Rukasà 8:54 - Hixkaryána Novo Testamento

⁵⁴ Omsamtxemo yahosày hatà, Txesusu, amor hoko. Roknà y, asanàmko, kekon hatà, àwya.

Rukasà 8:54 ပူးပေါင်းရင်းမြစ်များ

Txesusu Nànyaketxho ro komo 9:40

Nenampatakatxehkatxownà mak hatà, Petru. Dyerye, tosoknar ho neryewtay hatà. Khoryenkom yakoro nàrwonàmye hatà. Tàrwonàmàtxhe rma, neramay hatà, ekehàthàr wetxe. Takmeta y, asanàmko ha, kekon hatà. Àtoko rma nentay harha tà, Takmeta. Petru yonyey hatà. Tàwya xenyetxhe rma, nasanàmye hatà, batkàr ho.

Xowawu 11:43

Àro wyaro tàwya katxhe rma, teryewrye ro nàrwonàmye hatà. Rasru y, ahatakako, kay hatà.

Xowawu 5:21

Àsok tawro hana, kekon xarha tà, àwyanye. Àwayehxemotho komo yanàmnye me naha, Khoryenkomo, kekon hatà. Karyhe roro harha txeny kom me naha. Tàyàmà wyaro rma rha, toto komo yeryaha, karyhe roro harha, umuru xarha, kekon hatà. Tànwahanonkanàr komo rma yeryaha, karyhe roro harha.

Rukasà 8:51

Horykomo màn yaka haxa nomohtxownà hatà. Horohkano yeryey hatà, Txesusu. Owompàra ehtxoko, rakoro, kekon hatà, toto komo wya. Petru kom marma yarày hatà. Noro yakoro nowomtxownà hatà, àyàm komo, àyon xarha, Petru xarha, Xowaw xarha, Txaku xarha. Nyamoro marma nowomtxownà hatà, Txesus yakoro.

Mahhusa 9:27

Tok, amor hoko nanàmye hatà, Txesusu. Sax, nasanàmye hatà, bàryekomo.

Mahhusa 8:23

Enhunu ro yarày hatà, Txesusu. Amor hoko narày hatà, owto hoye. Tyufa, netahtay hatà, enur horye. Dye, tamorà yeryey hatà, àhona. Àsok menyano, kekon hatà, àwya. Àsok menyano. Xenyhera rma kat manaye, kekon hatà, Txesusu, àwya.

Mahhusa 1:31

Àhyaka haxa toy hatà, Txesusu. Tok, sax, amor hoko nanàmye hatà. Nàhnànkay hatà, atunuthuru. Natamokyakon harha tà, àhyakanye, ekeh me ehxahonhàràtho.

Matewsà 9:25

Nahatakatxownà mak hatà, horykomo màn yaye. Ahatakatxhenye rma, nowomye hatà, Txesusu. Omsamtxemo yahosày hatà, amor hoko. Sax, nasanàmye hatà.

Homa 4:17

Àro hoko rma, onà wyaro nkehe, àmenhosahonhàrà. Anaro rha yana komo horyen me mpànà keryaha ha. Thenyenohnà komo horyen me mpànà keryaha ha, kekon hatà, Khoryenkomo, Akmaraw heno wya. Àro wyaro rma nkehe, àmenhosahonhàrà. Àro wyaro Khoryenkomo wya tatoko, ehxera rma hak nehxatxkon hamà, Akmaraw heno yohamrà komo. Ehxenà rma yakàhtony me mak naha, Khoryenkomo. Àwayehxemotho komo yanàmnye me xarha naha. Noro hona rma nenyakon hatà, Akmaraw heno. Àro ke, omeroron kom yoh me mpànà keryatxhe ha, kekon hatà, Khoryenkomo, noro heno wya.

Rukasà 8:53

Newnohtxownà mak hatà, toto komo. Àna make ryhe mpe, ketxkon hatà. Àwayehsah me uhutwany komo kax mak nehxatxkon hatà.

Rukasà 8:55

Tonyxerye harha nehxakon hatà, omsamtxemo. Àtoko rma nasanàmye hatà. Ànyahrà tàmtxoko, kekon hatà, Txesusu, àwyanye.