1 Jon 1:2 - U Bulunagana U Niga

² A nitöatöa teka e butu halesalama ba lam e tare men me habulungana namen, na nitöatöa teka e ka nitöana. Nonei a nitöatöa te kagono mei e Tamarara, memi töan butu halesalana i tarara.

1 Jon 1:2 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Jon 1:18

E möa ta töa ta katuun tega tara noabi e Sunahan. Kaba a töa koru a Pien Tson i tanen, nonei has e Sunahan te sukusuku koruna i torina e Tamanen, nonei te haröto raira e Sunahan.

U Bulungana u Niga tere Iesu Kristo te kolotein e Jon 1:4

A nitöatöa e kaia i tanen, na nitöatöa teka u ualesala turu katuun hoboto.

U Bulungana u Niga tere Iesu Kristo te kolotein e Jon 10:28

Alia e hala ragouen a nitöatöa te ka nitöana ba nori tema tatei tia roi romana. E möa ta töa ta katuun tega antunan gul ba rai lia u katuun i tar.

U Bulungana u Niga tere Iesu Kristo te kolotein e Jon 14:6

Be Iesu e poeiena i tanen, “Alia a maroro, na lia a nimana, na lia a nitöatöa. E möa ta taiana ta maroro tego la u tere Tamar. Alia puku a maroro tere Tamar.

U Bulungana u Niga tere Iesu Kristo te kolotein e Jon 15:27

Na limiou has te hatei namou lia, taraha alimiou tu ka gono memou lia tu tanian kui mam ma lia te antunana i romana.”

U Bulungana u Niga tere Iesu Kristo te kolotein e Jon 16:28

Alia u la ma tere Tamar me la uaguma i puta teka. Na lia e laba negu a han i puta bate la pouts uagou tere Tamar.”

U Bulungana u Niga tere Iesu Kristo te kolotein e Jon 17:3

Nonei teka a maroro tara nitöatöa te ka nitöana: u katuun te atei sile riou lö a Sunahan te mana nitöana, na lia e Iesu Kristo tu hala nema lö.

U Bulungana u Niga tere Iesu Kristo te kolotein e Jon 17:5

Bara! O Tamar, hala tale mei lia a nikapan ti gum ma lia i rehimölö, a nikapan tu ka mam mei lia i mam te butuia a han i puta.

U Bulungana u Niga tere Iesu Kristo te kolotein e Jon 19:35

Alia e Jon tu tarei a ka teka alia u hatei hakapein u ranga. U raranga i tar e manana, na lia e atei sil hasegu te mana uana u ranga i tar.

U Bulungana u Niga tere Iesu Kristo te kolotein e Jon 21:14

Nonei a hatopisana a pöata teka te butuia e Iesu turu katunun tsitsilo i tanen i murina te takei pouts ien tara tou mate.

U Bulungana u Niga tere Iesu Kristo te kolotein e Jon 3:13

E möa ta töa ta katuun tega la sei uu i Kolö. Alia puku lahas tu butun Katunuma tu koulma i Kolö.

U Bulungana u Niga tere Iesu Kristo te kolotein e Jon 8:38

Alia e hatei negu a man raranga te hatei hakape melia e Tamar. Kaba limiou e kukute miou a man raranga turu tamamilimiou.”

Aposol 10:41

U katuun hoboto ima tareien kaba alam tu tareien, taraha e Sunahan e hopö kap mam raiou lam tego tara menai lam a ka teka ba lam tena hahatei namen. Alam u nou gono meien na u ua gono has meien i murina te takei pouts ien tara tou mate.

Aposol 2:32

Nonei e Iesu teka e Sunahan e hatakei poutseien, na alam u tara hoboteien ba lam te habulungana namen.

Aposol 3:15

Alimiou u atung hamateiam a Mouna a Nitöatöa. Kaba e Sunahan e hatakei poutseien tara tou mate i tanen, na lam u tari a ka teka bate hahatei namen.

Aposol 5:32

Alam na u Namnamei u Göagono u tarei a manka teka te kato e Sunahan me hatei namen. Be Sunahan e hala has nena u Namnamei u Göagono turu katuun te kukutier u raranga i tanen.”

U pas te koloto menai e Pol turu kristenira i Rom 8:3

E Sunahan e kato a töa ka a niga koru, na Lo tere Mosis ema antunan katoe ii a ka a niga teka, taraha u ngilngilina i puta ema antunan kukute ii a Lo teka. Be Sunahan e hala nenama a Pien Tson i tanen peisa memi lueiena u tuenrei te markato uu turu tuenrei i tarara me mate silena a markato a omi. Ne Sunahan e luban a nitagala tara markato a omi te kana turu tuenrei i tarara.

