2 Koryentu 4:13 - Hixkaryána Novo Testamento

¹³ Àsok hana nmenhoy ha, amnyehran heno. Onà wyaro nmenhoy hatà, Khoryenkom karyehtan yawo. Khoryenkom hona wenyeye, àro ke, koskarymaye. Àro wyaro nmenhoy heno hatà, Khoryenkom hona tàwya xenyàr ke mak hatà. Noro heno wyaro, Khoryenkom hona xenye ro me rma rha wehxaha, uro xarha. Àro ke, toskarymaxemà ro me rma rha wehxaha.

2 Koryentu 4:13 ပူးပေါင်းရင်းမြစ်များ

Txesusu Nànyaketxho ro komo 15:11

Tonyhoryexem me xaxa mpànà natxhe ha, nyamoro ha, towahke xaxa Txesusu yesnàr ke mak ha, towahke xaxa Kohkomo yesnàr ke mak ha. Àro wyaro rma rha tonyhoryexem me tehxatxhe, kàwyam xarha, towahke xaxa noro yesnàr ke mak ha, kekon hatà, Petru, tosonytxaxem komo wya, omeroron komo wya.

Homa 1:12

Àsok haxa hana. Tatakoronometxow hamà, kàwyamo rye rma, Txesusu Kryestu hona kàwyanye xenyàr ke, noro hona owyanye xenyàr ke, noro hona rma rha rowya xenyàr ke xarha.

1 Koryentu 12:9

Anaro, Khoryenkom hona rma haxa nenyaha. Àro hoye ro, toto nyeryehtorà rotho yeryaha, noro yano me rma rha. Anaro, ekehàtho komo yonyhoryehe, noro yano me rma rha.

2 Koryentu 3:12

Khoryenkomo wya konyhoryetxho kom hona ro rma haxa wehxaha. Àro ke, oseryehpàra ekarymany me wehxaha.

2 Koryentu 4:12

Àro wyaro teryewhamnohsomà ro me wehxaha, uro, twayehso ro. Omnyamo ryhe, ronhananàhàthàyamo rma, àwayehpànà ro me manatxhe. Karyhe roro harha manatxhe, ohnawonye.

2 Petru 1:1

Semaw Petru uro ha. Txesusu Kryestu yanoto uro. Noro nànyaknyàrà ro uro. Àmenhehe, ohyakanye. Txesusu Kryestu hona xenye ro me manatxhe, omnyamo. Amna wyaro rma rha, enyhoryexah me manatxhe, omnyam xarha, noro hona owyanye xenyàr ke mak ha. Khoryenkom me ryhe naha, Txesusu Kryestu. Konyhoryeny kom me naha. Khokonye àme rye rma haxa nehxakonà, noro ha. Ohxe rye rma haxa nehxakonà, khokonye. Àro hoye ro, noro hona xenye rye me tehxatxhe.