1 Txemohtyo 6:11 - Hixkaryána Novo Testamento

¹¹ Omoro haxa ryhe, nyamoro wyarohra anhà hokonohnà ro me exko. Khoryenkomo mryenon me ryhe manaha, omoro. On hok haxa ryhe exko, ohxe roro oyehtxoho hoko, Khoryenkom hokono ro me oyehtxoho hoko xarha, Kryestu hona xenye ro me oyehtxoho hoko xarha, toto kom xe rma haxa oyehtxoho hoko xarha, oyeryewhamnohtoho yonàmnye ro me oyehtxoho hoko xarha, toto kom hoko towahke rma haxa oyehtxoho hoko xarha. Àro wyaro ohxe oyehtxoho hoko ryhe exko.

1 Txemohtyo 6:11 ပူးပေါင်းရင်းမြစ်များ

2 Txemohtyo 2:22

Àsoken kom hok hana nehohketxow ha, bàryekomo kom ha. Tanhàn kom hoko nehohketxow hamà. Omoro ryhe, nyamoro wyarohra ro mak exko. On hok haxa ryhe exko, ohxe roro oyehtxoho hoko, Kryestu hona xaxa owya xenytxoho hoko xarha, toto komo xe rma haxa oyehtxoho hoko xarha, towahke roro oyehtxoho hoko xarha. Àro wyaro ohxe oyehtxoho hoko ryhe exko. Àro wyaro ohxe oyehtoko, enyhoru komo wyaro manay hamà. Àsok hana natxow ha, nyamoro ha. Kohkom yakoro tàrwonyemà ro me natxow hamà. Noro yakoro tàrwonyemà rma, anhà hoko ehutwahnà ro me natxow hamà, tàhnawonye.

2 Txemohtyo 3:17

Khoryenkomo mryenon komo hananàhtàkatxho ryhe àro ha, Khoryenkom karyehtanà, enyhoryexah me ehtxoho menye, Khoryenkom yomyawon hokono ro me ehtxoho menye, anaro rha enyhoru rma hokono ro me ehtxoho menye.

1 Txemohtyo 4:12

Ohxe roro exko, omoro, àna yake ryhe mpe, bàryekomo me rma haxa manaha, katxho mehra oyehtxoho me. Ohxe roro haxa ryhe osonyhoko, àwyanye, Kryestu mryenon komo wya, ohoko ehohkanàr kom horà. Ohxe roro orwonàmko. Toto komo xe rma haxa exko. Kryestu hona roro rma haxa xenyko. Anhà hokonohnà ro me mak exko. Àro wyaro rma ohxe osonyhoko, àwyanye, ohoko ehohkanàr kom horà.

Ekmàryewyana komo 12:14

Towahke roro oyesnàr kom hoko rma haxa ehtxoko, toto kom hoko, omeroron kom hoko. Enyhoru ro me oyesnàr kom hoko xarha ehtxoko. Enyhoru ro mehra kehtokony haxa, Kohkom yonyhera tehxatxhe hampànà.

1 Koryentu 10:14

Àro ke, onà wyaro àkehe, owyanye, ronàhnàn komo y. Amna horyenà ro omoro katxho hokohra ro mak ehtxoko.

1 Petru 3:11

Anhà hokohra ro mak ehtxoko. Ohxe roro ehtxoko. Toto kom hoko, towahke roro oyesnàr komo xe rma haxa ehtxoko.

1 Koryentu 6:18

Anaro rha wos hokohra ro mak ehtxok hampànà. Àhokonye oyehtokony haxa ryhe, tatanàhnohso harha naha, ohunuthuyamo. Anaro ayanhàn kom hoko oyehtokonye, atanàhnohpàra rma naha, ohun komo. Anaro rha wos hoko oyehtokony haxa ryhe, tatanàhnohso harha naha.

1 Txemohtyo 5:10

Toto komo yakoronomanyenhàrà ryhe mosonà katxho me hak nahtxoko. Thokyamo horymamnohnyenhàràtho me hak nahtxoko. Ohxe hawana komo yenyenhàrà me hak nahtxoko. Kryestu mryenon komo hrorà korokanyenhàrà me hak nahtxoko. Teryewhamnohsom komo yakoronomanyenhàrà me hak nahtxoko. Meya roro rma haxa owakryeno ynyenhàrà me hak nahtxoko. Àro wyaro hak nahtxoko, enyonkaxemo komo, benhosom komo, towakryexem komo.

1 Koryentu 14:1

Toto xe oyehtxoho kom hoko roro rma haxa ehtxoko. Anar me rha tàywero oyesnàr komo xe ehtxok xarha. Anaro yoho rma haxa, Khoryenkomo nhutwamohsotho yokarymanàr xe ehtxoko.

Homa 14:19

Àro ke atameryekahra tehtxe. Towahke roro rma haxa tehtxe, othoko. Tatakoronomatxe, khananàhtoho kom yawo ro rma haxa kehtxoho menye.

1 Txemohtyo 6:20

Txemohtyo y, yaworon xaxa hutwamohsoye, Khoryenkomo, owya, àro yawo ron me oyesnàr horà. Àro ke, àro yawo ro rma haxa exko, anar me oyehutwanàr hona. Anar kom haxa ryhe, àsok make rma haxa nàrwonatxhe, Khoryenkom yano mehra mak ha. Enytxahranye ro mak exko. Anaro rha hoko rma nosonytxetxhe haryhe, nyamoro ha. Yaworo xaxa amna nhutwehe, kany me rma natxhe haryhe. Yaworohra kany me mak natxhe ha.

1 Txemohtyo 1:14

Àro ke, towahke rma haxa nehxakon hamà, rohoko. Thenyehra rma haxa towahke nehxakonà, rohoko. Àro ke, noro hona harha wenyakonà, noro yano me mak ha. Toto komo xe harha wehxakonà. Àro wyaro tehxatxow hamà, noro yoh me harha kehtokonye.

2 Txemohtyo 2:21

Àro wyaro rma rha tehxatxhe, kàwyamo, enyhoru ro me hana, enyhoru ro mehra haxa hana. Enyhoru ro mehra ehxahotho rma, tosonyhoryetxe. Anhà hokohra harha tehtxe. Osonyhoryexaho rma, Kohkom yanoto me tehxatxow hamà. Noro ryhe, kanotometxow hamà, enyhoru ro me harha kesnàr kom ke. Noro yomyawon hoko rma haxa tehxatxow hamà.

2 Txemohtyo 3:10

Ohxe ryehtxoho yonyenhàr me manay hamà. Àsok hana hananàhno ytxoho hoko wehxakon ha. Àsok hana ohxe roro wehxakon ha. Àsok hana kehutwekon ha, Khoryenkom yoyuknye ro me ryesnàr horà. Àsok hana Kryestu hona xenye ro me wehxakon ha. Àsok hana ewakàhkahpànà ro me wehxakon ha. Àsok hana toto komo xe wehxakon ha. Àsok hana wenàmyakon ha, anar komo wya ryeryewhamnohnàtoko. Àro wyaro ohxe ryehtxoho menyakon hamà, rohoko oyehohkanàr horà.