2 Koryentu 7:2 - Hixkaryána Novo Testamento

² Rohnàn yaw ehtxoko. Àsok tawro hana. Owàràhyakanyehnà rotho komo rma uro hamà. Anhà hoko oynyehnà rotho komo rma uro hamà. Oyonkuhtonyehnà rotho komo rma uro hamà.

2 Koryentu 7:2 ပူးပေါင်းရင်းမြစ်များ

2 Koryentu 11:9

Ohyawonye ryehtoko, àtxenyerumra harha wexeye. Àtxenyerumra ryehtoko rma, tàmtxoko, rowya, kahra rma wehxakonà, owyanye. Àsok tawro hana. Rohoye ro àtxenyerumra harha oyesnàr komo xehra wehxakon hamà. Omnyamohnà rma, anar kom haxa, rotxenyerunu yàmtxownà. Kowtà komo rma, Maseknonya yamtar hoye omohxemo komo rma, nàmtxownà, rowya. Àro wyaro rma wehxakonà, ohokonye. Rotxenyerunu tàmtxoko kahra wehxakonà, owyanye. Àro wyaro kahra roro rma wehxaha, owyanye. Àsok tawro hana. Rohoye ro àtxenyerumra harha oyesnàr komo xehra ro mak wehxaha ha.

Txesusu Nànyaketxho ro komo 20:33

Awawonye ryehtoko, otxenyerun kom hoko ehohkahra ro mak wehxakonà, kekon xarha. Owomun kom hok xarha, ehohkahra ro mak wehxakonà.

2 Xowawo 1:10

Anar me ahananàhnye komo yonytxanyehnà ro me ehtxoko. Ohyakanye omokàtxhenye rma, romàn yaka omoko, kanyehnà ro me ehtxoko, àwyanye. Ohxe hak oynyo, Khoryenkomo, kanyehnà ro me ehtxoko, àwyanye, onkuhtono ynye ro komo wya.

Homa 16:18

Àro wyaron komo rma, Kryestu yanoto mehra ro mak natxhe ha. Kohkomo rma yanoto mehra ro mak natxhe ha. Tano me ronye rma neryehotetxhe ro mak ha. Ohxe rma nàrwonatxhe haryhe, tàwyanye onkuhtono ynyàr horà. Ohxe manaha ketxhe rma haryhe, toto komo wya, tàwyanye ewakhonàr kom horà. Tàywenyeken komo rma yonkuhtetxhe, nyamoro ha.

Matewsà 10:40

Onà wyaro nkekon xarha tà, Txesusu, àwyanye. Àsok hana natxow ha, oyonytxany kom ha, kekon hatà. Tàwyanye oyonytxantokonye rma, uro rma ronytxetxhe. Tàwyanye ronytxantoko rma, ronyaknyenhàrà rma yonytxetxhe, kekon hatà.

Matewsà 10:14

Oyonytxahranye rma ehtokonye, onà wyaro ehtxoko, anhàn komo hutwamohsonàr horà. Àmàn kom yaye otontokonye, ewto kom hoye rma otontokonye, ehtahpunkatxoko, kekon hatà.

Feryemonà 1:17

Àro ke, oyowtà me ryhe noro txeryko, ohyaka àtotxhe. Àsok tawro hana. Uro haxa rototxhe, oyowtà me uro meryan hamà. Noro rye kàwro kany me manay hamà, rohoko. Àro ke, noro xarha txeryko, oyowtà me rma rha.

Feryemonà 1:12

Noro rma ànyakyaha harha hampànà, ohyaka. Ronàhnànà rma haxa mpànà ànyakyaha ha, ohyaka.

1 Tesaroneka 2:10

Omnyamo ryhe, amna menyatxkonà. Khoryenkomo xarha amna yonyakonà. Noro hokon me, ohxe roro amna nehxakonà. Yaworo rma haxa amna nehxakonà. Atxke manaha katxho mehra ro mak amna nehxakonà. Àro wyaro amna nehxakonà, onenyàr kom me, Kryestu mryenon komo rma nenyàr me mak ha.

