Karaseya 5:18 - Hixkaryána Novo Testamento18 Khoryenkom yokato yano me roro oyehtokonye, onà wyaro katxho mehra ro mak manatxhe ha. Kàyweronàhyamatxho kom yawo ro mpàn ehtxok ha, katxho mehra ro mak manatxhe ha. အခန်းကိုကြည့်ပါ။ |
Rowtà komo y, àro wyaro rma rha manatxhe, omnyam xarha. Kryestu wayhàthàrà wyaro àwayehsaho wyaro manatxhe, noro yoh me oyesnàr kom ke. Àro ke, Moyses heno nàyweronàhyamahtor me harha manatxhe, àwayehsaho wyaro oyesnàr kom ke. Kryestu mryenon me harha manatxhe. Àwayehxemo kom waye nasanàmye harha, noro ha, tàwyaro rma rha ohxe harha kehtxoho menye, Khoryenkom yoyuknye ro me kehtxoho menye.
Khoryenkom yokato ryhe nekarymatxehkehe hampànà, owyanye, kekon hatà. Tomokàtxhe, yaworon xaxa hutwamohsotàhkehe, owyanye, omeroro mak ha, yaworon xaxa hutwamohsonye ro kaxe. Tano me rohra mak nekarymehe, kekon hatà. Tànenytxatxhàr haxa yokarymehe. Khoryenkomo nekarymatxho rma yokarymehe. Àsok hana natxow ha, toto kom ha, amnye ha. Amnye ehtxoho komo rma yokarymehe xarha, owyanye, kekon hatà, Txesusu.
Àsok tawro hana. Onà wyaro ryhe thutwetxow hamà. Enyhoru komo hananàhrà horàhnà ryhe, kàyweronàhyamatxownà, Moyses heno. Anhà komo hananàhrà horà haxa ryhe kàyweronàhyamatxownà hamà, tweromnà komo hananàhrà horà rma, Khoryenkomo yoyuknyehnà komo hananàhrà horà rma, noro hokonohnà komo hananàhrà horà rma, tanhàn hokon komo hananàhrà horà rma, enyhoruhnu ro komo hananàhrà horà rma, enyhoru wàràhyakany komo hananàhrà horà rma, tàyàm yotahany komo hananàhrà horà rma, tàyon yotahany komo hananàhrà horà rma, toto wayehkany komo hananàhrà horà rma,