1 Jon 2:16 - U Bulunagana U Niga

¹⁶ Nori u katuun teka te ngileier a markatona i puta: a katuun te matesilena a manka man omi, a katuun te ngil korueiena tega tara menaien a manka man omi, a katuun te saala koruena a peisanen. A man ngilngil hoboton töa teka e butu nama tara markatona i puta. E ma butu nameia tere Tamarara.

1 Jon 2:16 ပူးပေါင်းရင်းမြစ်များ

Matiu 4:8

Be Satan e lu mena neien turu töa u pokus iasa koru. Ba nonei e haröte neien a man han hoboto i puta na mamanaka a niga i taren.

Matiu 5:28

Kaba alia e hatei ragou limiou, a tson te tara uana tara tahol bate ka mena u hakats u omi i torinen, nonei e kato hakape lala a markato a omi.

U Bulungana u Niga tere Iesu Kristo te kolotein e Luk 4:5

Be Satan e la sei menen, ba nonei tara tsi pöata puku noahas teka ba man han hoboto i puta te butuna ba nonei e haröteneien e Iesu.

U pas te koloto menai e Pol turu kristenira i Rom 13:14

Alimiou go katoeiam a markato tere Iesu Kristo a Tsunono. Alimiou ema tatei kukute lenemi u ngil turu tuenrei i tamilimiou.

1 Korin 10:6

A manka teka e haröto ranei ra tegima mate sil menai ra a manka man omi ti markato has uaien.

Galesia 5:17

Taraha, u ngilngilina i puta e roron hiatatung mena u ngilngil turu Namnamei tere Sunahan, na u ngilngil turu Namnamei tere Sunahan e roron hiatatung has mena u ngilngilina i puta. Nori ema ron hianiganiga ri, ba limiou tema antunan katoe moi a ka te ngilin katoe milimiou.

Galesia 5:24

Na u katuun te ka uaier tere Kristo, a mamana markato a omi hoboto i taren na u ngilngilina i puta, nori i hakute gono meien e Kristo tara kuruse me matena.

Epesis 2:3

Ara hoboto i markato uu ti kato uaien. Ara i kukute u ngilngil peisa i tarara i puta, bate kato uara turu ngilngil turu tuenrei na turu hakats i tarara. E Sunahan e raharaha raioura na u katuun hoboto, taraha a markato a omi e takui ia i tarara.

Taitus 2:12

bate hatuts raneira tegi tori tsuga menaira u ngilngilina i puta. Na tara pöata i romana aragi hala puta hasi a peisarara bate kukutera a markato a niga tere Sunahan.

Taitus 3:3

Taraha, i manasa ara i hipus has bate kato hatutu hasira na palai i gamo has raioura. Na u ngilngilina tara mamanaka a nigana i puta e pile haröroto koru has raioura. Na mar nikaka i tarara e saputi a markatona turu hiomi na markato a omi. U katuun ima haniga rai ra, na ra ima haniga has raien.

Jemis 3:15

U mar hakats teka ema butu nameia iasa. E möa. E butuna i puta. Ema markato uanei te hakats uana u namnamei u niga. E kato uana te hakats uana e Satan.

Jemis 4:16

Kaba alimiou ema markato uami teka. E möa. Alimiou e ranga sesei namiou a manka a man kapan tena katoemi limiou romana. U mar ranga teka e omina.

1 Pita 1:14

Alimiou a galapien tere Sunahan go hengoe men. I manasa alimiou u tutu ba naiam e Sunahan na limiou u ka meiam u ngilngil u omi. Kaba limiou ema tatei kukute lenemi a markato teka.

1 Pita 2:11

A man hahikapien i tar, alimiou e heremi u katunun hulala tuun i puta, na limiou e ka pukuemou a tsitabubun pöata turu tsiktsiki teka. Na lia e ranga hataatagi mera gilimiou, alimiou goma rongarongemi a peisa milimiou tego kato menaien a man ngil a man omi, u ngil te roron hiatatung mena u namnamei i tamilimiou.

2 Pita 2:10

Na nonei e tatei hahuna koru has rena u katuun te roron kukuteier u ngilngil u omi i peisaren, bate hipus ner a nitsunono tere Sunahan. U tson hihatuts teka ema matout koruri ba nori te hipusur, na nori ema matoutun ranga homi has rari a pal kapan i Kolö.

2 Pita 2:18

Nori e ranga sesei koru ner u raranga u tutu bate hamamangil reri u katuun u ngilngil na man markato a man omi i peisaren, u katuun ti hagou bus bar u katuun te roron kato homir.