Rukasà 8:48 - Hixkaryána Novo Testamento

⁴⁸ Wosà y, kekon hatà, Txesusu, àwya. Ohxe harha manaha, rohona owya xenyàr ke mak ha. Ohxe àtoko, kekon hatà, àwya.

Rukasà 8:48 ပူးပေါင်းရင်းမြစ်များ

Rukasà 7:50

Onà wyaro nkekon xarha tà, Txesusu, wosà wya. Enyhoryexah me harha manaha, rohona owya xenyàr ke. Ohxe àtoko, kekon hatà, àwya.

Matewsà 9:22

Neramay hatà, Txesusu. Wos yonyey hatà. Wosà y, kekon hatà, àwya. Teryehorye harha exko. Ohxe harha manaha, rohona owya xenyàr ke mak ha, kekon hatà, àwya. Àtoko rma ohxe harha nehxakon hatà, wosà.

Ekmàryewyana komo 4:2

Àsok tawro hana. Nyamoro heno wyaro rma rha Khoryenkomo rwonà tenytxatxownà hamà, kàwyam xarha. Àrwo yonyhorunu rma tenytxatxownà. Tàwyanye enytxatxhe, eyukhura rma nehxatxkon hatà, nyamoro heno. Khoryenkom hona xenyhera rma nehxatxkon hatà. Àro ke, ewakryehnà ro me nehxatxkon hatà. Nyamoro heno wyaro rma rha eyukuhtor hona mpàn tenytxe.

Txesusu Nànyaketxho ro komo 14:9

Noro ryhe, Pawru rwonà yonytxekon hatà. Nenytxehkekon hatà, Pawru. Khoryenkom hona nenyan hamà, mosonà, kekon hatà, tàwya rma. Tàhroryexem me nay hamà, Khoryenkom hona tàwya xenyàr ke, kekon hatà, Pawru, tàwya rma.

Rukasà 17:19

Onà wyaro nkekon xarha tà, noro wya, hunmata ymo yawonotho wya. Asanàmko harha, kekon hatà, àwya. Ohxe àtoko. Ohxe harha manaha, rohona owya xenyàr ke mak ha, kekon hatà, Txesusu, àwya.

Mahhusa 5:34

Wosà y, kekon hatà, Txesusu, àwya. Ohxe harha manaha, rohona owya xenyàr ke mak ha. Ohxe àtoko. Ohxe roro oyesnàrà moro ha, kekon hatà, Txesusu, wosà wya.

2 Koryentu 6:18

Oyàmkom me xaxa mpànà wehxaha ha. Romuru me xaxa mpànà manatxhe ha. Romsàr me xaxa mpànà manatxhe ha, kehe. Àro wyaro rma nkehe, Kohkomo, ehonomnà xaxa ymo, tàmryenon komo wya. Àro wyaro rma nkekon hatà, Khoryenkomo, tkaryehtan yawo.

Rukasà 18:42

Kontanàhno hampànà, kekon hatà, Txesusu, àwya. Tonke harha manaha, rohona owya xenyàr ke, kekon hatà.

Matewsà 8:13

Onà wyaro nkekon xarha tà, horykomo wya, arymano ynye ro komo yohà wya. Àtoko, omàn yaka, kekon hatà. Àtoko, omàn yaka. Onà wyaro màkano, rowya. Owya wenyhoryen hampànà katxhe rma, ohxe harha nay hamà, ranoto, màkano. Àro wyaro màkano, rohona owya xenyàr ke. Àro ke, ohxe harha naha, ayanoto, kekon hatà, Txesusu, àwya. Àro wyaro àwya tatoko rma, ohxe harha nexey hatà, anoto.

Matewsà 12:20

Ahoxemnàtho komo yakoronomehe hampànà. Ewakryehnàtho komo yowakryehe hampànà. Àro wyaro ohxe toto komo yeryaha hampànà. Amnye haxa onyhoryetxehkano yeryaha hampànà.

Matewsà 9:2

Txesusu hyaka nomohtxownà hatà, toto komo. Ekeh yohtxownà hatà, tahon hono rma hatà, amusnaxaho rma hatà. Rohona xaxa nenyatxow hamà, kekon hatà, Txesusu, tàhnawo. Àro ke, onà wyaro nkekon hatà, amusnaxaho wya. Kàrà y, kekon hatà. Teryehorye harha exko. Koseryewhokan hampànà, ayanhànàthàrà hoko. Towsah me harha naha, ayanhànàthàrà, kekon hatà.

Rukasà 8:47

Ohtanampàra mak wehxan hamà, kekon hatà, wosà, tàwya rma. Àro ke nomokye hatà. Nàràrànakon hatà, oseryehrà. Tano me ro rma nehurkay hatà, Txesus yakrataka. Noskarymay hatà, àwya, toto komo nenytxanàr me. Ekehà rorotho uro ha, kekon hatà. Tkamsukryemà rorotho rma uro ha. Àro ke kaheno. Rowya ayahetxhe rma, ohxe harha wahko, kekon hatà, wosà.