Matayo 5:5 - Lufingano Lupya

⁵ Vafunyilile avalele, pakuva ililila lya ing'i liva lyawo.

Matayo 5:5 ပူးပေါင်းရင်းမြစ်များ

Yakobo 3:13

Mbi, ye nani munyaluhala mwanyenye? Sweno, alagilage ulukani ulu ukukola imigendele jakwe iminofu na mufipigo fyakwe ifinofu ifipigikila muwilevesi na uluhala.

Avagalatiya 5:23

uwulele na ukwitanila, ukwimila iso sisukuli indagilo isihwanite ukubesa iso.

Yakobo 1:21

Sweno mugilekelage ng'ani imigendele imyaafu na imikalile imibi; mwanukilage kwa uwulele na lula uluhwanite ukusipoka inumbula senyu.

Avakolosayi 3:12

Pakuva mwivanu vahagule, avelu na avende va Nguluvi vanyalusungu, vanyawudeke avilevesi, avalele, vanyalwikangaliso.

Matayo 11:29

Mufwalage ulupanda lwangu, mwiyigise kwa nene pakuva nene ndimugaya kwivinia munumbula na yinyenye mwinoma mumitima jenyu.

Avaefeso 4:2

Muvelage mbepali muvilevesi, muvalele, muvanya mola, mwikangalilage yinyenye kwa yinyenye mu wende.

1 Petulo 3:15

Neke mumupelage indolo Kilisito iva Mutwa munumbula senyu. Muvelage mwimite munosile ukumupitula yeyeavesaga munu yeavawusa isa uluhuvi ululi mugati mwanyenye,

Tito 3:2

Valongelage valamuliga umunu yeyeavesaga; pesi ulwa vikalilage uwikalakunoga na ulwipuliko, vavelage mbepali valele kwa yeyeavesaga.

1 Petulo 3:4

Pesi wuwunofu wenyu wuvaje wuvelage wa mugati muwunani wenyu uwanachene, uwunofu wesiwukwanangika uwulele wa inumbula, we wunyandolo pa Nguluvi.

1 Timoti 6:11

Neke veve, vemunu va Nguluvi, wilegage mwa siso, winatilage uwugolofu, ichoga kwa Nguluvi, Ulufuuwo, Uwende, uwusindile, na uwilevesi.

2 Timoti 2:25

yula ye iva we mulele peikenyela avanyalubesa kulumwene, apangi luhwanite Nguluvi avapele ikilega cha ukuhongesa na ukupela, sambi vayikagule inachene.

Avalumi 4:13

Nguluvi amuhuvise Abulahamu na imbegalo yakwe ulwa ing'i yila sa yive yawo. Uluhuviso ulo silwavi pakuva Abulahamu aliinatye indagilo, pesi ulwa alafuuvitwe, nu kwidikilwa ukuva mugolofu.

Matayo 21:5

“Muyilongelage iboma iya ku Sayuni; lavage Umutwa vako akusa kwa veve mulele, ahofile idogovi, na ichana cha idogovi.”