuun u para. Na nonei emi butu hahuol nou romana. Nonei ema la hahuol sile namei romana tegomi luba lel menaien a man markato a man omi. E möa. Nonei e la sile nama romana tegomi taguhu meraien u katuun te hahalose ren.

1 Pita 1:18

Alimiou e atei silemiou a ka te sakahis ba ria limiou tara man markato a man omi ti lue mia limiou turu tubumilimiou. E Sunahan ema sakahis rai limiou a moni tuun te tatei taiana.

1 Pita 1:20

E Sunahan e hopö kap naien i mam noa te habuteien a han i puta, kaba nonei e hagou haröto naien tara kapakapana pöata tega taguhu meraien limiou.

1 Pita 2:22

“Nonei ema katoe ii ta markato ta omi. Na e möa tu töa tu gamo tega butuma i rungnen.”

1 Pita 2:24

E Kristo noahas te söata menai a man markato a man omi i tarara i peisanen te mateien tara kuruse. E markato uu teka tegi mate ba menai ra a man markato a man omi bate töatöa silera a markato a matskö. Nonei e lu sile ii a man takiraha i peisanen tegi niga pouts uu ra.

1 Pita 3:18

Taraha, e Kristo e sagoho kamits sil hasi a man markato a man omi i tarara. Na nonei e mate a töa puku a pöata. Nonei a katuun a niga te mate silir u katuun u omi. E kato sil tega peigi meraien ra tere Sunahan. A tuenreinen e mate, kaba nonei e töatöa mei a markato turu namnamei, batena rarariena u raranga tara man namnamei ti kaia tara makumun kits.

1 Jon 1:2

A nitöatöa teka e butu halesalama ba lam e tare men me habulungana namen, na nitöatöa teka e ka nitöana. Nonei a nitöatöa te kagono mei e Tamarara, memi töan butu halesalana i tarara.

1 Jon 1:7

Kaba te tataala ria ra turu ualesala noahas i tanen, bara te ka haniga hobotora, ba u rahatsing tere Iesu a Pien Tson i tanen te galus ba nena a man markato a man omi hoboto i tarara.

1 Jon 2:1

A matsi galapien koru i tar, alia e koloto menagi a man raranga teka i tamilimiou, taraha alia e ngilin taguhu ragou limiou ba limiou tema tatei kato homi mi. Kaba te kato homina a töa katuun, ara e kamera a katuun te matsköna, e Iesu Kristo te ranga bera noura tere Tamarara.

1 Jon 2:2

Taraha, e Iesu te sakahis raioura tere Sunahan tara pöata te mateien. Nonei ema kato pepeisa beraira a ka teka. Kaba nonei e kato mei a ka teka tega taguhu meraien u katuun hoboto tara mamana han i puta.

1 Jon 2:29

Na te atei silemia limiou e Iesu nonei a katuun a matskö, ga lö e atei sil talem a katuun te kato hanigana nonei a pien tere Sunahan.

1 Jon 3:8

A katuun te kato homi nitöana nonei a pien tere Satan, taraha e Satan e solon kato homi i mam noahas batemi antunana i romana. Na a Pien Tson tere Sunahan e butu silema tegomi kato hatia menaien a toukui tere Satan.