Rukasà 3:6 - Hixkaryána Novo Testamento

⁶ Konyhoryenye ro komo nyakyan hatà, Khoryenkomo. Noro yonyatxhe xaxa mak hampànà, toto komo, omeroro, kehe hampànà, ahehnawono, toto komo wya. Àro wyaro rma nkehe, Esaeyas heno nmenhotho.

Rukasà 3:6 ပူးပေါင်းရင်းမြစ်များ

Homa 10:18

Àsok hana natxow ha, Xuknewyana kom ha. Enytxanyenhàr mehra kat natxowà. Àna hamà, enytxanyenhàr me rma natxow hamà, onà wyaro tawro ke, àmenhosahonhàrà wya. Omeroron komo hyaka tàtosom me natxhe hampànà, ekarymanye ro komo. Àrwon komo yonytxany me natxhe hampànà, yukryeka hon komo, omeroron komo. Àro wyaro rma nkehe, àmenhosahonhàrà.

Homa 10:12

Àme rye rma haxa naha, Kohkomo, toto kom hoko. Xuknewyana kom hoko, Xuknewyanahnà kom hoko xarha, àme rye rma haxa naha. Omeroron komo yohà rye me naha, Kohkomo. Apa y, uro ewakryeko kany komo ryhe, noro newakryenàr me rma haxa natxhe, omeroro.

Mahhusa 16:15

Onà wyaro nkekon xarha tà, àwyanye. Àtotxoko, yukryeka yamtar horye, anaro rha owto hona, othoyehra, kekon hatà. Àrwo yonyhorunu ekarymatxoko, toto komo wya, omeroron komo wya, kekon hatà, Txesusu, 11 komo wya.