Korosos 4:10

Ohnàn kom yawo rma haxa natxow hatà, Aryestahku komo, Mahkus xarha, Xoswe xarha. Xustu rma noro yosot yowtà. Rakoron kukuru komo rma, Xuknewyana me natxhe, nyamoro marma. Khoryenkom yokarymanàr hoko, rowyaro rma rha natamokyatxhe, kàkayaryet kom me noro yehtxoho yokarymanàr hoko. Ryeryehoryetxhe, tàwyanye rakoronomanàr ke. Aryestahku ryhe, tahuso naha, onà ymo yawo, rowyaro rma rha. Mahkusu ryhe, Bahnakme yanan me naha. Ohyakanye nomokyan hana. Àtotxhe rma, ohxe txetxoko. Àro wyaro rma rha noro yokarymetxok hatà, anar komo xarha, owyanye.

Feryepos 2:29

Àro ke, teryehorye rma haxa ehtxoko. Ohxe xaxa manay hamà, katxoko, Kohkomo wya. Mosonà mànyaknyo harha hamà, amna hyaka harha, ohxe xaxa manay hamà, katxoko, àwya. Àwayehpaya nehxako, noro, Kryestu hyaka tatamoknyàr ke mak ha. Thenyehra rma haxa rakoronomeknano. Rakoronomahra mehxatxok hamà, omnyamo, mox oyesnàr kom ke. Onànyaketxhàyamo rma rakoronomeknano. Tekehàntaxe ro rakoronomeknano. Tosoxanomkahnohso ro rma rakoronomeknano. Noro wyaron komo ryhe, onà wyaro katxho me hak nahtxoko. Ohxe rma haxa natxow hamà, katxho me hak nahtxoko, owyanye.

2 Koryentu 11:16

Onà wyaro àkehe xarha. Tàywenyeken noro hamà tawro xehra wehxaha, owyanye, rohoko. Tàywenyekeno wyaro mak roskarymanàr xe wehxaha, atxke txko mak ha. Kryestu yanoto me ohxe ryexetxhàràtho yokarymanàr xe wehxaha. Àro wyaro toskarymaxem komo rma, tàywenyeke tonyxem me natxow hamà. Àro ke, tàywenyeken noro hamà, màketxow hana, rohoko. Àro wyaro kanye rma, uro enytxatxoko rma, roskarymantoko.

2 Koryentu 4:2

Uro ryhe, yaworo haxa wekarymehe. Anar kom haxa ryhe, yaworohra Khoryenkomo rwonà yokarymetxhe. Tonytxany komo rma yonkuhtetxhe ha. Atxke mak natxhe. Atxke ehxaho rma, yaworo oskarymahra rma natxhe ha. Oskeno rma nekarymetxhe haryhe, yaworohra mak ha. Nyamoro wyarohra mak wehxaha. Yaworon xaxa wekarymehe, oseryehpàra rma, toto komo wya, omeroron komo wya. Tàhnawonye yaworo tehutwantokonye rma, onà wyaro tawro xe wehxaha, ronytxany komo wya. Yaworo nekarymen hamà, mosonà, tawro xe wehxaha, àwyanye. Àro wyaro tawro horà rma, yaworon xaxa wekarymehe, Khoryenkomo nenyàr me.

2 Koryentu 1:12

Uro akoronomatxoko, rohoko orwonàmrà kom ke, àkehe, owyanye, onà wyaro ryehutwanàr ke. Rohnawo yaworo ryehutwantoko, ohxe rma kehutwehe. Toto kom hoko, nyamoro marma hokohra, ohokony xarha, ohxe roro kehutwehe. Yaworon me xaxa rma kehutwehe, ohokonye, Khoryenkom hokon kaxe. Toto komo wyaro tàywero ryehtxoho hoye rohra, rohoko towahke Khoryenkom yehtxoho hoye ro haxa, àro wyaro ohxe wehxaha, ohokonye.

Rukasà 10:8

Anaro rha owto hona màtetxhe ha, kekon xarha tà. Tàwyanye oyonytxantokonye, anyahmetxow hamà, owto hon komo. Ànàmrà komo rma enahtxoko, kekon hatà.