Xowawu 21:5 - Hixkaryána Novo Testamento

⁵ Kàrkomo y, kekon hatà, noro, àwyanye. Kana naye, ohyawonye, kekon hatà. Ehxera, ketxkon hatà.

Xowawu 21:5 ပူးပေါင်းရင်းမြစ်များ

Matewsà 14:15

Àro rma kokmamrà ro, Txesusu hyaka haxa totxownà hatà, ànhananàhrà ro komo. Ehxera ro mak naha, owto, tano, ketxkon hatà, àwya. Tkokmamtxow ha. Àro ke, toto komo ànyahtxoko, ketxkon hatà. Ànyahtxoko, anaro rha owto hona. Tànyahrà komo yehekahso ànyahtxoko, ketxkon hatà, ànhananàhrà ro komo.

Mahhusa 8:7

Kana txko xarha, àhyawonye nehxakon hatà, yakenohnà rma hatà. Noro hoko xarha nàrwonàmye hatà, Txesusu, Khoryenkom yakoro. Tàrwonàmàtxhe rma, noro xarha yokampoy hatà, tànhananàhrà ro komo wya.

Feryepos 4:19

Àsok katxho me hana nay ha, Khoryenkom ha. Apa y katxho me nay hamà, rowya. Noro rma, oyowakryetxhe xaxa hampànà, ehonomnà xaxa kaxe. Noro hyawo rma naha, kowakryetxho komo, omeroro, uro nyhe txko ewakryeko katxho yoho rma haxa mak ha. Àro hoye ro oyowakryetxhe, Kryestu Txesus yoh me oyesnàr kom ke mak ha. Eten komo xe oyehtokony hana, àsok oyesnàr komo xe oyehtokony hana, oyowakryetxhe xaxa mak hampànà.

Ekmàryewyana komo 13:5

Katxhonano hoko ehohkahra ro mak ehtxoko. Eten kom hana ohyawonye rma nay ha, akatxho kom ha. Àro hoko rma teryehorye rma ehtxoko. Àsok tawro hana. Kohkomo ryhe, kowakryeny kom me nay hamà. Onà wyaro kany me nay hamà. Ohutwahkahpàranye ro mak wehxaha, ohnànkahranye ro mak wehxaha, kany me naha, noro ha.

1 Xowawo 2:13

Horykomo komo y, ohyakanye ryhe àmenhehe, Txesus hutwanye ro me oyesnàr kom ke. Amnyehra rma haxa nehxakonà rma, akàhtono yhera ro rma haka. Noro rma hutwanye ro me manatxhe. Bàryekomo komo y, ohyakanye ryhe àmenhehe, anhà ymo yoyuknyehnà ro me oyesnàr kom ke. Rohokru komo y, ohyakanye àmenhehe, kyàmkom hutwanye ro me oyesnàr kom ke.

1 Xowawo 2:18

Rohokru komo y, mexehra nosomtatkehe hampànà, yukryeka heno. Kryestu xanhànà ro ymo haxa mpànà nomokyaha ha, amnye ha, katxho ryhe menytxatxownà. Amnye rma thenyehra rma haxa natxhe, omohxemo komo, Kryestu xanhànà ro komo. Àro ke, mexehra yukryeka heno yosomtatkatxho thutwetxow hamà.