2 Koryentu 2:5 - Hixkaryána Novo Testamento

^5-9 Rokaryehtan àmenhoye, owyanye okukuru komo hanatanàhtoho me, tanhàn hoko ehxahotho rma hanatanàhtoho me. Àsok tawro hana. Okukmanàr komo xe wehxakon hamà. Royuknye ro me oyehtxoho komo rma hutwanàr xe wehxakon hamà. Noro ryhe, atxke tehtoko, àkhokano yeryey hamà. Urohnà rma, omnyam haxa okhoketxkonà. Omerorohra rma, okukuru kom marma, nekhoketxkon hatà, noro yanhàn hoko. Àro hoko rma, teryewrye ro àmenhonàr xehra mak wehxaha. Noro màhanatanàhtxownà hatà. Okukuru komo rma, thenyenohnà komo rma, noro hanatanàhtxownà hatà. Àna ha tkahorye harha naha. Àhanatanàhpàra harha ehtxoko. Towahke harha ehtxoko, noro hoko. Eryehotanàhtxok harha, tekhokaxemà ro me rma haxa esnàr hona. Àro ke, noro xan me osonyhotxok harha, àwya. Àro wyaro àkehe, owyanye, teryewrye ro.

2 Koryentu 2:5 ပူးပေါင်းရင်းမြစ်များ

Karaseya 5:10

Onà wyaro haxa ryhe àkehe, uro ha, ohokonye. Tàwyanye ronmenhotho yonyetxhe rma, anar me uhutwahra ro mak natxhe ha, àkehe, ohokonye. Kohkomo ryhe nakoronometxhe, àwyanye ohxe harha uhutwatxho me, àkehe, ohokonye. Anar me ahananàhnye kom haxa ryhe, tanàhnohsom me mpànà natxhe ha. Àsoken kom hana anar me ahananàhyatxow ha, ehonomnà kom hana. Nyamoro rma, tanàhnohsom me mpànà natxhe ha.

Karaseya 4:12

Rowtà komo y, onà wyaro àkehe, owyanye, teryewrye ro mak ha. Rowyaro harha ehtxoko. Amnyehra, Xuknewyana komo yweronàhyamatxho hoko wehxakonà. Rowya Kryestu yahosàtxhe, àro hokohra harha wexeye. Xuknewyanahnà wyaro harha wexeye. Owyarony harha wexeye, àro hokohra harha ryesnàr ke. Àro ke, amnye rma omnyam xarha, rowyaro rma rha ehtxoko. Àro hokohra harha ehtxoko. Amnyehra, awawonye ryehtoko, ohxe rma haxa mehxatxkonà, rohoko.

Matewsà 15:22

Àto rma hak Txesus yehtoko, àhyaka nomokye hatà, wosà. Àton komo kukuru rma mok nehxakon hatà, Kananeyayana komo kukuru rma hatà. Rohà y, kekon hatà, Txesusu wya. Dafe heno yohamàtho omoro hatà. Rohnàn yawo exko, kekon hatà. Worokyamo yoh me rma haxa manaye, romsàtho txko. Atxke rma haxa manaye, kekon hatà, wosà.