Homa 15:12 - Hixkaryána Novo Testamento

¹² Onà wyaro nkehe xarha, Esaeyas heno nmenhotho xarha. Nomokyaha hampànà, Xese heno yohamàtho. Xuknewyanahnà komo kayaryet me ehxe nomokyaha hampànà. Noro hona ro rma haxa natxhe hampànà, nyamoro ha, Xuknewyanahnà komo. Àro wyaro rma nkehe, Esaeyas heno nmenhotho.

Homa 15:12 ပူးပေါင်းရင်းမြစ်များ

Matewsà 12:21

Noro hona ro rma natxhe hampànà, Xuknewyanahnà komo. Àro wyaro rma nmenhoy hatà, Esaeyas heno. Ànmenhothàrànhàrà yawo ro rma haxa nehxakon hamà, Txesusu.

Xowawu Nenyetxho 22:16

Onà wyaro nkekonà, Txesusu, rowya. Txesusu uro, kekonà. Uro rma ranoto ànyakyako, ohyaka. Kahe yawono rma ànyakyako. Omeroro rma ekarymaxe ànyakyako, romryenon komo wya, anato rha tohsamnohsomà ro komo wya, kekonà. Dafe heno yohamàtho ryhe uro. Kwakwaru wyarono ryhe uro, awasmeno ynye wyarono rma, enmahrà ro tonyxemà wyarono rma, kekonà, Txesusu.

Xowawu Nenyetxho 5:5

Àro wyaro rowratantoko rma, onà wyaro nkekonà, rowya, horykomo, 24 kom kukuru rma. Àratahra exko, kekonà, rowya. Àratahra exko. Xenyko mokro, Xukna heno yohamàtho rma, kamara wyaro karyheno rma, Dafe heno yohamàtho rma. Noro rma, anhàtho yarymanyenhàr me naha, kekonà. Mok ma omoro katxhàrà me naha. Àro ke, karyehta ramkany me nay hamà. Àhsonkany me nay hamà, noro ha, kekonà, horykomo, rowya.

1 Koryentu 15:19

Tano rma hak kehtokonye, kano me ronye rma eryehotahra tehxatxow hamà, amnye teryehorye roro harha kesnàr kom horà. Teryehorye roro kesnàr kom hona ro tehxatxow hamà, Kryestu mryenon kom kaxe. Asanàmpàra kehtokony haxa, eryehohra roro rma haxa tehxatxow hamà. Anar kom yoho rma haxa eryehohnà ro me tehxatxow hamà.

1 Petru 1:21

Noro wayehrà ke ryhe, Khoryenkom hona harha menyatxhe. Àwayehxemo kom waye nanàmye, Khoryenkomo. Ehonomnà me harha neryeye. Àro ke, Khoryenkom hona menyatxhe. Noro wya oyowakryetxho kom hona ro manatxhe xarha.

2 Txemohtyo 1:12

Àro ke, toto komo ryeryewhamnohyatxhe rye rma haxa, rowya ekarymanàr ke. Àwyanye ryeryewhamnohnàtoko rma, ewankaramra ro mak wehxaha. Àsok tawro hana, rowya Kryestu hona xenyàr ke mak ha. Noro rma uhutwehe. Rokurunhonye ro me xaxa mpànà naha ha, kany me wehxaha, noro hoko. Uro ryhe, kotàmye, àwya, rokurunhonàr horà. Noro ryhe rokurunhehe roro rma haxa hampànà, tomokhàra ro rma haka. Tomoknàtoko rma, noro nkurunhotho me tonyxem me xaxa mpànà wehxaha ha.

1 Xowawo 3:3

Àro wyaro noro hona ro tehxatxow hamà. Àro ke, kanhàn kom hokonohnà ro me tehtxe. Txesusu wyaro haxa tehtxe. Noro ryhe, anhà hokonohnà ro me naha.