Xowawu 16:32 - Hixkaryána Novo Testamento

³² Àro wyaro kanyenhàrà rma, uro màhnànketxhe hampànà. Mexehra ehxah me anana rha màtetxhe hampànà, omàn kom yaka, kekon hatà. Uro heno màhnànketxhe hampànà, towenyxa. Towenyxanohnà rma uro. Àsok tawro hana, rohyawono ro me royàm yesnàr ke, kekon hatà, Txesusu.

Xowawu 16:32 ပူးပေါင်းရင်းမြစ်များ

Matewsà 26:31

Onà wyaro nkekon hatà, Txesusu, àwyanye. Amnye rma kohsaya uro màhnànkatxehketxhe hampànà, omnyamo, omeroro, kekon hatà. Anhà komo wya rahohtoho hoye ro, uro màhnànkatxehketxhe hampànà. Àsok tawro hana. Onà wyaro nken hamà, àmenhosahonhàrà. Kahneru komo yonye ro heno wetahehe hampànà. Àro ke natakhahyatxhe hampànà, eknàthàyamo. Àro wyaro rma nkehe, àmenhosahonhàrà. Àro wyaro katxhàrànhàr yawo ro matakhahyatxhe hampànà, rohyaye, kekon hatà, Txesusu.

Xowawu 8:29

Ronyaknyenhàrà rma, rakoro rma naha. Rohnànkanyehnà ro me naha, toyuknye ro me ryesnàr ke, kekon hatà, Txesusu.

Xowawu 8:16

Àro wyaro rowya tatok haxa, yaworo rma àkehe. Àsok tawro hana, uro rohnà ryesnàr ke, kekon hatà. Ronyaknyenhàr yakoro xarha, atxke manaha kehe amna, toto komo wya. Àro ke, àro wyaro rowya tatoko, yaworo rma àkehe, kekon hatà, Txesusu, Farysew komo wya.

Mahhusa 14:27

Onà wyaro nkekon hatà, Txesusu, 12 komo wya. Uro màhnànkatxehketxhe hampànà, omnyamo, omeroro, kekon hatà. Anhà komo wya rahohtoho hoye ro, uro màhnànkatxehketxhe hampànà. Àsok tawro hana. Onà wyaro nken hamà, àmenhosahonhàrà. Kahneru komo yonye ro heno wetahehe hampànà. Àro ke natakhahyatxhe hampànà, eknàthàyamo. Àro wyaro rma nkehe, àmenhosahonhàrà. Àro wyaro katxhàrànhàrà yawo ro matakhahyatxhe hampànà, rohyaye, kekon hatà, Txesusu.

Matewsà 26:56

Amnye rma haxa uro mahohtxowà, àmenhosahonhàr yawo ro ryehtxoho me, Khoryenkomo rwonà yokarymanye ro heno komo nmenhotho yawo ro ryehtxoho me, kekon hatà, Txesusu. Àtoko rma noro hnànkatxehkatxownà hatà, ànhananàhrà rotho komo, omeroro. Nekahtàmtàhkatxownà mak hatà.

Xowawu 20:10

Taa. Bàn kom yaka harha totxownà hatà, Petru komo, anaro yakoro.

Xowawu 16:25

Onà wyaro nkekon xarha tà, Txesusu, tànhananàhrà ro komo wya. Àro wyaro katxho komo wekarymano, owyanye, kekon hatà. Onenytxahtor komo rma àro hamà. Kuknonano wyarono rma àro hamà. Amnye, onenytxahtor kom mehra harha wekarymehe. Tonytxaxem me harha royàm yehtxoho wekarymehe, owyanye, kekon hatà.

Xowawu 16:2

Anatoko rohnànkanàr xe manatxow hana, roxanhàn komo wya oyeryewhamnohrà komo ke. Onà wyaro nketxhe hampànà, oyeryewhamnohrà kom me, kekon hatà. Amna yakoro ohsamnohpànà ro me harha ehtxok hampànà, ketxhe, owyanye. Oyotahetxhe xarha hampànà. Atxke natxow hamà, moxamo, Khoryenkomo wya, àro ke, tetahatxe, kàwyanye noro yeryehotanàhtoho me, ketxhe hampànà, ohokonye, kekon hatà, Txesusu.

Xowawu 4:23

Amnye, noro yowakryenàr xe xaxa tehtokonye, tàhnawonye ryhe newakryetxhe, toto komo, ekato me mak ha. Àro wyaro ewakryeny me rma natxhe, amnye rma, kekon hatà. Àro wyaro yaworo xaxa noro yowakryetxhe. Àro wyaro towakryenàr xe naha, noro, toto komo wya, kekon hatà.

Xowawu 4:21

Wosà y, ohxe uro enytxako, àro wyaro hamà tawro horà, kekon hatà, Txesusu. Amnye, Khoryenkomo yowakryenàr xe oyehtokonye, moro ymo hona àtohra harha manatxhe hampànà. Xerusaryen hona àtohra xarha manatxhe hampànà, kekon hatà.

Xowawu 12:23

Onà wyaro haxa neyuhtxownà hatà, Txesusu. Ehonomnà me xaxa Toto me Enusaho yehtxoho hahnoke rma haxa naha, kekon hatà.

Xowawu 5:28

Àro wyaro katxho hoko oseryehokahra ehtxoko. Àsok tawro harha kahra rma ehtxoko, kekon hatà. Amnye, noro rwonà yonytxetxhe hampànà, àwayehxemotho komo, enamxemotho komo, onamno ytxoho ro yawo ehxahotho komo.

Xowawu 5:25

Onà wyaro yaworo xaxa mpànà àkehe ha, owyanye, kekon xarha tà. Twayehsomàtho komo ryhe, Khoryenkom muru rwonà yonytxetxhe hampànà, amnye ha. Amnye rma nenytxetxhe rma. Tàwyanye enytxatxhe rma, karyhe roro harha natxhe, tàhnawonye, kekon hatà.

Mahhusa 14:50

Àtoko rma noro hnànkatxehkatxownà hatà, akoronotho komo, omeroro. Nekahtàmtàhkatxownà mak hatà.

Txesusu Nànyaketxho ro komo 8:1

Estefaw heno wayehrà xan me nehxakon hatà, Sawru. Taa. Estefaw heno yonamtxownà hatà, Txesusu mryenon kukuru komo, enyhoru komo rma. Thenyehra rma haxa nàratetxkon hatà, noro heno hnànà. Noro heno wayhàtxhe rma, teryewhamnohsom me rma haxa nehxatxkon hatà, Txesusu mryenonàtho komo, Xerusaryen hon komo rma. Àro ke, Xerusaryen hoye nekahtàmyatxkon hatà. Xukneya yamtar horye natakhahtxownà hatà, anar komo. Samarya yamtar horye natakhahtxownà hatà, anar komo. Txesusu nànyaketxho ro kom marma ryhe, noknomtxownà hatà, Xerusaryen ho rma.

Xowawu 16:31

Noro mokro hamà kany me harha manatxow hamà, rohoko, kekon hatà, noro, àwyanye.

Xowawu 19:27

Onà wyaro nkekon xarha tà, noro wya, tànhananàhrà rotho wya. Oyon me harha hak nahko, mosonà, royonànho, kekon hatà, àwya. Àro ke, Txesus wayhàtxhe, narày hatà, noro, bàn yaka. Tàyon me harha neryey hatà.

Txesusu Nànyaketxho ro komo 21:6

Àro wyaro amna wya katxhe rma, kanawa ymo yaka amna nosonkahye. Bàn kom yaka harha totxownà, nyamoro ha.