1 Jon 2:15 - U Bulunagana U Niga

¹⁵ Alimiou goma ngilemi a markatona i puta. Na limiou goma ngil hasemi a manka te butu gono mena a markatona i puta. A katuun te ngileiena a markatona i puta ema ngile nei e Tamarara.

1 Jon 2:15 ပူးပေါင်းရင်းမြစ်များ

Matiu 4:8

Be Satan e lu mena neien turu töa u pokus iasa koru. Ba nonei e haröte neien a man han hoboto i puta na mamanaka a niga i taren.

Matiu 6:24

“A katuun ema antunan kui neia tara huol a tsunono. Taraha, nonei e rama nanou a töa bate ngilena a tabi. Alö ema antunan kui hoboto bemi e Sunahan na moni.

U Bulungana u Niga tere Iesu Kristo te kolotein e Luk 16:13

“E möa ta katunun kui tega antunan kui bei a huol a tsunono. Nonei e ngile nou a töa bate rama nanou a tai. Tsi, nonei e karous nanou a töa bate hengo hanigeiena a tai. Alimiou ema antunan hatsunonemi e Sunahan na moni.”

U Bulungana u Niga tere Iesu Kristo te kolotein e Jon 15:19

Sanena tego katuun uami limiou i puta, u katuunur i puta sane ngil rariou limiou. Kaba e moa tala. Nori ema ngil rari limiou, taraha alimiou ema katuun lel uami i puta. Alia u luba hakapa raia limiou tara markatona i puta, nonei te raharaha be rari limiou u katunura i puta.

U pas te koloto menai e Pol turu kristenira i Rom 12:2

Alimiou goma kukutiemi a markato tara han i puta teka. E möa. E Sunahan e ngilin hala ranei limiou u hakats u tsimus bate habiritsena a torimilimiou ba limiou te atei sile mou u ngil tere Sunahan bate hanigei men, a ka te nigana na ka te sasaala mena e Sunahan na ka te matskö nitöana.

Galesia 1:10

Alia ema kato megi u raranga teka tegi haniga menai lia u katuun. Emoa. Alia e kato silegu e Sunahan tega hanigeiou lia. Te kato hasasaala ragoua lia u katuun, alia ema kui begi e Kristo.

Epesis 2:2

Alimiou u kukuteiam a markato a omina i puta, bate hengoemiou a tsunonona tara man spirit a man omina iasa, nonei a spirit a omi te hakui rena u katuun te hipus naier e Sunahan.

1 Timoti 6:10

Taraha, u ngilngil tara moni a mouna koru a mamana markato a omi. Turu ngilngil pan koru tara moni ba palair u katuun te hapolasa susuler a markato te hamana uarara tere Sunahan bate katoeier a mamanaka a omi te kato hakamitsena a peisaren.

Jemis 1:27

A katuun te niga hamanana na te matsköna i matana e Sunahan e Tamarara e markato uana teka: nonei egona taguhir u binai na u amoaba tara pöata te omina a nikaka i taren, na nonei e ka halehana ba nena a manka a man omi tara han i puta.

Jemis 4:4

Alimiou e hapolasa ba namiou e Sunahan bate heremi a tahol a hitöl te kato homina. A katuun te ngilena a markatona i puta e kato homi hasena e Sunahan. Na lia e hatei ragi limiou, u ngilngil na markatona i puta e paköena e Sunahan.

1 Jon 3:17

Kaba a katuun te ka mena a mamanaka bate atei sil hasena e toulanen e moana ta kannou ba nonei tema taatagi naneien, ga ime temar ngil mena neien e Sunahan? Ge möa tala.

1 Jon 4:5

Nori u katunura i puta na u ranga i taren u rarangana i puta, na u katunura i puta e hahengo has uaier i taren.

1 Jon 5:10

A katuun te hamanana tara Pien Tson tere Sunahan e atei haniga silena te mana uana u raranga teka. Kaba a katuun te hahamana nena e Sunahan nonei a katuun te poeiena, “E Sunahan a katuun a gamogamo.” Taraha, nonei e hahamana nena a ka te ranga benei e Sunahan a Pien Tson i tanen.