Rukasà 11:50 - Hixkaryána Novo Testamento

^50-51 Àro ke, amnyeno rma komo yanàhnohyaha hampànà, Khoryenkomo. Amnyehra thenyehra rma haxa nehxatxkon hatà, etahaxemo heno komo, Khoryenkomo rwonà yokarymanye ro heno komo, kekon hatà. Khoryenkomo wya akàhtono yeryetxhe rma, wayehye hatà, Akmew heno, totahatxho wya. Noro heno wyaro rma rha wayehtxownà hatà, Khoryenkom yanoto heno komo, thenyenohnà heno komo, totahatxho komo wya rma rha. Amnye nyhe rma àmahyakany haxa wayehye hatà, Sakaryeyas heno, totahatxho wya rma rha. Khoryenkom màn watxan yawo noro heno yotahatxownà hatà. Faka yaknyohtoho monye nyhe hatà, Khoryenkom màn màhto rma hatà, noro heno yotahatxownà hatà. Nyamoro heno yotahatxehkatxownà hatà, ohoryen heno komo, amnyeno rma horyen heno komo rma. Àro hoye ro, tanàhnohtàkaxem me rma haxa, manatxhe hampànà, omnyamo, amnyeno rma komo, kekon hatà, Txesusu.

Rukasà 11:50 ပူးပေါင်းရင်းမြစ်များ

Matewsà 25:34

Onà wyaro àkehe hampànà, ohxe ehxemo komo wya, howehenohnà komo wya, àkayaryet komo kaxe. Omohtxoko, rowto hona, Khoryenkom yowto hona, àkehe hampànà, àwyanye, kekon hatà. Royàm newakryetxho me manatxhe, omnyamo. Noro yowto hon me harha manatxhe, àkehe hampànà, àwyanye. Àsok tawro hana. Tàwya akàhtono yeryetxhe rma, onà wyaro kanyenhàr me nehxakonà, Khoryenkomo, àkehe hampànà, àwyanye. Romryenon komo ryhe, rowto hon me harha natxhe hampànà, kanyenhàr me nehxakonà, Khoryenkomo. Àro wyaro àwya katxhàrànhàrà yawo ro manatxhe, omnyamo, àkehe hampànà, ohxe ehxemo komo wya, kekon hatà, Txesusu.