Àro wyaro keryewhamnohtoho komo yokarymehe, Khoryenkom karyehtanà. Onà wyaro nkehe, àmenhosahonhàrà. Apa y, emahona ro amna yotahetxhe, anar komo, omryenon me amna yesnàr ke mak ha. Kahneru komo wyaro, amna yonyatxhe, nyamoro ha. Totahaxem komo wyaro rma, amna yonyatxhe. Àro wyaro rma nkehe, àmenhosahonhàrà.
Txesusu Nànyaketxho ro komo 8:32 - Hixkaryána Novo Testamento32 Onà wyaro katxho me nehxakon hatà, Khoryenkom karyehtan hoyeno, horykomo nàrwonàhyamanàrà. Kahneru wyaro naha hampànà, noro ha. Etahaxe tasomà wyaro rma naha hampànà. Kahneru mxekrà wyaro xarha naha hampànà. Tàhpokaxemà wyaro rma naha hampànà. Toto komo wya tàhpokantoko rma, tatàknye naha, kahneru mxekrà. Tatàknye rma rha naha hampànà, noro xarha. အခန်းကိုကြည့်ပါ။ |
Txesusu Nànyaketxho ro komo 8:32
18 ပူးပေါင်းရင်းမြစ်များ
Enmahàtxhe, Txesusu yonyey hatà, Xowawu. Tàhyaka omoknàrà rma yonyey hatà. Àro ke, onà wyaro nkekon hatà, toto komo wya. Mokro ha, kekon hatà. Kahneru mxekrà wyarono mokro, totahaxem me tesnàr ke. Totahaxem me ehxe Khoryenkomo nànyaketxho rma mokro. Noro rma, toto komo yanhànàtho yownye me naha, kekon hatà, Xowawu.
Kryestu yekamsuhkanàr ke haxa ryhe nehemaye, Khoryenkomo. Ehetàhpenyeno yoho rma haxa ohxe nehxakonà, Kryestu yekamsuhkatxho. Àsoken me hana nay ha, kahneru mxekrà, tharaxkaxemà. Eheryamnà ro me nay hamà. Enyhoru ro me nay hamà. Àro wyarono rma, tkamsuhkaxem me nay hamà, Khoryenkomo yowakryenàr horà. Noro wyaro rma rha enyhoru ro me rma haxa nehxakonà, Kryestu.
Khoryenkom yakoro nàrwonàmye hatà, Txesusu, tamoyathonyenhàyam hoko. Apa y, oseryewhokako, moxam hoko, kekon hatà. Moxam hoko oseryewhokako, tanhàn komo hutwahra esnàr komo ke, kekon hatà, tamoyathonyenhàyam hoko. Txesusu womunutho yokamtxownà hatà, tàwyanye rma. Tohu txko yarymatxownà hatà, tàwyanye xenytxoho me, tàwyanye àrotho uro hamà katxho me. Àro wyaro nekamtxownà hatà, tàwyanye rma.
ကြော်ငြာတွေ