Avaefeso 3:2 - Lufingano Lupya

² Ndihuvye ukuta mukapulike ukuta Nguluvi, kwa uwuwuya wakwe, amelye ikipigo iki sambi nyenye mwambule.

Avaefeso 3:2 ပူးပေါင်းရင်းမြစ်များ

Ifipigo 13:2

Nape vamusunyalilige Umutwa na viyimige ukulya, Umuhe Umwelu atigee, “Mumbikile palubali Balanaba na Sawulo sambi vapige ikipigo chendivahagulye.”

Ifipigo 13:46

Nambi ndahihyo Pawulo na Balanaba valonzile kwa wupifu hilo, swe vitigila, “Lwe lulagile ukutigila ulukani lwa Nguluvi ludalikwage kwa nyenye tandi, pakuva nyenye mulubihye na ukwiwona simuhwaniti muwumi wa mbepali apo swe tukuvaleka twipitukila avanu avamyanza.

Ifipigo 22:21

Nave Umutwa andonje: ‘Bitage, ngutuma kutali kwa avamyanza.’”

Ifipigo 9:15

Neke umutwa amutigile, “Veve bite hela, pakuva nene ndimuhagwe amigile, adalike ilitawa lyangu kwa vesivamuseli Nguluvi (avamyanza) na avatwa vawo na kuvana va Isilaeli.

Avalumi 1:5

Ukukola mulumwene, nene ndimupele uwuwuya wukuva mwigendo, sambi ukwimila umwene ndivalongose avanu va ing'i mbesili vafuuwe na ukuva na choga.

Avalumi 11:13

Ino de nguvalongela nyenye nyevamyanza: Pakuva nene ngave mwigendo wa Avamyanza ngwivahila ikipigo changu,

Avalumi 12:3

Ukwimila uwuwuya weamelye Nguluvi nguvalongela nyenye mbemuli: mulidudumba ukuta mwina kinu ikilutye mwilutisa kwa lula uluvavaje luvelage. Amahosa genyu gavelage gakwilaniche ikigelo cha ulufuuwo lwe Nguluvi amugavye yeyeavesaga mumu.

1 Avakolindo 4:1

Umunu atuhosage hwehwe ulwa twivakami va Kilisito na avavisikise isa ikinyele sa Nguluvi.

Avagalatiya 1:13

Ndihuvye ulwa yemwemupulike nene pamwandi ndikalige mukwinatila ulufuuwo lwa i Kiyudaya, kangi na lula lwendalitesige wuhulo ilikanisa lya Nguluvi kangi ndawendige ndilyanangile ng'ani.

Avaefeso 1:10

Lula lweawendite ukulukwisa mulusika lwayo, lwa ukufikong'asa ifigawa mbefili, sambi fihange pamwi mwa Kilisito, fya kuchanya na fya mung'i.

Avaefeso 3:7

Nane ndawuyipwe mbe mukami va Ulukani Ulunofu ukwimila uwuwuya wakwe Nguluvi uwuliyena, weamelye muludali lwakwe ulukomi.

Avaefeso 3:8

Nene yendi mudodo ukulutila avanu mbevali va Nguluvi; neke ulwene ndimupele uwuwuya wakwe, sambi ndivadalikile avanu va ing'i isingi uwunono wakwe Kilisito uwugaya kigelo,

Avaefeso 3:9

kangi sambi ndivang'alikile avanu mbevali valave uwugelanise wa Nguluvi uwe wafihime wikwilanikila. Nguluvi umugafi va mbefili afihite ikinyele chakwe icho luhuma pidaha,

Avaefeso 4:21

Neke lulipawelu ukuta mwapulike wunofu ing'ani sakwe, na pakuva nyenye mukumuninila, mwivigisi inachene weyiwali mwa Kilisito.

Avaefeso 4:7

Yeyeavesaga munu mwa hwehwe mupele uwuwuya, mwekigelye ikigelo chapelitwe na Kilisito.

Avakolosayi 1:4

Pakuva tukapulike ulwa ulufuuwo lwenyu mwa Kilisito Yesu na uwende wenyu kuvanu mbevali va Nguluvi.

Avakolosayi 1:6

Ulukani Ulunofu lwigina ukuveleka nu kutagalila mung'i mbesili ndawe we lukapigite ukwenyu nyenye uluhuma ikimunyi kila pemwalupulike lwilongwa ulwa uwuwuya wa Nguluvi na ukuyikagula inachene.

1 Timoti 1:11

Inzigiso iso sihumaga mu Lukani Ulunofu, lwe nene ndapelitwe ndalike. Ulukani Ulunofu lwa Nguluvi umunyandolo na umufunyilile ye nene ndapelitwe ndalike.

1 Timoti 1:4

Uvalongelage vasilekage ng'ani sila isimo isa malanga na ing'oono inaali sa avakukwawo, isiletaga ulubesa hela, sindawe isikwigisa ing'ani isa uwupoki sa Nguluvi.

1 Timoti 2:7

Pa ulo, nene ndatumitwe mbe mwigendo na mwigisi va avanu avamyanza ndiludalike ulukani lwa ulufuuwo na inachene. Nachene ndilonga sindideta!

2 Timoti 1:11

Nguluvi anyagwe nene mbe mwigendo na mwigisi ukwimila ukudalika Ulukani Ulunofu,