Yakobo 4:4 - Lufingano Lupya

⁴ Nyenye mwivanu yemwigaya uwihuvilwa ndawe avagoni. Mbi simukulukagula ulwa ukuva munyawiyendi va ing'i kwe kuva wimutavangu va Nguluvi? Yeyeawendaga ukuva munyawiyendi va ing'i uyo ayiva mutavangu va Nguluvi.

Yakobo 4:4 ပူးပေါင်းရင်းမြစ်များ

Avalumi 8:7

Pakuva yula yeatemilwe na amahosa ga umuvili uyo mutavangu va Nguluvi, siakwinatilagi indagilo sa Nguluvi na sahwana nambi ukusinatila.

Avagalatiya 1:10

Ngali lino ndisaka nani anzidikile, avanu apangi Nguluvi? Ngali ndisaka ukuvanogela avanu? Na wone wemiga lulo, apo nene singe mba ndimukami va Kilisito.

Yohane 15:19

Muke muvelage mwiva mung'i, ing'i yikeyivenda ndamwivayo. Ino pakuva nyenye si mwivamung'i na nene ndavahagwe uluhuma mung'i nambi avamung'i vakuvavipila.

Matayo 6:24

“Sikwali umunu yeahwanite avapigile avatwa vavili. Pakuva amuvipila uyu nu kumwenda uyu. Kangi ahwanite ave na choga kwa uyu neke amubedale uyu. Si muhwaniti mumupigile Nguluvi na uwunono.”

Yohane 17:14

Nene ndivapelye ulukani lwako na ava mung'i vavavipye pakuva avene sivamung'i nda, ndawe nene lwesindiva mung'i nda.

Yakobo 1:27

Ulufuuwo ulofuge na ulugaya wananzi pa Nguluvi Dada lwe ulu: Ukuvatanga avana avakiva na avang'inetu avafwile mulugudo lwawo, na ukwikomalila wunofu ukuta mulatifuswa na isa mung'i umu.

Avalumi 5:10

Pakuva petwetukaali twivatavangu vakwe, Nguluvi alamwe twilamule nave ukukola ifwa ya umwanakwe. Na pakuva lino yetwilamwe nave, lulipawelu hilo ulwa satupokwa ukukola uwumi wa Kilisito.

Matayo 16:4

Imbegalo inyanzanangifu na uwugoni yisaka ikilagilo kugaya ikilagilo; chesakilagilwa pesi icha Yona.” Swe akuvaleka baho swe ibitaga.

Yohane 7:7

Avanu avamung'i sivavavipila nyenye, pesi vakumbipila nene, pakuva nene nguwolelela ulwa ifipigo fyawo ifyanangifu.

Luka 19:27

Kangi vala, avatavangu vangu vesiviwenda nene ndivateme muvalete ipa muvadumule wendilava.’”

Matayo 12:39

Ndawe Yesu avapitulige, “Imbegalo inzanangifu na uwugoni yisaka umwitu; na siyilagilwa umwitu pesi umwitu gwa umuvisi Yona hela.

1 Avakolindo 1:20

Mbi alikwi lino, umunyaluhala? Mbi alikwi lino, umwigisi va indagilo? Mbi alikwi yula umuseela va ulubesa va ifilo ifi mbi alikwi? Mbi si Nguluvi aluwuyipe uluhala lwa mung'i luve wupuva?

1 Avakolindo 1:21

Pakuva, kwa uluhala lwa Nguluvi avanu sivahwaniti ukumukagula umwene ukwimila uluhala lwawo. Neke kangi ulungi na ulo, Nguluvi awendite ukuvapoka vala avifuuwa kwa ukwimila lula lwe avanyaluhala vitigila wupuva, kwa lula ulukani lwetwidalika.