Karaseya 4:27 - Hixkaryána Novo Testamento

²⁷ Nyamoro hoko rma, onà wyaro nkehe, àmenhosahonhàrà. Wos hokru komo wyaro natxhe, romryenon komo. Àhokhura htxero nehxakon hamà, wosà, ànyomra tesnàr ke. Enurhura ro mak nehxakon hamà. Eryewhampàra ro mak nehxakon hamà. Onà wyaro haxa ryhe àkehe, noro hoko. Neryehotehe harha hampànà. Teryehorye harha wehxaha, kehe hampànà, teryewrye ro, thohke harha tesnàr ke. Thenyehra mpànà natxhe ha, àhokyamo. Tànyonyem hokru kom yoho rma haxa, thenyehra natxhe hampànà. Àro wyaro rma rha, thenyehra rma haxa mpànà natxhe ha, romryenon komo. Amnyehra ehxera rma hak nehxatxkonà. Amnye thenyehra harha natxhe hampànà. Àro wyaro rma nkehe, àmenhosahonhàrà.

Karaseya 4:27 ပူးပေါင်းရင်းမြစ်များ

1 Txemohtyo 5:5

Anar komo ryhe, enyonkaxemo komo rma, ewakryehnà ro me natxow hamà. Àyanamra mak natxow hamà. Àro ke, Khoryenkom hona ro rma haxa wehxaha, kanye ro me xaxa natxhe, nyamoro ha. Khoryenkom yakoro tàrwonyemà ro me xaxa natxow hamà. Kohsaya xarha, awasnaw xarha, tàrwonyemà ro me natxow hamà. Apa y, uro nyhe txko ewakryeko, kanye ro me natxow hamà, àwya.

Karaseya 4:19

Ronàhnàn komo y, rohokru me manatxhe. Amnyehra teryewrye ro koseryehokekonà, ohokonye, owyanye Kryestu yahosnàr horà. Amnye rma teryewrye ro rma rha koseryehokehe xarha, ohokonye, Kryestu wyaro ohxe roro harha oyesnàr kom horà.