1 Jon 3:16 - U Bulunagana U Niga

¹⁶ Ara e mar atei sil mena rei u ngilngil hamana teka: e Kristo ema peitsnai a nitöatöa i tanen, ba nonei e mate sil ranoura. Na ara gima peits has nai a nitöatöa i tarara, kaba aragi markato has uu iesana bara te mate sil hasera a man hahatoulana i tarara, a pala te hamana ria tere Iesu.

1 Jon 3:16 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Jon 10:11

“Alia e heregi a katunun pepeito kap a niga turu sipsip te tatei mate sil rena u sipsip i tanen.

U Bulungana u Niga tere Iesu Kristo te kolotein e Jon 13:34

Alia e hala ragi limiou u raranga u tsimus, alimiou go hiangilngil iam. Ti mar ngil has merai lia limiou.

U Bulungana u Niga tere Iesu Kristo te kolotein e Jon 3:16

E Sunahan e taatagi sil koru rema u katuun hoboto me hala nenama a töa koru a Pien Tson i tanen. Na katuun te hamana uana i tanen ema antunan tia noi romana kaba ena ka menou a nitöatöa te ka nitöana.

Aposol 20:28

Alimiou go tara kap haniga naiam a peisa milimiou na u katuun hoboto tere Iesu, te here rari u sipsip. U Namnamei u Göagono e hopö kap raiou limiou u katunun taratarakap i taren. Taraha, nonei e ngilena alimiou go taratara kap haniga raiam u katuun tere Sunahan. A Pien Tson i tanen e sakahis hakapa raien u rahatsing i tanen.

U pas te koloto menai e Pol turu kristenira i Rom 16:4

A tsitabubu koru ba nori te atung hamate sil rari ti taguhu menaien lia. Alia e haniga koru uagu i taren, na pala hoboto tema Jiu ri e haniga has uaier i taren.

U pas te koloto menai e Pol turu kristenira i Rom 5:8

Kaba e Kristo e mate sil raioura tara pöata ti omi noaiara. A ka teka e haröto marei ranei ra e Sunahan e taatagi koru raioura.

2 Korin 4:12

Tara markato teka ba lam te söatem a nimate ba limiou te hala rari a nitöatöa.

Epesis 5:2

E Iesu e taatagi koru raioura me mate sil ranoura. A tou mate i tanen e here nei u haats te soka hamasi hanigan töa uana tere Sunahan, be Sunahan te ngil korue nen. Te markato tala uanen teka ba limiou te ngil koru has ramiou a palaier u katuun.

Epesis 5:25

Alimiou a pal tson ego ngil koru raiam a touhaliou i tamilimiou, te markato has uu e Kristo nonei e ngil korui a hun katuun i tanen ba nonei e mate sil ranen.

Pilipai 2:17

Alia toum e mate gou bate here goi u haats te la uana tere Sunahan, taraha alia u taguhu raiou limiou tego hamana uaiam limiou. Te mate hamana goua lia, alia e sasaala noahas gou.

Pilipai 2:30

Taraha, nonei e kui bei e Kristo e antunaia te sukusukun mate uaien. Nonei e kato sil tega kato hakapa menaien a toukui tima antunan kato hakapa bemi limiou alia.

1 Tesalonaika 2:8

Alam u ngil koru raiou limiou bate hala rami limiou u Bulungana u Niga tere Sunahan. Na lam uma peits ba railimiou ta töa taka i tamulam, na peisamulam has, taraha alimiou a matsomi i tamulam.

Taitus 2:13

Tara pöata te hahalose riara a nisasaala te hamana sile rara, nonei a pöata te butu noua u hiharöto pan tere Sunahan a kapan i tarara, nonei e Iesu Kristo temi lu pouts ranou ra.

1 Pita 1:18

Alimiou e atei silemiou a ka te sakahis ba ria limiou tara man markato a man omi ti lue mia limiou turu tubumilimiou. E Sunahan ema sakahis rai limiou a moni tuun te tatei taiana.

1 Pita 2:24

E Kristo noahas te söata menai a man markato a man omi i tarara i peisanen te mateien tara kuruse. E markato uu teka tegi mate ba menai ra a man markato a man omi bate töatöa silera a markato a matskö. Nonei e lu sile ii a man takiraha i peisanen tegi niga pouts uu ra.

1 Pita 3:18

Taraha, e Kristo e sagoho kamits sil hasi a man markato a man omi i tarara. Na nonei e mate a töa puku a pöata. Nonei a katuun a niga te mate silir u katuun u omi. E kato sil tega peigi meraien ra tere Sunahan. A tuenreinen e mate, kaba nonei e töatöa mei a markato turu namnamei, batena rarariena u raranga tara man namnamei ti kaia tara makumun kits.

1 Jon 2:6

Esi a katuun te poeiena nonei e ka gono mena e Sunahan, a katuun teka ega markato has uu te markato uu e Iesu.

1 Jon 2:9

A katuun te poeiena nonei e kana turu ualesala, kaba e paköeiena a hahatoulana i tanen, nonei e ka noa hasna turu kuhil.

Revelesin 5:9

Ba nori e kömeier u töa u hets u tsimus te mar ranga uana teka tara Tunan Sipsip: “Alö e ka mem a nitsunono tego lu menai lö a pits pepa bate lukapem u kaan harokotokap i tanen. Taraha? Alö i atung hamati na u rahatsing i tamölö e sakahis merai u katuun tere Sunahan, u katuun i lama tara mamana hun katuun hoboto, Na turu mamana u mar ranga hobotona tara mamana han.