Ehfesu 6:2 - Hixkaryána Novo Testamento

² Onà wyaro nkehe, àmenhosahonhàrà. Toyuhsom me xenytxoko, oyàm komo, oyon komo xarha. Àro wyaro rma nkehe, àmenhosahonhàrà. Tàwya khananàhnàtokonye, anatoko onà wyaro nken hamà, Khoryenkomo. Rorwon yawo ro oyehtokonye, kowakryetxhe xaxa mak hampànà, ken hamà. Tàwya, toyuhsom me xenytxoko, oyàm komo, katxho hoko htxero ryhe, kowakryetxho komo yokarymekon hatà. Àro hoko rma, onà wyaro nkekon hatà.

Ehfesu 6:2 ပူးပေါင်းရင်းမြစ်များ

Homa 13:7

Tàmporye naha, otxenyerun kom hoye, àwyanye. Àro ke tàmtxoko. Àwyanye amna txenyerunu tàmtxoko tatoko rma, tàmtxoko, àwyanye. Ehonomnà me ehtokonye, ukurunkahnà me xenytxoko.

Ehfesu 6:3

Owyanye toyuhsom me xenyetokonye, ohxe mpànà manatxhe ha. Mexe rma haxa mpànà manatxhe ha, yukryeka ho. Àro wyaro nkekon hatà. Àro wyaro htxero kowakryetxho komo yokarymekon hatà, tàwya khananàhnàtokonye.

1 Txemohtyo 5:4

Anar kom haxa ryhe, enyonkaxemo komo rma, towakryexem me rma natxow hamà. Àsok tawro hana, thohke tesnàr kom ke hamà, thake tesnàr kom ke hamà. Tànotxwan komo yowakryeny me ryhe tehxorye natxhe, àhokyamo, àhar komo xarha. Khoryenkom hokon me tehtokonye, tànotxwan komo yowakryeny me htxer hak nahtxoko, tàwyanye anar komo yowakryehra ro rma haka. Thorymamnohàtxhet yàmnye me rma hak nahtxoko, tàyon komo wya, tànotxwan komo wya. Àro wyaro ehtxoho komo ryhe, ohxe naha, Khoryenkomo wya.