Karaseya 3:9 - Hixkaryána Novo Testamento

⁹ Àro ke, onà wyaro thutwetxow hamà. Towakryexem me nehxakon hamà, Akmaraw heno, Khoryenkom hona tàwya xenyàr ke mak ha. Noro heno wyaro rma rha towakryexem me natxow hamà, Khoryenkom hona xeny komo, omeroro. Àro wyaro thutwetxow hamà.

Karaseya 3:9 ပူးပေါင်းရင်းမြစ်များ

Homa 4:11

Atanyyokohra rma tehtoko, Khoryenkom hona nenyakon hatà. Àro ke, ronenyhoryetxho me harha manaha, katxho me rma nehxakon hatà, Khoryenkomo wya. Amnye nyhe rma, natanyyokoy hatà. Atanyyokotho rma, noro hutwamohsoye. Khoryenkomo nenyhoryetxho me noro hutwamohsoye. Noro heno wyaro, Khoryenkomo nenyhoryetxho me rma rha natxhe, atanyyokohnà komo, Khoryenkom hona tàwyanye xenyàr ke mak ha. Nyamoro horyen me naha, Akmaraw heno, noro heno wyaro esnàr kom ke.

Homa 4:16

Tano me ro rma towahke xaxa naha, Khoryenkomo, khokonye. Àro hoye ro, onà wyaro nkehe, kàwyanye. Omeroron kom yoh me mpànà keryatxhe ha, kehe, kàwyanye. Àro ke, noro hona tenyatxow hamà, omeroron kom yoh me mpànà keryatxhe ha, katxho me kehtxoho menye. Akmaraw heno yohamàthàyamo ryhe, Khoryenkomo newakryenàr me natxhe ha. Moyses heno nàyweronàhyamatxho komo, Akmaraw heno yohamàtho me natxhe. Nyamoro marmahnà, anar komo xarha, Akmaraw heno wyaro Khoryenkom hona xeny komo rma, noro heno yohamàtho me rma rha natxhe. Omeroro khoryen heno kom me naha, noro heno.

Homa 4:24

khokony xarha, àro wyaro nmenhohoye. Noro hona kàwyanye xenyetoko, ronenyhoryetxho me harha manaha, katxho me rma rha tehxatxhe, kàwyam xarha, àwya. Txesusu wayehkahoye, Khoryenkomo, kanhànàthàyam hoye ro tàwya anàhnohtoho me, kanàhnohpàrany harha tehtxoho me. Àwayehsahonhàrà rma yanàmye harha. Kohkomo rma yanàmye harha, tàwya ronenyhoryetxho me harha manaha, katxho me kehtxoho menye. Noro hona rma tenyatxhe.

Karaseya 3:14

Àro ke, towakryexem me natxhe, Xuknewyanahnà komo, Kryestu Txesusu wayhàthàr hoye ro mak ha. Akmaraw heno wyaro towakryexem me rma rha natxhe. Noro wayhàthàr hoye ro rma rha, Khoryenkom yokato tahohsatxhe. Khoryenkomo wya, rokato wàmyaha owyanye katxhàr me harha tehxatxhe, Kryestu Txesus hona kàwyanye xenyàr ke mak ha.

Karaseya 3:29

Kryestu mryenon me manatxhe. Àro ke, noro wyaro rma rha Akmaraw heno yohamàtho me manatxhe, omnyam xarha. Khoryenkomo wya, kowakryetxhe xaxa mak hampànà katxhàr me rma rha manatxhe.

Karaseya 4:28

Rowtà komo y, Esake wyaro tehxatxhe, kàwyamo. Noro ryhe, Khoryenkomo rwonàmàthàr yano me nenuruy hatà. Kàwyam xarha, noro rwonàmàthàr yano me rma rha, àmryenon me tehxatxhe.