Mahhusa 12:31 - Hixkaryána Novo Testamento

³¹ Àhonan xarha, onà wyaro katxho rma, ohxe rma rha naha. Osox oyehtxoho wyaro rma, ohoyen kom xe xaxa ehtxok xarha. Àro wyaro katxho rma, ohxe rma rha naha, kekon hatà, Txesusu. Àro wyaro katxho komo yohono, ehxera ro mak naha, kàyweronàhyamatxho komo, kekon hatà, Txesusu.

Mahhusa 12:31 ပူးပေါင်းရင်းမြစ်များ

Matewsà 22:39

Àhonan xarha, onà wyaro katxho rma, ohxe rma rha naha. Osox oyehtxoho wyaro rma, ohoyen kom xe xaxa ehtxok xarha. Àro wyaro katxho rma, ohxe rma rha naha, kekon hatà, Txesusu.

Rukasà 10:27

Onà wyaro neyukye hatà, àyweronàhyamano ynye ro. Onà wyaro nkehe, kekon hatà. Kohkom xe xaxa ehtxoko. Khoryenkom xe rma ehtxoko, oyowan kom ke xaxa mak ha, ohnawon kom ke xaxa mak ha, ayahoxet kom ke xaxa mak ha, oyehutwanàr kom me xaxa mak ha. Osox oyehtxoho wyaro rma, ohoyen komo xe xaxa ehtxok xarha. Àro wyaro rma nkehe, kàyweronàhyamatxho komo, kekon hatà.

Matewsà 7:12

Àsok hana oynyàr komo xe manatxow ha, toto komo wya. Ohxe oynyàr komo xe manatxow hamà, àwyanye. Àro ke, ohxe rma rha toto komo txetxoko, omnyam xarha. Àro wyaro rma khananàhyatxow hamà, Khoryenkom karyehtanà, Moyses heno nmenhotho rma, Khoryenkomo rwonà yokarymanye ro heno komo nmenhotho xarha, kekon hatà, Txesusu.

Karaseya 5:14

Àsok hana nay ha, Moyses heno nmenhotho ha. Omeroro rma, osox ehtxoko katxho me rma nay hamà. Osox oyehtxoho wyaro rma, ohoyen komo xe xaxa ehtxoko, katxho me rma nay hamà, Moyses heno nmenhotho, kàyweronàhyamatxho komo, omeroro. Ohoyen komo xe oyehtokonye, àro yoyuhtukany me rma manatxow hamà, omeroro mak ha.

1 Xowawo 4:21

Onà wyaro khananàhyatxhe, Kryestu. Khoryenkom xe ehtxoko. Noro xano rma, oyowtà komo xe xarha ehtxoko, kehe, kàwyanye.

Mahhusa 12:32

Àna mat mà, khananàhnye y, kekon hatà, noro, àyweronàhyamano ynye ro. Àna mat mà. Yaworo mak màkan ha. Noro ro mak mok ha, Khoryenkomo, kekon hatà. Anaro ehxera ro mak naha. Noro ro mak mok ha, kekon hatà.