Luka 10:2 - Lufingano Lupya

² Swe akuvalongela, “Isanga nzolofu, neke avanyakupiga vakefu; lino mumusukage Umutwa va isanga sambi asindike avanyakupiga mu mugunda gwakwe.

Luka 10:2 ပူးပေါင်းရင်းမြစ်များ

Matayo 20:1

“Pakuva Uwutwa wa Kuchanya wihwana na Umunu umunyakaye yeeilafile pamilawu, kukusaka avanu vaase vapige mumugunda gwakwe gwa misabibu.

Maliko 13:34

Lwihwana nu umunu yeisaka ukuwuuka ulugendo yeakuyileka yeailesile ikaye yakwe neke avalagile na ukuvagavila ifipigo avakami vakwe, na ukumulongela yula munyakugosa yula umwimilisi va umulyango ikalage miho.

Maliko 16:15

Swe akuvalongela, “Mubitage konivala mbekuli, mukadalikage Ulukani Ulunofu kwa mbevali.

Maliko 16:20

Nawo vala avanyigendo vahesile, nawo vahele vakidalika mbekuli. Na Nguluvi apigige ifipigo pamwinga nawo, na ukusikangasa Ulukani ikola ifilagilo fyevagendasige nalo.]

Luka 9:1

Yesu avakemelye avanyigendo vanyichumi na vavili swe akuvapela uludali nu lulagi lwa ukudagila amasoka mbegali nu ukuponia ifitamwa.

Ifipigo 11:19

Avevafuuvitwe vala vevevatagalye ukwimila ukuteseka ukwe kuwonike ulusika lwe Sitefani vamuwulaje. Avamwi vahele mbaka ku Foinike, na ku Kipulo na ku Andyokiya vidalika ulo ulukani ku Vayudaya swe.

Ifipigo 13:2

Nape vamusunyalilige Umutwa na viyimige ukulya, Umuhe Umwelu atigee, “Mumbikile palubali Balanaba na Sawulo sambi vapige ikipigo chendivahagulye.”

Ifipigo 13:4

Swe, Balanaba na Sawulo peyevatumitwe na Umuhe Umwelu, vasulunwike mbaka ku Seleukiya ukuhuma kuko vahofile ikipugu ikikomi mbaka pa kigunguli cha ku Kipulo.

Ifipigo 20:28

Mwikomalilage yunyenye; muligosage lila lilugu lye Umuhe Umwelu akavavisile nyenye muve valongola va ilikanisa. Mulikwamilage likanisa lya Nguluvi lyealigusile kwa idanda ya Umwanakwe.

Ifipigo 22:21

Nave Umutwa andonje: ‘Bitage, ngutuma kutali kwa avamyanza.’”

Ifipigo 8:4

Vala avevafuuvitwe vevevatagalye, vahele mbekuli vakidalika lula ulukani.

1 Avakolindo 12:28

Nguluvi avisile mu likanisa: ava ukutala avigendo, va kavili avavisi, va wudatu avigisi, sweno ndawe avikige vala avanya ikipelwa cha ukupiga imiitu, ukuponia, ukutanga, avalongola na vanyakulonga indongele ingenzi.

1 Avakolindo 15:10

Neke, kwa uwuwuya wakwe Nguluvi, ngave de lwendiwali, na uwuwuya wakwe Nguluvi we si wa malanga. Nene ngapigite ukulutila mbevali; neke siyinene nachene, pesi uwuwuya wa Nguluvi wewipiga pamwi na nene.

2 Avakolindo 6:1

Sweno, petwiva vanyakupiga pamwinga na Nguluvi, tukuvagongola ulwa mulidikila ukwanukila wula uwuwuya uwihuma kwa Nguluvi wuyage chaka.

Avafilipi 2:21

Neke avangi mbevali vigudila sisawo vileka ukugudila ing'ani sa Yesu Kilisito.

Avafilipi 2:25

Mbwene lunofu ndimutume ukwenyu umunyalukolo vetu Epafolodito, ye muyangu mukipigo na mwigalu kangi ye e mutume venyu ananzile nene mwa fyendegulwime.

Avafilipi 2:30

pakuva umwene, ali itawe uwumi wakwe mwa mbesili na supwe padodo afwe ukwimila ikipigo cha Kilisito, sambi alete uwutanzi wenyu we nyenye mwalemilwe ukuwuleta.

Avakolosayi 1:29

Sambi lupigike ulu nene ndipiga ikipigo kwa kukangala ndikola uludali ulukomi lwa Kilisito ulwipiga mugati mwanene.

Avakolosayi 4:12

Epafala umunu uva ukwenyu umukami va kilisito akuvahungila. Mbepali aakuvasukila kwa wupifu peakwifunya sambi mugine ukukangala, mwime munoge na ukukwilanikila hilo mwa mbesili seiwenda Nguluvi.

1 Avatesaloniki 2:9

Vanyalukolo, mukwiwuka lwe twapigite ikipigo na lwe twafwahite, pe twavaletelige Ulukani Ulunofu lwa Nguluvi twapigite pakilo na pamunyi sambi tulemwe ukumufuna umunu yeyeavesaga mwa nyenye.

1 Avatesaloniki 5:12

Vanyalukolo, tukuvagongola muvelage na choga kwa vala vevipiga ikipigo pagati apeenyu, vala vevakuvalongosa na ukuvigisa ulwa imigendele ja uwukilisito.

2 Avatesaloniki 3:1

Pendidugulisa, vanyalukolo mutusukilage, sambi ulukani lwa Umutwa lwangufya ukutagalila na ukwanukilwa kwa ichoga ndawe we lwiwali kwa nyenye.

1 Timoti 4:10

Hwehwe twisugunala na ukupiga kwa wupifu pakuva twivavikile uluhuvi lwetu, Nguluvi umumi umwene ye mupoki va avanu mbevali, na hilo vala avevamufuuwa.

2 Timoti 4:5

Neke, veve wikalage, miho mwa mbesili, kangalilage ineseko, pigage ikipigo cha uwudalisi wa Ulukani Ulunofu kwisage hilo ikipigo chako.

Filimoni 1:1

Nene Pawulo, umunyandinde ukwimila Kilisito Yesu, na umunyalukolo Timoti, ngukwandikila veve Filimoni, umunyawende na umunyakupiga muyetu,

Avaebulaniya 3:6

Neke Kilisito muhuvilwa ndawe umwana umunyalulagilo mukaye ya Nguluvi. Hwehwe twikaye yakwe wone twinatile uwupifu wetu na uwukwilanifu wetu ukwimila kila chetuhele tukwihuvila.

Uwugubulilwe wa Yohane 2:1

“Kwa munyivaha va likanisa lya ku Efeso wandikage de, ulu lwe lukani ukuhuma kulumwene yeakolye ing'eng'esi isi mufung'ati mwiwoko lyakwe lya kundyo, na yula ye igendaga pagatinagati pa ifimikiso ifimufung'ati ifya itala ifiwuyapile isahabu.