Homa 15:24 - Hixkaryána Novo Testamento

²⁴ Àro ke, oyonyxenye romoknàr hona ro harha wehxaha. Amnye Espanya yamtar hona àtehe. Oyowto kom yawo ro nay hamà, Espanya. Àro ke, àro hona rma rotontoko, ohyakanye htxero komokyaha. Mexe nyhe txko kramamyaha, ohyawonye. Teryehorye wehxan hamà, ohyawonye ryesnàr ke. Mexe nyhe txko ohyawonye ryexetxhe, ohxe uro mànyakyatxhe, Espanya yamtar hona. Àro wyaro oyonyàr kom hona ro wehxaha.

Homa 15:24 ပူးပေါင်းရင်းမြစ်များ

Homa 15:28

Àro ke, wahoro htxero, ànàmàthàyamo waryan hamà, Xerusaryen hon komo hyaka. Rowya tàmtàhkatxhe rma, komokyaha, ohyakanye. Espanya yamtar hona rotontoko rma, komokyaha, ohyakanye.

Homa 1:12

Àsok haxa hana. Tatakoronometxow hamà, kàwyamo rye rma, Txesusu Kryestu hona kàwyanye xenyàr ke, noro hona owyanye xenyàr ke, noro hona rma rha rowya xenyàr ke xarha.

Txesusu Nànyaketxho ro komo 15:3

Nànyahtxownà hatà, Txesusu mryenon komo, Antxeyokeya hon komo rma. Àro ke totxownà hatà, Pawru komo. Feneseya yamtar horye totxownà hatà. Samarya yamtar hory xarha totxownà hatà. Àton komo wya Xuknewyanahnà komo yokarymatxownà hatà. Txesusu yahohtxownà, Xuknewyanahnà komo, ketxkon hatà, àwyanye, anaro rha owto hon komo wya, Txesusu mryenon komo wya. Àro wyaro tàwyanye enytxatxhe rma, teryehorye rma haxa nehxatxkon hatà, nyamoro, omeroro.

Txesusu Nànyaketxho ro komo 21:5

Àto 7 me amna yonmahàtxhe, amna ntoy xarha. Towto kom hoye amna yakoro totxownà, Txesusu mryenon komo, toto komo rma, àhetx komo xarha, àhokyam xarha, omeroro. Tuna ymo yohokoso rma amna yakoro totxownà. Eryemtun ho amna yehtoko, amna neryewtaye, omeroro, amna yosoknar ho. Khoryenkom yakoro amna nàrwonàmye. Ohxe àtotxoko, ketxkonà, nyamoro, amna wya. Ohxe ehtxoko, kekon xarha amna, àwyanye.

Txesusu Nànyaketxho ro komo 19:21

Àro tàhto rma nehutway hatà, Pawru, tàhnawo. Àten hamà, Maseknonya yamtar horye, Akaya yamtar hory xarha, kekon hatà, tàhnawo. Anaro rha owto hona àten hamà. Àsna rototxhe rma, àtehe xarha, Xerusaryen hona, kekon hatà, tàhnawo. Xerusaryen hona rototxhe, Homa hona haxa àten hamà, kekon hatà, Pawru, tàhnawo.

3 Xowawo 1:6

Amna xe rma haxa nehxaknano, Kayu, ketxoko, nyamoro ha, amna wya, tohsamnohsomà ro komo wya. Àro wyaron komo akoronomako nyhe. Ohyaye àtontokonye, ohxe ànyahtxoko. Àro wyaro, Khoryenkom yanoto komo yakoronomany me tehxorye tehxatxhe.