1 Jon 2:21 - U Bulunagana U Niga

²¹ Alia ema poeiegi alimiou ema atei silemi a manka te manana, ba lia te koloto uagu i tamilimiou. E möa. Alia e koloto uagu i tamilimiou taraha alimiou e atei silemiou a manka te manana, na limiou e atei sil hasemiou e möa ta töa ta ka ta gamo tega tatei butuma tara manka te manana.

1 Jon 2:21 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Jon 18:37

Be Pailat e poeiena i tanen, “Kaba lö a king noahas, boka?” Be Iesu e poeiena, “Aa, nonei a ka ti posa silei lia. Alia u tuhana sileia i puta tego hatei merai u katuun a Nimana. U katuun hoboto te ngiler u Mana e hengo hanige rioulia.”

U Bulungana u Niga tere Iesu Kristo te kolotein e Jon 8:44

E tamamilimiou e Satan, alimiou e ngilin katoemiou a ka te ngile nen. Nonei a katunun a hihipuli noana i manasa, na ema tuol neia tara nimana, taraha e moa ta nimana i tanen. Na pöata te gamo nen, nonei e kukutiena a markato noahas i tanen, taraha nonei a gamogamo na nonei a mouna u mamana u gamo hoboto.

Jemis 1:19

Alimiou go atei sileiam a ka teka, a matsomi koru i tar. Alimiou go hahengo haniga uaiam tara tana katuun ba limiou tema ranga haparami. Alimiou goma raharaha boroboro hasmi.

2 Pita 1:12

Nonei te ngilin ranga hatei kapin töa mera gilia limiou ba u hakats i tamilimiou te hakats kap nitöanena a manka teka, noahasina ti atei sil hakapa memien limiou bate tuol hakarapoto mia turu raranga u mana tu lueiam limiou.

1 Jon 3:19

Na te markato tala uarara teka, bara te atei silera ara u katunura turu ranga u mana. Kaba pöata te hakats tuun rara bate poeiera, “Alia e kato homigu,” aragi hakats kapiin a ka teka: e Sunahan e roron taatagi rena u katuun na nonei e atei silena a mamanaka hoboto.

U pas te kolotein e Jut 1:5

Alimiou u atei sil hakapeiam a manka te katoi a Tsunono i manasa, kaba alia e ngilin hatei lel ragien limiou. E Sunahan e taguhir u katunur i Israel me luba rena men turu tsiktsiki i Itsip. Kaba i murinen nonei e kato hamatir u katuun ti hahamanaia i gusuren.