Mahhusa 14:27 - Hixkaryána Novo Testamento

²⁷ Onà wyaro nkekon hatà, Txesusu, 12 komo wya. Uro màhnànkatxehketxhe hampànà, omnyamo, omeroro, kekon hatà. Anhà komo wya rahohtoho hoye ro, uro màhnànkatxehketxhe hampànà. Àsok tawro hana. Onà wyaro nken hamà, àmenhosahonhàrà. Kahneru komo yonye ro heno wetahehe hampànà. Àro ke natakhahyatxhe hampànà, eknàthàyamo. Àro wyaro rma nkehe, àmenhosahonhàrà. Àro wyaro katxhàrànhàrà yawo ro matakhahyatxhe hampànà, rohyaye, kekon hatà, Txesusu.

Mahhusa 14:27 ပူးပေါင်းရင်းမြစ်များ

Xowawu 16:32

Àro wyaro kanyenhàrà rma, uro màhnànketxhe hampànà. Mexehra ehxah me anana rha màtetxhe hampànà, omàn kom yaka, kekon hatà. Uro heno màhnànketxhe hampànà, towenyxa. Towenyxanohnà rma uro. Àsok tawro hana, rohyawono ro me royàm yesnàr ke, kekon hatà, Txesusu.

Matewsà 26:31

Onà wyaro nkekon hatà, Txesusu, àwyanye. Amnye rma kohsaya uro màhnànkatxehketxhe hampànà, omnyamo, omeroro, kekon hatà. Anhà komo wya rahohtoho hoye ro, uro màhnànkatxehketxhe hampànà. Àsok tawro hana. Onà wyaro nken hamà, àmenhosahonhàrà. Kahneru komo yonye ro heno wetahehe hampànà. Àro ke natakhahyatxhe hampànà, eknàthàyamo. Àro wyaro rma nkehe, àmenhosahonhàrà. Àro wyaro katxhàrànhàr yawo ro matakhahyatxhe hampànà, rohyaye, kekon hatà, Txesusu.

Xowawu 16:1

Onà wyaro nkekon xarha tà, Txesusu, tànhananàhrà ro komo wya. Omeroro wekarymano, owyanye, rohnànkahra oyehtxoho menye, kekon hatà.

2 Txemohtyo 4:16

Sesa komo nenytxanàr me roskarymantoko, àro ma htxero roskarymantoko rma, ehxera ro mak nehxatxkonà, rokarymany komo, enyhoru mosonà kany komo rma. Omeroro rma haxa rohnànkatxehkatxownà ha. Àhokony hak noseryewhokano, Kohkomo.

Matewsà 11:6

Kryestu me nay hana, àna hana, kany me kat manatxowà, rohoko. Àro wyaro kahra oyehtokonye, towakryexem me manatxhe ha, kekon hatà, Txesusu, Xowaw nànyaketxho komo wya.