Homa 13:8 - Hixkaryána Novo Testamento

⁸ Eten kom hana mehetàhketxow ha. Owyanye ehetàhkantoko rma, ehematxehkatxoko, tkatxehkaxe ro, ehetàhkahra harha oyehtxoho menye. Ehetàhkanyehnà rma, osox ehtxoko katxho me rma manatxhe ha. Àro ke osoxe rma haxa ehtxoko. Ohoyen komo xe oyehtokonye, Moyses heno nmenhotho meyuhtuketxow hamà. Kàyweronàhyamatxho komo rma meyuhtuketxow hamà.

Homa 13:8 ပူးပေါင်းရင်းမြစ်များ

Homa 13:10

Àsok tawro hana. Toto xe kehtokonye, noro yanàhnohpàra tehxatxow hamà. Àro ke, khoyen komo xe roro kehtokonye, kàyweronàhyamatxho komo teyuhtuketxow hamà, omeroro mak ha.

Karaseya 5:14

Àsok hana nay ha, Moyses heno nmenhotho ha. Omeroro rma, osox ehtxoko katxho me rma nay hamà. Osox oyehtxoho wyaro rma, ohoyen komo xe xaxa ehtxoko, katxho me rma nay hamà, Moyses heno nmenhotho, kàyweronàhyamatxho komo, omeroro. Ohoyen komo xe oyehtokonye, àro yoyuhtukany me rma manatxow hamà, omeroro mak ha.

Matewsà 7:12

Àsok hana oynyàr komo xe manatxow ha, toto komo wya. Ohxe oynyàr komo xe manatxow hamà, àwyanye. Àro ke, ohxe rma rha toto komo txetxoko, omnyam xarha. Àro wyaro rma khananàhyatxow hamà, Khoryenkom karyehtanà, Moyses heno nmenhotho rma, Khoryenkomo rwonà yokarymanye ro heno komo nmenhotho xarha, kekon hatà, Txesusu.

Homa 13:7

Tàmporye naha, otxenyerun kom hoye, àwyanye. Àro ke tàmtxoko. Àwyanye amna txenyerunu tàmtxoko tatoko rma, tàmtxoko, àwyanye. Ehonomnà me ehtokonye, ukurunkahnà me xenytxoko.

Txaku 2:8

Onà wyaro nkehe, àmenhosahonhàrà, Khoryenkom karyehtan hoyeno. Osox oyehtxoho wyaro rma, ohoyen komo xe xaxa ehtxoko. Àro wyaro rma nkehe, àmenhosahonhàrà. Àro wyaro katxho rma, anar kom yoho nyhe nay hatà, kàkayaryet komo ywero. Àro yawo roro oyehtokonye, ohxe rma haxa manatxhe.

Korosos 3:14

Toto komo xe roro rma haxa ehtxoko. Osoxe roro rma haxa ehtxoko. Osox oyehtxoho komo rma, ohxe rye rma haxa oyeryatxow hamà.

Xowawu 13:34

Khananàhsàny haxa haka, kekon xarha tà, àwyanye. Osox ehtxoko. Oxenye ryehtxoho wyaro ryhe, osox ehtxoko, omnyamo ro rye rma. Enytxahnà rotho rma àro hamà, rowya ahananàhtoho komo, kekon hatà.

1 Txemohtyo 1:5

Onà wyaro esnàr kom horà haxa ryhe, Khoryenkomo mryenon komo thananàhyatxhe, kàwyamo, osoxe rma haxa esnàr kom horà. Àsok kehtokony hana, osox tehxatxow ha, kàhnawonye anhà hoko ehutwahnà ro me kehtokony hamà, kàhnawonye yaworon me xaxa kehutwantokony hamà, kanhàn kom hokonohnà me xaxa kehutwantokony hamà, Kryestu hona xenye ro me xaxa kehutwantokony hamà. Àro wyaro ohxe kehutwantokonye, osoxe rma haxa tehxatxow hamà.

1 Xowawo 3:10

Onà wyaro ryhe Khoryenkom hokru komo thutwetxhe. Worokyamo yohà ymo mryenon komo xarha thutwetxhe. Enyhoru hokon mehra haxa tehtokonye ryhe, Khoryenkom hokru mehra natxow hamà. Towtà komo xehra haxa tehtokonye ryhe, noro hokru mehra natxow hamà.