Mahhusa 11:17 - Hixkaryána Novo Testamento

¹⁷ Hananàhtxownà xarha tà. Àsok hana nken ha, àmenhosahonhàrà, kekon hatà. Onà wyaro nken hamà. Toto komo rwonàmtoho ro me naha, romànà. Anaro rha yana komo rwonàmtoho ro me naha. Àro wyaro rma nkehe, àmenhosahonhàrà, Khoryenkom màn hoko, kekon hatà, Txesusu. Àro rma manàhnohyatxhe harha, omnyamo. Àsok tawro hana, àro yawo rma toto komo txenyerunutho yahosnàr ke, owyanye, temenyem komo wyaro owyanye ahosnàr ke, kekon hatà, Txesusu, àwyanye.

Mahhusa 11:17 ပူးပေါင်းရင်းမြစ်များ

Rukasà 19:46

Onà wyaro nkekon hatà, àwyanye. Onà wyaro nkehe, àmenhosahonhàrà, kekon hatà. Toto komo rwonàmtoho ro me naha, romànà. Àro wyaro rma nkehe, àmenhosahonhàrà, Khoryenkom màn hoko, kekon hatà. Àro rma manàhnohyatxok harha, omnyamo. Àsok tawro hana, àro yawo rma toto komo txenyerunutho yahosnàr ke, owyanye, temenyem komo wyaro owyanye ahosnàr ke, kekon hatà, Txesusu, àwyanye.

Xowawu 2:16

Onà wyaro nkekon hatà, watkuku yàmnye ro komo wya. Moson atxok ha, kekon hatà. Moson atxok ha. Royàm màn yawo àwarawantahra ro mak ehtxoko, kekon hatà, àwyanye.

Mahhusa 11:16

Anar komo, tkatxho komo yaryatxkon hatà, Khoryenkom màn yarye rma hatà. Horohkano yeryey hatà, Txesusu. Akatxho komo yarhàra ehtxok hampànà, on yarye, enyhoru ro yarye, kekon hatà, àwyanye.

Xowawu 2:14

Khoryenkom màn yawo nehxatxkon hatà, twarawantaxemà ro komo. Faka yàmnye ro komo nyamoro hatà, kahneru yàmnye ro komo xarha hatà, watkuku yàmnye ro komo xarha hatà. Àto rma rha nehxatxkon hatà, txenyeru yomtakayonomanye ro komo xarha, tahon kom ho eryewtaxemo hatà. Omeroro nenytxownà hatà, Txesusu.