Rukasà 15:12 - Hixkaryána Novo Testamento

¹² Onà wyaro nkekon hatà, umuru, àmahtàkàthàrà, tàyàmà wya. Apa y, amna hoko rma thoykaxem me nay hamà, akatxhothàrà, kekon hatà. Amnye rma rokatxho yahosnàr xe wehxaha. Tàmko, rowya, kekon hatà, àmahtàkàthàrà, tàyàmà wya, kekon hatà, Txesusu. Àro ke hoykay hatà, àyàm komo. Àhoye nàmye hatà, wahoto wya. Àhoye rma rha nàmye hatà, àmahtàkàthàrà wya xarha, kekon hatà, Txesusu.

Rukasà 15:12 ပူးပေါင်းရင်းမြစ်များ

Mahhusa 12:44

Nyamoro nàmtxownà rma haryhe, tàtxenyerun kom hoy mak ha, thenyenohnà ymo hoy mak ha, kekon hatà. Moson haxa ryhe nàmtàhkano, omeroro mak ha. Àtxenyerumra tesnàr yoho ro rma nàmtàhkano. Tànyahrà yehekahtoho kenyehra nàmtàhkano, wosà, kekon hatà, Txesusu, tànhananàhrà ro komo wya.

Rukasà 15:30

Nuxe haxa ryhe mahxemton hamà, kekon xarha tà. Noro ryhe, atxke nehxak hatà, onàmàthàràtho yàmtàhkek hatà, woràskomo komo wya, twayamon komo wya, kekon hatà. Omokàtxhe rma, mahxemtono yxak mak hamà, kekon hatà. Ehsuryexahotho txko metahahon hatà, owya noro ymo yahxemtotho me hatà, kekon hatà, wahoto, tàyàmà wya, kekon hatà, Txesusu.

Rukasà 15:11

Kuknonano me xarha nàrwonàmye hatà, Txesusu. Onà wyaro nehxakon hatà, toto, kekon hatà. Thohke nehxakon hatà. Asak nehxatxkon hatà, umur komo, kekon hatà.

Rukasà 15:13

Àho rma rha tkatxhothàrà yàmtàhkay hatà, àmahtàkàthàrà. Txenyeru hona nàmtàhkay hatà. Tàwya txenyeru yahosàtxhe rma, toy hatà, bàn yaye, kekon hatà, Txesusu. Monyen komo yowto hona toy hatà. Àto neryehotekonà rma haxa mak hatà, tàwya tàtxenyerunuthuru yàmrà ke hatà. Netxenyerunkekonà rma haxa mak hatà, teryehotatho hoko rma haxa tesnàr ke hatà, kekon hatà, Txesusu.