Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Rukasà 15:29 - Hixkaryána Novo Testamento

29 Onà wyaro haxa tàyàmà yoyukye hatà, noro ha, kekon hatà. Mexe rma haxa tatamohxemà ro me wehxaha, uro, ohyaka, kekon hatà, noro. Owya ranotomantoko, ayanweknyehnà ro me wehxaha, kekon hatà. Rahxemtohra mak manaha, kekon hatà. Owoknà kom hoye tàmpàra ro mak manaha ha, rowya, kekon hatà. Oyeryehotatxoko, okukur kom yakoro, kahra ro mak manaha ha, rowya, kekon hatà, wahoto, tàyàmà wya, kekon hatà, Txesusu.

အခန်းကိုကြည့်ပါ။ ကော်ပီ




Rukasà 15:29
23 ပူးပေါင်းရင်းမြစ်များ  

Ewakryetxehkaxah me rma amna nay hamà, kany me manatxow hatà. Ohxe rma haxa amna nay hamà, àro ke, amna nyhe txko ewakryeko kahra harha amna nay hamà, ewakryetxehkaxah me amna yesnàr ke, kany me manatxow hatà, kasko, àwyanye. Àro wyaro kanye rma, ohxehra rma manatxow hatà. Akoronomahnà me rma manatxow hatà. Ewakryehnà me rma manatxow hatà, enhun komo wyaro rma hatà, àwomumnu komo wyaro rma hatà. Àro wyaro ohxehra oyehtxoho komo hutwahra rma manatxow hatà, kasko, Rawdeseya hon komo wya, kekonà, rowya.


Thanak oyehtokonye, Khoryenkom yokato enytxatxok hatà. Noro ryhe nàrwonan hatà, anato rha tohsamnohsomà ro kom yakoro. Noro rma enytxatxoko, kasko, àwyanye. Anhà yarymanyenhàr me oyehtokonye, onà wyaro oyowakryetxow hatà, Txesusu. Anar me anyahmetxow hatà, mana wyaron ke, xenyhenà rotho ke, kahe yawon ke, kasko, àwyanye. Tohu txko xarha yàmyan hatà, owyanye. Buknyemà txko rma yàmyan hatà. Àro hoko rma àmenhosaho menyatxow hatà. Anaro oyosot komo rma menyatxow hatà, anar komo nhutwahtorà rma hatà, omnyam marma onhutwanàr komo rma hatà. Àro wyaro oyowakryetxow hatà, Txesusu, anhà yarymanyenhàr me oyehtokony mak ha, kasko, Pehkamu hon komo wya. Àro wyaro katxho rma àmenhoko, àhyakanye, kekonà, rowya.


Noro wya, Kryestu hona xenytxok hampànà, ronenyhoryetxho me oyehtxoho menye, katxho hutwahra ro mak natxhe ha. Eyukhura rma natxhe ha. Onà wyaro haxa kany me natxhe ha. Kàyweronàhyamatxho kom yawo ro ryesnàr ke ryhe, ohxe xaxa wehxan hamà, Khoryenkomo wya, kany me rma natxhe haryhe.


Àyweronàhyamahnà me rma hak ryehtoko, ohxe rma wehxakonà. Awayehyaha hampànà katxho mehra rma hak wehxakonà. Tàyweronàhyamaxem me harha ryehtoko, ranhànà uhutwekon harha. Ohxehra harha wehxakonà. Awayehyaha hampànà katxho me harha wehxakonà.


Àro wyaro ohxe weryaknano, ohona roseryehrà ke mak ha, kekon xarha tà, horykomo wya. Àsok tawro hana. Tanàhnohso ro amna manotomehe, omoro, kekon hatà. Ohoye rohra, amna hoye ro haxa, akatxhontehe. Àro wyaro rma rha anyahtehe xarha, kekon hatà. Àro ke koseryehyako, ohona. Otxenyerun ke rowarawantanàr xehra wehxaknano, ohona roseryehrà ke, kekon hatà, noro ha, horykomo wya, kekon hatà, Txesusu.


Àto nehxatxkon xarha tà, anar komo. Enyhoru xaxa uro ha kany komo rma mokyam nehxatxkon hatà. Atxke natxhe anar komo kany komo rma mokyam nehxatxkon hatà. Nyamoro wya ryhe, kuknonano me xarha onà wyaro nkekon hatà, Txesusu.


Ayanoto komo wya oyoyuhtoho komo wyaro, Khoryenkomo eyuhtukatxoko, omnyamo, omeroron hoko, kekon xarha tà. Owyanye eyuhtukatxhe rma, onà wyaro katxoko, àwya. Apa y, anhà rma amna, oyoyuknyehnà, katxoko. Amna oyoyukhormehe mak ha katxoko, àwya, kekon hatà, Txesusu, tànhananàhrà ro komo wya.


Onà wyaro àkehe, owyanye. Àro wyaro rma rha neryehotetxhe ha, kahe yawon komo, toto hoko, towenyxan hoko rma. Anar me harha tanhànàthàrà yonyenhàr hoko, neryehotetxhe ha, kahe yawon komo, kekon hatà. Eryehotahra mak natxhe ha, anar kom hoko, thenyenohnà kom hoko rma. Ranhàn ehxera naha kany kom hoko rma eryehotahra natxhe ha, kekon hatà. Anar me harha tanhànàthàyamo yonyehnà kom hoko rma, eryehotahra natxhe ha, kahe yawon komo, kekon hatà, Txesusu, toto komo wya.


Anar komo wya ehematxho wyaro rma rha meheman hamà, amna wya xarha, ketxkon hatà, àwya. Nyamoro ryhe, mexehra natamohtxowà. Amna haxa ryhe, enmahrà ro amna natamoknyo, tkokmamnohso ro. Kamàm nawo rma haxa amna nahko, tamotohso ro. Àsok tawro eho nyhe tàmpàra mahko, amna wya, ketxkon hatà, kekon hatà, Txesusu.


Àro ke, onà wyaro kahra tehxatxow hamà. Rano me ro rma ohxe wehxaha, Khoryenkomo wya, kahra tehxatxhe. Kàyweronàhyamatxho kom yawo ro wehxaha, kahra tehxatxhe. Txesus hona wenyaha, kany me haxa tehxatxhe. Àro ke, rano me ro rma ohxe wehxaha, kahra ro mak tehxatxow hamà.


Àsok hana tehxatxow ha. Kàyweronàhyamatxho kom yawo ro tehxatxow hana. Àro yawo ro kehtxoho kom hoye rohra rma konyhoryetxhe, Khoryenkomo. Kàwyanye kanhàn komo hutwatxho me haxa ryhe, kàyweronàhyamatxownà, noro ha.


Ewakhàra mak nehxakon hatà, wahoto, towtà hoko tatakuynyàr ke. Àro ke, bàn kom yaka owompàra ro mak nehxakon hatà, kekon hatà. Àro ke nahatakay hatà, àyàmà. Àhyaka nomokye hatà. Owomkot ha, kekon hatà, àwya, teryewrye ro hatà, kekon hatà, Txesusu.


Nuxe haxa ryhe mahxemton hamà, kekon xarha tà. Noro ryhe, atxke nehxak hatà, onàmàthàràtho yàmtàhkek hatà, woràskomo komo wya, twayamon komo wya, kekon hatà. Omokàtxhe rma, mahxemtono yxak mak hamà, kekon hatà. Ehsuryexahotho txko metahahon hatà, owya noro ymo yahxemtotho me hatà, kekon hatà, wahoto, tàyàmà wya, kekon hatà, Txesusu.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