Txesusu Nànyaketxho ro komo 13:28 - Hixkaryána Novo Testamento

²⁸ Ehxera ro mak nehxakonà, noro yanhànà. Twayehkahoryehra nehxakonà, anhàn ehxera esnàr ke. Wayehkahotxownà mak hatà, nyamoro ha, Peratusu wya, kekon hatà, Pawru.

Txesusu Nànyaketxho ro komo 13:28 ပူးပေါင်းရင်းမြစ်များ

Matewsà 27:19

Thetxe yosenyetàthàrà hoye ro xarha enampatakahonàr xe nehxakon hatà. Tàwya Txesusu yonytxantoko rma, thetxe yosenyetàthàrà yonytxay hatà. Thetxe yanoto rwonà yonytxay hatà. Amnye rma nosenyetno hatà, ohetxe, Txesus hoko, kekon hatà, anoto, àwya. Tosenyetàthàr hoye ro thenyehra noseryehokan hatà, kekon hatà. Enyhoru ro noro hatà, anhànà ehxera ro mak nay hatà, kekon hatà. Àro ke àwayehkahohra exko hatà, kekon hatà, àhetxe yanoto, Peratusu wya. Àro hoye ro rma, Txesusu yonampatakahonàr xe nehxakon hatà, Peratusu.

Xowawu 18:38

Etenà ryhe àro, yaworon xaxa katxho, owya, kekon hatà, Peratusu. Àro wyaro tàwya katxhe rma, bàn yaye nahatakay xarha tà, Xuknewyana yoh komo hyaka. Ohxe we naha ha, mosonà, rowya, kekon hatà, àwyanye. Ehxera we naha ha, anhànà, rowya.

Xowawu 19:4

Bàn yaye nahatakay xarha tà, Peratusu. Noro wekyaha, ohyakanye, kekon hatà, toto komo wya. Ehxera we naha ha, anhànà, rowya, kaxe noro wekyaha, ohyakanye. Noro rma xenytxoko, kekon hatà.