1 Jon 3:11 - U Bulunagana U Niga

¹¹ Nonei u raranga teka tu hengo mam naiam limiou: aragi ngili a tabina katuun.

1 Jon 3:11 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Jon 13:4

Ba nonei e takeina be luba nena u hasobö u ngahangaha i tanen me hapouseiena u tol.

U Bulungana u Niga tere Iesu Kristo te kolotein e Jon 15:12

Alia e hatei ragou limiou: hiangilngil uaiam temar ngil has mera gilia limiou.

Galesia 6:2

Te ka mena a töa i tamilimiou a nitiama pan, ba limiou te taguhe men. Ba markato teka te haröto nanou alimiou e hengo hanigemiou u raranga tere Kristo.

Epesis 5:2

E Iesu e taatagi koru raioura me mate sil ranoura. A tou mate i tanen e here nei u haats te soka hamasi hanigan töa uana tere Sunahan, be Sunahan te ngil korue nen. Te markato tala uanen teka ba limiou te ngil koru has ramiou a palaier u katuun.

1 Tesalonaika 4:9

Alam ema ngilin ranga hapara nami tego ngil mera milimiou u hahatoulana i tamilimiou tere Kristo, taraha e Sunahan e hatuts hakapa railimiou tego hiangilngil pouts uaiam limiou.

1 Timoti 1:5

Kaba a ka koru tegi habuti ra, aragi halakasi u hiangilngil te la nama turu tori u gogoso na u hakhakats u niga, na te hamana haniga koru riara tere Sunahan bara te atei sil talera ara e möa ta töa ta ka ta omi i peisarara.

1 Pita 1:22

Alimiou u hagogoso hakapeiam a torimilimiou ti kukute mena milimiou u raranga u mana, ba limiou te ngil koru tala ramiou a pal katuun tere Kristo. Na u ngilngil i tamilimiou tara palaier u katuun ega tagala, bate la nama tara tui i tamilimiou iogana koru.

1 Pita 3:8

U raranga teka e la uana i tamilimiou hoboto. Alimiou go ka meiam u töa puku u hakats bate hiataatagi miou. Alimiou go hiangilngil iam te hamana hoboto uamilimiou tere Kristo bate heremi a man munmun toulana. Ba limiou te tami mia tara tabi bate haka putemiou a peisa milimiou.

1 Pita 4:8

A ka te pan bala koruna tara mamanaka, alimiou go hiangilngil hatagalaiam, taraha u ngilngil nonei te kato hataie nou a mamana a markato a omi.

1 Jon 1:5

Nonei u raranga teka tu hengo naia lam tere Iesu ba lam e hatei namen i tamilimiou: e Sunahan nonei u ualesala na e möa koru ta tsi tabubun kuhil tega kaia i tanen.

1 Jon 4:11

A matsi hahikapien, temar ngil koru meraira e Sunahan, nonei tegi mar ngil koru has menaira a tana katuun.

1 Jon 4:21

Na u raranga ti lueiara i tanen e kato uana teka: esi a katuun te ngilena e Sunahan ega ngil hasi a man hahatoulana i tanen.

1 Jon 4:7

A matsi hahikapien, aragi ngil korui a tana katuun, taraha u ngilngil hamana e la nama tere Sunahan. Na katuun te ngil hamanena a tana katuun e pala uana tere Sunahan, bate atei silena e Sunahan.

2 Jon 1:5

Kaba lia ema koloto menagi tu raranga tu tsimus i tamölö. E möa. Alia e koloto negu u raranga ti lu mamira te poeiena, ara a hun katuun tere Iesu egi hiangilngil.