Matewsà 23:29 - Hixkaryána Novo Testamento

²⁹ Farysew komo y, àyweronàhyamano ynye ro komo y, yaworonohnà ro me manatxhe, omnyamo, kekon xarha tà. Tanàhnohsom me manatxhe hampànà, omnyam heno. Àsok tawro hana. Khoryenkomo rwonà yokarymanye ro heno komo yonamàthàràtho menyhoryetxow hamà, kekon hatà. Enyhoru heno komo rma yonamàthàràtho menyhoryetxow hamà.

Matewsà 23:29 ပူးပေါင်းရင်းမြစ်များ

Txesusu Nànyaketxho ro komo 2:29

Rokukur komo y, onà wyaro àkehe, owyanye, kekon xarha tà. Àsok hana nexey ha, Dafe heno, khoryen heno komo. Onà wyaro nexey hamà. Wayehye hamà. Tonamso xarha nexey hamà, kekon hatà. Noro yonamàthàràtho ryhe, tano rma naha. Kowto kom ho rma naha. Àro ke, thokohra àro wyaro nmenhoy hamà, Dafe heno, kekon hatà, Petru. Kryestu hok haxa ryhe, àro wyaro nmenhoy hamà.

Matewsà 23:27

Farysew komo y, àyweronàhyamano ynye ro komo y, yaworonohnà ro me manatxhe, omnyamo, kekon xarha tà. Tanàhnohsom me manatxhe hampànà, omnyam heno. Àsok tawro hana. Onamno ytxoho ro wyaro manatxow hamà, kekon hatà. Umuturyexah me ehtoko, ohxe tonyxem me nay hamà, onamno ytxoho ro. Àmkay marma ohxe tonyxem me nay hamà. Yaw haxa ryhe nay hamà, toto heno yotxhotho, anhà rma, kekon hatà.

Matewsà 23:28

Àro wyaro rma rha, ohxe rma mosonyhetxhe haryhe, omnyamo, toto komo wya. Ohnawony haxa ryhe, atxke rma haxa manatxhe. Yaworohra mak manatxhe, ohnawonye, kekon hatà, Txesusu.

Matewsà 23:30

Nyamoro heno yotahanyenhàyamo yohamàtho me manatxhe, omnyamo, kekon hatà. Onà wyaro màketxhe rma haryhe. Amnyehran heno me kehtokony haxa, Khoryenkom yanoto yotahahtoràtho kom haryhe kàwyanye, khoryen heno komo wyarohra kesnàràtho kom haryhe, màketxhe rma haryhe, kekon hatà. Àro wyaro owyanye tatoko rma, etahanyenhàyamo yohamàtho me moskarymetxow hamà. Anhà heno komo yohamàtho me rma moskarymetxow hamà, kekon hatà.