Rukasà 4:8 - Hixkaryána Novo Testamento

⁸ Àna matà, kekon mak hatà, Txesusu, àwya. Onà wyaro haxa nkehe, Khoryenkom karyehtanà, àmenhosahonhàrà rma. Oyoh kom me naha, Khoryenkomo. Noro wya ryhe, ehonomnà me xaxa manaha, katxok xaxa mak hampànà, noro wya marma mak ha. Àro wyaro rma nkehe, àmenhosahonhàrà, kekon hatà, Txesusu.

Rukasà 4:8 ပူးပေါင်းရင်းမြစ်များ

Matewsà 4:10

Onà wyaro haxa nkekon hatà, Txesusu, àwya. Àtok ha, rohyaye, Satanasà ymo, kekon hatà. Àtok ha, rohyaye. Àsok tawro hana. Onà wyaro nken hamà, Khoryenkom karyehtanà, àmenhosahonhàrà rma. Oyohkom me naha, Khoryenkomo. Noro wya ryhe, ehonomnà me xaxa manaha, katxok xaxa mak hampànà, noro wya marma mak ha. Àro wyaro rma nkehe, àmenhosahonhàrà, kekon hatà, Txesusu.

Xowawu Nenyetxho 19:10

Rano me ro rma kehurkaye, noro yakrataka. Ewakryenàr xe rma wehxakon haryhe. Onà wyaro mak kekonà, rowya. Àro wyarohra exko, kekonà. Rowakryehra ro mak exko. Àsok tawro hana. Owyaro rma rha, Khoryenkom yanoto me marma wehxaha, uro, kekonà. Oyowtà komo wyaro rma rha, Txesus yokarymany komo wyaro rma rha, Khoryenkom yanoto me wehxaha, uro. Àro ke, urohnà, Khoryenkom haxa ewakryeko, kekonà, kahe yawono, rowya. Àsok tawro hana. Txesus yokarymany komo ryhe, Khoryenkomo nhutwamohsotho rma yokarymetxow hamà, noro yokato yano me mak ha.

Xowawu Nenyetxho 22:9

Onà wyaro mak kekonà, rowya. Àro wyarohra exko, kekonà. Rowakryehra ro mak exko. Àsok tawro hana. Owyaro rma rha, Khoryenkom yanoto me marma wehxaha, uro, kekonà. Oyowtà komo wyaro rma rha, Khoryenkomo rwonà yokarymany komo wyaro rma rha, onmenhonàr yawo ron komo wyaro rma rha, Khoryenkom yanoto me wehxaha, uro. Àro ke urohnà, Khoryenkom haxa ewakryeko, kekonà, kahe yawono, rowya.

Txaku 4:7

Àro ke, Khoryenkomo eyuhtxoko. Worokyamo yohà ymo àtaymatxoko, ohyayenye. Àtaymaxaho rma, nekahtàmyaha, ohyayenye.

Rukasà 4:4

Àna matà, kekon mak hatà, Txesusu, àwya. Onà wyaro haxa nkehe, Khoryenkom karyehtanà, àmenhosahonhàrà rma. Nyah marma hoye rohra karyhe tehxatxhe. Àro wyaro rma nkehe, àmenhosahonhàrà, kekon hatà, Txesusu.

1 Petru 5:9

Noro rma àtaymatxoko, ohyayenye. Ahananàhtoho kom yawo ro rma haxa ehtxoko. Àhnànkahra ro mak ehtxoko. Oyowtà komo hutwahkahpàra ehtxoko. Yukryeka yamtar horye rma haxa natxhe, othoyehra. Owyaronye rma rha, teryewhamnohsom me natxhe, nyamoro xarha.

Matewsà 16:23

Noro wetxe neramay hatà, Txesusu. Onà wyaro nkekon hatà, àwya. Khoryenkomo yoyuknur xehra manay hamà, rowya, kekon hatà. Khoryenkomo yehutwatxho hoye rohra àro wyaro màkano. Toto yehutwatxho hoye ro haxa ryhe àro wyaro màkano, kekon hatà. Satanasà ymo yano me ryhe àro wyaro màkano. Àro ke, onà wyaro àkehe, noro ymo wya. Satanasà y, àtok ha, rohyaye, àkehe, àwya, kekon hatà, Txesusu, Petru wya.

Rukasà 4:7

Ehurkako, rakrataka. Ehonomnà me xaxa manaha, kasko, rowya. Àro wyaro owya katxhe rma, omeroro wàmyaha, owya, kekonà rma haryhe tà, worokyamo yohà ymo.