Txesusu Nànyaketxho ro komo 1:6 - Hixkaryána Novo Testamento

⁶ Taa. Nohsamnohtxownà xarha tà. Amna yohà y, ketxkon hatà, Txesusu wya. Amnye rma katà Ehsayewyana komo kayaryet me mosonyheno, toto komo nenyàr me, omeroron komo nenyàr me, ketxkon hatà.

Txesusu Nànyaketxho ro komo 1:6 ပူးပေါင်းရင်းမြစ်များ

Rukasà 19:11

Àro wyaro katxho yonytxatxownà hatà, toto komo. Kuknonano me xarha nàrwonàmye hatà, Txesusu. Xerusaryen màhto nehxakon hatà. Àro ke, onà wyaro nehutwetxkonà rma haryhe tà, toto komo. Mexehra kàkayaryet kom me nosonyhen hamà, mosonà, Khoryenkomo nànyaketxho, ketxkonà rma haryhe tà, Xerusaryen màhto Txesusu yesnàr ke mak hatà. Yaworohra mak nehutwetxkon hamà. Àro ke, kuknonano me onà wyaro nkekon hatà, Txesusu, àwyanye.

Rukasà 17:20

Taa. Onà wyaro nketxkon hatà, Farysew kukur komo, Txesusu wya. Àsokentoko nomokyano, Khoryenkomo, kàkayaryet kom me tehtxoho me, ketxkon hatà, àwya. Onà wyaro haxa neyuhtxownà hatà, Txesusu. Onenyehtor kom me nomokyaha, Khoryenkomo, akayaryet kom me tehtxoho me, kekon hatà.

Matewsà 24:3

Oryefera yàhàn hona totxownà hatà. Àto rma nehxakon hatà, Txesusu, eryewtaxaho. Àhyaka haxa nomohtxownà xarha tà, ànhananàhrà ro komo. Anar komo nenytxahtor me rma, onà wyaro nketxkon hatà, àwya. Àsokentoko ryhe nosomtatkatxehkeno, Khoryenkom mànà ymo heno, ketxkon hatà. Àsokentoko nosomtatkatxehkeno. Àsokentoko momokyan harha, ketxkon hatà. Àsokentoko nosomtatkatxehkeno, yukryeka heno. Àhahnoke rma haxa ehtoko, eten komo tenyatxowà, uhutwamohsotho. Ekarymako, amna wya, ketxkon hatà, Txesusu nhananàhrà ro komo.

Rukasà 22:29

Toto komo kayaryet me rowahanonkaye, royàmà. Rowyaro rma rha àkayaryet kom me kwahanonketxhe, omnyam xarha, rohnànkanyehnànhàrà me oyesnàr komo ke, kekon hatà, Txesusu.

Matewsà 17:11

Yaworo nketxhe, kekon hatà, Txesusu, àwyanye. Tomohsom me nehxakonà, Eryeyas heno wyarono. Onyhoryetxehkano yxe tomohsom me nehxakonà, kekon hatà.

Matewsà 20:21

Eten xe manaye, kekon hatà, Txesusu, àwya. Eten xe manaye. Onà wyaro neyukye hatà, wosà. Toto komo kayaryet me mosonyhen hatà, amnye ha, kekon hatà. Ehonomnà me xaxa mosonyhen hatà. Ehonomnà me rma rha romryerà komo yenyàr xe wehxaha, owya, kekon hatà. Toto komo kayaryet me harha oyehtoko, onà wyaro kasko, moxamo wya, romryerà komo wya. Rohanaka eryewtatxoko, omoro howehehra, omoro xarha howehe, kasko, àwyanye, owyaro rma rha ehonomnà me ehtxoho menye, kekon hatà, Txaku komo yonà, Txesusu wya.

Xowawu 21:21

Noro rma yonyey hatà, Petru. Àwenaryenye omoknàrà rma yonyey hatà. Àro ke, onà wyaro nkekon hatà, Txesusu wya. Rohà y, àsok naye, mosonà, amnye ha, kekon hatà. Noro yehtxoho haka rha uhutwamohsoko, kekon hatà, Petru, àwya.

Mahhusa 9:12

Yaworo nketxhe, kekon hatà, Txesusu, àwyanye. Eryeyas heno wyarono htxero tomohsom me nehxakonà. Onyhoryetxehkano yxe tomohsom me nehxakonà, kekon hatà. Onà wyaro haxa àkehe, owyanye. Omohsah me rma naha, noro ha, kekon hatà. Noro heno mak yeryewhamnohtxownà, àxanhàn komo, tano me ronye rma. Àro wyaro teryewhamnohsom me rma haxa nehxakonà, àmenhosahonhàrà yawo ro rma haxa tehtxoho me, kekon hatà, Txesusu. Toto me Enusah xarha, àmenhosahonhàrà yawo ro rma rha naha hampànà, onà wyaro katxhàrànhàrà yawo ro mak ha, teryewhamnohsom me rma haxa naha hampànà katxhàrànhàrà yawo ro, tàxanomkahnohsom me rma haxa naha hampànà katxhàrànhàrà yawo ro rma, kekon hatà, Txesusu, Petru komo wya.