1 Jon 3:12 - U Bulunagana U Niga

¹² Ara gima here ii e Kein nonei e pala uu tere Satan, ba nonei e atung hamateiena e toulanen e Ebol. Nonei e atung meien a markato i tanen e omi ba markato tere Ebol te matsköna.

1 Jon 3:12 ပူးပေါင်းရင်းမြစ်များ

Matiu 13:19

U katuun te hengoer u raranga tara nipepeito kap ba tema atei silerien, e Satan ena la nama romana bate lubanena a tsi niatei te kana i tori milimiou. E herenei a man ngal ti tsihasa naia i maroro.

Matiu 13:38

Na kui e here nei u han hoboto i puta. Na man ngal a man niga e here nei u katunura tara Nipepeito tere Sunahan. Na u pulung u omi e here nei u katuun tere Satan.

Matiu 23:35

Ba limiou te alate miou romana u katuun u matskö ti atung hamatir i manasa, e taniaia tere Ebol bate lana tere Sakaria a pien tere Berekaia ti atung hamateia u tubumilimiou i gusuna Luman Lotu Pan na makumun haats.

Matiu 27:23

Be Pailat e poeiena, “E ha koruna? A saha ka omi te katoeien?” Ba nori e ku sei bala tuun len meier, “Nila namia tara kuruse!”

Matiu 5:37

Alimiou go poe tuun laseiam, ‘Aa’ tsi ‘E möa.’ Ta saha ta ka te ranga lel namou limiou e la hamanasa tala nama tere Satan.”

U Bulungana u Niga tere Iesu Kristo te kolotein e Jon 10:32

Kaba e Iesu e pei i taren, “Alia u haröto rai limiou a mamana toukui a niga tere Tamar. Ga saha mar toukui te katsin titi hatu memi limiou alia?”

U Bulungana u Niga tere Iesu Kristo te kolotein e Jon 8:40

Alimiou e katsin atung hamatie moulia. E Abraham ema markato uai teka. Alia e hatei ragu lei limiou u ranga hamana tu hengoe malia tere Sunahan.

U Bulungana u Niga tere Iesu Kristo te kolotein e Jon 8:41

Alimiou e markato koru las uamiou te markato uar u tamamilimiou.” Ba nori e poeier i tanen, “Alam ema pikeilatu mi. Alam e ka mem a töa tamamulam, nonei e Sunahan.”

Aposol 7:52

U tuburara i kato homir u propet hoboto i manasa. Nori i atung hamatir u katuun tere Sunahan ti habulungana mamin tego la uama romana a Katuun a Matskö i tanen, nonei e Kristo. Na limiou u hala hakapa mena mien turu katuun ti omieien ba nori e atung hamatie ren.

1 Tesalonaika 2:14

A ka te butuia i tamilimiou e butu hasia turu Jiu te hamana uaier tere Kristo. U Jiu i kato homir u katuun i Judia te hamana uar tere Iesu Kristo, na u katuun pouts has i tamilimiou e kato has uar iesana i tamilimiou.

Hibru 11:4

Turu nihamana tere Ebol, be Sunahan e hanigeiena u haats i tanen batema hanigenei u haats tere Kein. E Sunahan e haniga korui e Ebol me ngöe neien a katuun a matskö, na turu nihamana i tanen be Sunahan e luena manka te hala naien. E Ebol e mate, kaba turu nihamana i tanen nonei e ranga noahasina.

Hibru 12:24

Alimiou u la uamuma tere Iesu, nonei te kits gono meraira na e Sunahan u rangan haniga u tsimus. Alimiou u la uamuma turu rahatsing i tanen te tatsihasa sil raioura me hala nena a nihitaguhu, te niga bala nena a ka te rangein u rahatsing tere Ebol.

1 Pita 4:4

Ba pala te hahamanar e asingoto koru ner tema kato lel gono mera mien limiou a man markato a man omi pinopino teka, ba nori te ranga hohomi rariou limiou.

1 Jon 3:8

A katuun te kato homi nitöana nonei a pien tere Satan, taraha e Satan e solon kato homi i mam noahas batemi antunana i romana. Na a Pien Tson tere Sunahan e butu silema tegomi kato hatia menaien a toukui tere Satan.

U pas te kolotein e Jut 1:11

Nori e lue riou romana a nihahuna pan. Taraha, nori e markato homi uaier te kato uu e Kein i manasa. Nori e kato homir na e kui hatagala siler a moni, te kato has uu e Balam. Nori e hipus naier e Sunahan, te markato has uu e Kora. Ba nori te mate has riou romana.

Revelesin 17:6

Ba lia e taregu a tahol teka e tutu mei u rahatsing turu katuun tere Sunahan, na e tutu has mei u rahatsing turu katuun ti atung hamate merai ti hamana uaien tere Iesu. Ba pöata tu tareia lia a tahol teka ba lia e asingoto korugu.