1 Jon 2:14 - U Bulunagana U Niga

¹⁴ Alia e koloto uagu i tamilimiou, a matsi galapien, taraha alimiou e atei silemiou e Tamarara. Na lia e koloto has uagu i tamilimiou, a pal kapan, taraha alimiou e atei silemiou e Iesu e kaia i mam te habuteia e Sunahan u kolö na u puta. Na lia e koloto has uagu i tamilimiou, a pal hitots, taraha alimiou e tagala miou na limiou e pile hakarapoto namiou u raranga tere Sunahan i torimilimiou, na limiou u la salsaluhe hakapeiam e Satan.

1 Jon 2:14 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Jon 15:7

Te ka gono memia limiou alia na te hengo hanige mia limiou u ranga i tar, rangata naiam ta ka te ngile milimiou ba limiou te lue moien.

U Bulungana u Niga tere Iesu Kristo te kolotein e Jon 5:38

Na u raranga tere Sunahan ema ka neia i torimilimiou, taraha alimiou ema hamane milia, alia tu lama i tanen.

U Bulungana u Niga tere Iesu Kristo te kolotein e Jon 8:31

Be Iesu e poeiena turu Jiu ti hamanaia i tanen, “Esi te kukute nitöa nanou u hihatuts i tar, nonei a katunun tsitsilo hamana i tar.

U Bulungana u Niga tere Iesu Kristo te kolotein e Jon 8:37

Alia e atei silegu alimiou u tuhanama tere Abraham. Kaba limiou e ngilin atung hamate noahase moulia, taraha u raranga i tar emoa ta makum i tanen i torimilimiou.

Epesis 6:10

Alia e mar hakapa menagi u raranga i tar teka. Alimiou go tagala mia tara Tsunono na tara nitagala pan i tanen.

Pilipai 4:13

E Kristo nonei te hale noi lia a nitagala, na te hantune noulia tara mamanaka hoboto.

Kolosi 1:11

E Sunahan e tatei kato hatagala ranou limiou e antunana tara nitagala pan i tanen, ba limiou te sasaala memiou tego kato nitöa menami u ngilngil i tanen bate niga mia i tanen.

Kolosi 3:16

U raranga tere Kristo ega ka nitöaia i torimilimiou bate hatakuieiena a mamanaka a niga. Hatuts rami u katuun a mamana niatei a niga ba nori te kukutie ren. Ba limiou te kömemiou u sam na u köman lotu na u köma te hatakeiena u namnamei u göagono i torimilimiou. Tara pöata te köma mia limiou, ba torimilimiou te haniga has uana tere Sunahan.

2 Timoti 2:1

O Timoti alö te heremi a pien i tar, lueia a nitagala tara nihitaguhu te kana tere Iesu Kristo.

Hibru 8:10

Ba Tsunono e mar ranga mera neien teka, “Nonei u hia hanhaniga u tsimus te kato gono megoi lia u katunura i Israel. Alia e hakei goua a lo i tar turu hakhakats i taren na i tori ren, ba nori te hakats kap nitöa narouen bate kukutie ren. Ba lia te tsunono ragouen ba nori te hun katuun uariou i tar.

1 Jon 1:1

Alam e koloto silemi u pas teka tego habulungana menami limiou u Rarangana tara Nitöatöa. Nonei e ka mam noahas te habuteia e Sunahan u kolö na u puta. Ba nonei e butun katununa ba lam e tara peisanem a mata mulam me hengo hasim, me hasebele hase mia a limamulam i tanen.

1 Jon 1:10

Te pei mena reira ara ima kato homii, ara e kato here narei, “E Sunahan a katuun a gamogamo.” Ba u raranga i tanen tema ka neia i torirara.

1 Jon 2:13

Na lia e koloto uagu i tamilimiou, a pal kapan, taraha alimiou e atei silemiou e Iesu te kaia i mam te habuteia e Sunahan u kolö na u puta. Na lia e koloto uagu i tamilimiou, a pal hitots, taraha alimiou u la salsaluhe hakapeiam e Satan.

3 Jon 1:3

Alia u sasaala koru mei temi butu uu a man hahatoulana i tarara te hamana ria tere Iesu, bate hatei rilia te kukute haniga mena milö u raranga u mana.

Revelesin 2:3

Alia e atei sil hasegu alimiou e sagohe miou a kamits bate tuol hakakamoto sile miou te hamana uamia limiou i tar. Kaba limiou e tagala sil noa hase moulia batema karous mi.

Revelesin 2:7

“Esi te ka mena u talinga ega hengo haniga korui a ka te hatei nena u Namnamei tere Sunahan tara man hun katuun tere Kristo. “Na tara katuun te tagala saluhena, alia e haniga negou tego na nouaien turu rueina tara nitöatöa, te kana iahana kui tere Sunahan.”