Rukasà 19:15 - Hixkaryána Novo Testamento

¹⁵ Àkayaryet kom me noro yetxownà rma hatà. Taa. Amnye nomokye harha tà, horykomo, towto hona harha, kekon hatà. Tomokàtxhe rma, tanoto komo yanyekhoy hatà, tàhyaka. Txenyeru yahosnyenhàyamo rma yanyekhoy hatà. Àwyanye tàtxenyerunu yahosàthàrà hutwanàr xe nehxakon hatà, kekon hatà, Txesusu.

Rukasà 19:15 ပူးပေါင်းရင်းမြစ်များ

Rukasà 12:48

Tanotomanye ro komo rwonàmàthàrà ywenyeke tehtokony haxa, tanàhnohpormaxem me natxow hamà. Atxke texetxhenye, tanàhnohpormaxem me nyhe rma natxow hamà, àywenyeke tesnàr komo ke mak ha, kekon hatà. Àro ke, Khoryenkomo rwonàmàthàrà ywero oyehtokonye, eyuhtxok xaxa mak hampànà. Anar komo yoho rma haxa eyuhtxok xaxa mak hampànà, àywero rma haxa oyesnàr komo ke mak ha, kekon hatà, Txesusu.

Matewsà 25:19

Mexe rma haxa ehxah me nomokye harha tà, horykomo, anotomanyenhàyamo, kekon hatà. Àwarawantathàyamotho hutwanàr xe nehxakon hatà. Àro ke nanyehtxownà hatà, tàhyaka, kekon hatà, Txesusu.

Rukasà 19:14

Àro wyaro tàwya katxhe rma, toy hatà, horykomo. Noro xehra mak nehxatxkon hatà, ewto hon komo, kekon hatà, Txesusu. Àro ke noro mahyaka tkukur komo nyahtxownà hatà, monyen komo hyaka. Amna kayaryet me noro yesnàr xehra amna naha kaxe nànyahtxownà hatà, kekon hatà, Txesusu.

Rukasà 19:16

Wahoro htxero nomokye hatà, anoto komo kukuru. Rohà y, kekon hatà. 1 txenyeru hona rma 10 me wahohsako, otxenyerunu, rowarawantanàr ke, kekon hatà, àwya, kekon hatà, Txesusu.