1 Jon 3:13 - U Bulunagana U Niga

¹³ A man munmun toulana, ma asingoto nami tegi pakö merai limiou u katunura i puta.

1 Jon 3:13 ပူးပေါင်းရင်းမြစ်များ

Matiu 10:22

U katuun u parpara koru e omi rariou limiou te hamana uami limiou i tar. Kaba a katuun te hamana nitöa uana i tar, e Sunahan e lu pouts mena noien i tanen.

Matiu 24:9

“U katuun e hala rariou limiou romana tegi kato hakamits merai limiou, ba limiou te kato hamate rariou. Na mamana hun katuun e omi sile roi lia, alimiou.

U Bulungana u Niga tere Iesu Kristo te kolotein e Mak 13:13

Ba u katuun hoboto te pakö sil raroui limiou a solor. Kaba u katuun te pile kap hatagala nitöa ner a markato tere Sunahan tara pöata a omi teka, e Sunahan e lu pouts mera noien i tanen.”

U Bulungana u Niga tere Iesu Kristo te kolotein e Luk 21:17

U katuun hoboto e omi rariou limiou romana te katuun uami limiou i tar.

U Bulungana u Niga tere Iesu Kristo te kolotein e Luk 6:22

Sasaalaiam tara pöata te omi raria limiou, na te tori hasoala raria limiou, na te ranga homi raria limiou, na te tsuga raria limiou, te hamana uami limiou i tar, alia tu butun Katunuma.”

U Bulungana u Niga tere Iesu Kristo te kolotein e Jon 16:2

Nori ena hapiou ba raroui limiou a man luman lotu, na nori e kato hamate has rariou a palai i tamilimiou bate poeier, ‘Alam u kato mei a ka teka tegi solosei menai e Sunahan.’

U Bulungana u Niga tere Iesu Kristo te kolotein e Jon 16:33

Alia e mar ranga uagula teka ba masalohana i tar te tatei ka gono mera nou limiou. E manana, a markatona i puta teka e habute nou romana u nikamits i tamilimiou, kaba limiou go tagalaiam, taraha alia u la karasa hakapi a markatona i puta.”

U Bulungana u Niga tere Iesu Kristo te kolotein e Jon 17:14

Na lia u hala raien u raranga i tamölö. Na u katunura tara markatona i puta e omi raren, taraha nori e hereri lia: alia ema katuun uagi tara markatona i puta, na nori ema katuun has uari tara markatona i puta.

U Bulungana u Niga tere Iesu Kristo te kolotein e Jon 3:7

Alö go ma asingoto nai te hatei menagi lia alö, ‘Alimiou gi posa pouts raiou.’

U Bulungana u Niga tere Iesu Kristo te kolotein e Jon 7:7

U katuun i puta ema antunan omi rari limiou, kaba nori e omie riou lia, taraha alia e hatei ragien te omi uana a markato i taren.

Aposol 3:12

Be Pita e tara ranen me poeiena i taren, “Alimiou u katunura i Israel e asingoto koru namiou a ka teka bate tara tötoso uamuma i tamulam? Kaba a katuun teka ema niga mela lei a nitagala peisa i tamulam tsi a markato a niga i tamulam bate tataalana. E möa.

U pas te koloto menai e Pol turu kristenira i Rom 8:7

Tara pöata te hatakuiena u ngilngilina i puta u hakats tara katuun, ba katuun teka te omiena e Sunahan. Nonei e raman hengo nena e Sunahan. Na nonei ema antunan kato has nanei a Lo tere Sunahan.

2 Timoti 3:12

Na lia e hatei goulö, u katuun e kato homi puku rariou u katuun te pala uaier tere Iesu Kristo.

Jemis 4:4

Alimiou e hapolasa ba namiou e Sunahan bate heremi a tahol a hitöl te kato homina. A katuun te ngilena a markatona i puta e kato homi hasena e Sunahan. Na lia e hatei ragi limiou, u ngilngil na markatona i puta e paköena e Sunahan.

Revelesin 17:7

Ba angelo e poeiena i tar, “Alö e asingoto koru mema ha? Alia e hatei goi lö u ranga mousmous tara tahol teka na tara ka te hosei nen, te ka mena u tohit u baku na maloto a ki.