Galesia 4:4

Kaba tara pöata hamatskö te hopö kapiin e Sunahan, ba nonei e hala nenama a Pien Tson i tanen. A tahol te poseien, ba nonei e kana i kopina a Lo turu Jiu.

1 Timoti 3:16

Na ra hoboto e hia hanhaniga ner u lotu i tarara e ka mena a mamanaka a niga koru te haröto halakasa ner: E Kristo e butun Katunuma. U Namnamei u Göagono e harötein te matskö uanen. U angelo i tareien. U katuun i habulungana naien turu han hoboto. U katuun e hamana uaier i tanen. E Sunahan e lu pouts menaien i Kolö.

2 Timoti 1:10

Kaba a ka teka i halakasa sila nama te butuma e Iesu Kristo te lu pouts meraien ra. Nonei e poki a nitagala tara tou mate me hala raneira a nitöatöa. Turu Bulungana u Niga teka te hala sila namen u ualesalana tara nitöatöa te ka nitöana.

Taitus 1:2

Ba nori te kameriou u hakhakatsina tegi hahaloso menaien a nitöatöa te ka nitöana. Na e Sunahan, tema tatei gamo nei e ranga hamana naia a nitöatöa teka i mamuna te butuia u puta.

1 Pita 5:1

Alia e ka hamanasa megu u raranga i tamilimiou a pal kapan te tara kap ner u lotu. Na lia has a katuun pan turu lotu i tarara. Alia u tara hakapi temar kamits uu e Kristo, na lia e lu gono has megoen romana a nikapan tara pöata te butu namen romana. Alia e ranga hataatagi mera goulimiou, alimiou go taratara kap haniga raiam u katuun te hala railimiou e Sunahan. Nori e hereri u sipsip na limiou u katunun taratarakap i taren. Alimiou goma kato memi a toukui teka te hakui tuun mera nei limiou e Sunahan. E möa. Alimiou go ka meiam u ngilngil i peisa milimiou bate katoe men. Alimiou goma kato sile mien tego lu mena milimiou ta moni. E möa. Alimiou go kame iam u ngil u tagala tara toukui teka.

1 Jon 1:1

Alam e koloto silemi u pas teka tego habulungana menami limiou u Rarangana tara Nitöatöa. Nonei e ka mam noahas te habuteia e Sunahan u kolö na u puta. Ba nonei e butun katununa ba lam e tara peisanem a mata mulam me hengo hasim, me hasebele hase mia a limamulam i tanen.

1 Jon 2:25

Na nonei a ka te ranga hakapein e Kristo, tego hala rien ra, nonei a nitöatöa te ka nitöana.

1 Jon 3:5

Alimiou e atei silemiou e Kristo e butu silema tegomi luba menai a man markato a man omi. Na nonei ema ka menei ta markato ta omi.

1 Jon 3:8

A katuun te kato homi nitöana nonei a pien tere Satan, taraha e Satan e solon kato homi i mam noahas batemi antunana i romana. Na a Pien Tson tere Sunahan e butu silema tegomi kato hatia menaien a toukui tere Satan.

1 Jon 4:14

Na ra i tara hakapa, e Tamarara e hala sile mei a Pien Tson i tanen tegomi haka haniga meraien u katunura i puta. Alam e hatei hamana koru namen.

1 Jon 4:2

Nonei teka temar tara marei menari u Namnamei tere Sunahan: u katuun te poeier e Iesu Kristo e butun Katunuma, e Sunahan te haranga ranen.

1 Jon 5:11

Na nonei a ka teka te hatei raneira e Sunahan: e Sunahan e hala raira a nitöatöa te ka nitöana, na nitöatöa teka e kana tara Pien Tson i tanen.

1 Jon 5:13

Alia e koloto menagi a manka teka i tamilimiou u katuun te hamana mia tara Pien Tson tere Sunahan, taraha alia e ngilegu alimiou ego atei haniga sileiam te ka mena milimiou a nitöatöa te ka nitöana.

1 Jon 5:20

Ara e atei silera a Pien Tson tere Sunahan e la silema i puta tegomi hala meraien ra a niatei tegi tatei atei sil menai ra e Sunahan hamana. Ara e ka gono mera e Sunahan hamana na e Iesu Kristo a Pien Tson i tanen. Nonei a Sunahan hamana teka, na a katuun te pala uana tara Pien Tson i tanen e ka mena a nitöatöa te ka nitöana.