Avaefeso 1:4 - Lufingano Lupya

⁴ Nguluvi atuhagwe pe na ing'i wesiyilagawa, sambi tuve vanu vakwe mukuhanga na Kilisito, sambi tuve twivelu twivagaya uwananzi palumwene, ukwimila uwende wakwe.

Avaefeso 1:4 ပူးပေါင်းရင်းမြစ်များ

Matayo 24:22

Wone ifilo ifyo fike filemwe ukukepuswa asukuli umunu yeake apokwa, ino ukwimila avahagule ifilo ifyo safikepulwa.

Matayo 24:24

Pakuva savaasa avakilisito va uwudesi, nawo savalagila ifilagilo ifikomi na uwuhulo, sambi vavayase na vahagule.

Matayo 24:31

Ino saavasindika vanyivaha vakwe pamwi na amapembe agikuwa finyawuhulo neke pesavakong'asa avanu avahagule vakwe va mung'i uluhuma ulubali ulu lwa kuchanya mbaka ulubali uluyalo.

Matayo 25:34

Neke umutwa saatigila kwa vala avali kwiwoko ilya kundyo: ‘Muse nyevafunyilile na Dada; mwanukile Uwutwa uwewuvike uluhuma ukuvikwa ulutu ulwa ing'i.

Yohane 10:16

Posili ing'olo sangu isingi sesisupali mwigagala ili, lumbaje naso ndisilete; naso simulika liswi lyangu. Kuva na kipinga kimwi na umukwamili ng'olo yumwi.

Yohane 15:16

Si Nyenye nda yemwanyagwe nene, ali nene yendavahagwe nyenye neke ndivavike muveleke amaveleko, na amaveleko geganana sambi luve chechemusukaga kwa Dada mwitawa lyangu avapele.

Yohane 17:24

“Dada! Iwo vewamelye ndisaka vave valilumwi na nene kukwembesaga, sambi vilavile uwunyandolo wangu wewamelye, pakuva wanzendite wesilulavikwa ulutu lwa ing'i.

Ifipigo 13:48

Avamyanza vavelige vipulika ulukani ulo vahekelye hilo, vakululumba ulukani lwa Nguluvi, na vala ave vahagule ukwanukila uwumi uwutasila, swe viva vafuuwa.

Ifipigo 15:18

Ulu lweilonga Umutwa, umwene yeagisile ulukani ulu lukagulike uluhuma pidaha.’

Ifipigo 18:10

pakuva nene ndilipamwinga na veve. Pagaya umunu yeigelela ukukutesa pakuva ipa paboma povali avanu wolofu avali ulubali lwa nene”

Avalumi 8:33

Nani yeavasongela avahagule va Nguluvi? Nguluvi yumwene akuvahesekesa uwanangifu.

1 Avakolindo 1:8

Umwene avakangasa nyenye mbaka kumudugo sambi samuwoneke simwivananzi ikimunyi kila cha Umutwa Yesu Kilisito.

Avagalatiya 5:13

Neke nyenye vanyalukolo vangu mwakemelitwe muve vanu mwivatemapenyu. Neke nambi ndahihyo uwutemapetu sawulava lifinga lyambuse tuve pasi ya wutema wa uwudobokesi wa isa mung'i; pesi ukuta luvavaje mwipigilage muwende.

Avagalatiya 5:22

Neke isihumaga mukulongoswa na Umuhe we uwende, uluhekelelo, uwikalakunoga, uwukangalisi, uwunofu, ulusungu, uwufuuwa,

Avagalatiya 5:6

Pakuva wone yetuhanzile na Kilisito Yesu, ukuwoolwa nambi uwutawoolwa uko kufwaha hela, ikikomi ipo lwe lufuuwo ulwipigaga ikipigo muwende.

Avaefeso 2:10

Hwehwe twi figawa fyakwe Nguluvi, na kwa ukuhanga na Kilisito Yesu, atugafile sambi twikale muwupiga inofu sealatuviche tupigage.

Avaefeso 3:17

nave Kilisito ikalage mugati umwenyu mulufuuwo. Ngumusuka mupelwe indela na ulutu mu wende

Avaefeso 4:2

Muvelage mbepali muvilevesi, muvalele, muvanya mola, mwikangalilage yinyenye kwa yinyenye mu wende.

Avaefeso 5:2

Mugendelage uwende, ndawe Kilisito lweatwendite, neke itawule yumwene ave kitawulwa cha inambika iyinung'ilila wunofu na iyikumunogela Nguluvi.

Avaefeso 5:27

sambi ikwavile likanisa ilyelu na ilyesiwe hilo, ilikanisa iligaya mambilila ga uwaafu nambi wulema nambi ikingi ikindawe siso.

Avafilipi 2:15

sambi muve avanu avesiwe, vagaya lubi lwakulongwa, wita avana vagolofu va Nguluvi vevakwikala mung'i iyi imbi ya uwuyasi. Samumalavadika pagatinagati pavene wita ing'eng'esi wesasing'alika kwilanga,

Avakolosayi 1:22

Neke lino kwa ifwa ya umwanakwe yeikalige mung'i Nguluvi akavatang'ise nave, sambi avalete kulumwene mwiva mwivelu, awofuge, vesivananga kinu.

Avakolosayi 2:2

Ndipiga ulu sambi inumbula sawo sisikimikwe na ukong'aswa pamwinga muwende, pepene pe vamema uwukwilanifu mbewuli uwiletwagwa na uwukagusi wa nachene. Ipo pevakikagula ikinyele cha Nguluvi na ikinyele ichene ye Kilisito.

Avakolosayi 3:12

Pakuva mwivanu vahagule, avelu na avende va Nguluvi vanyalusungu, vanyawudeke avilevesi, avalele, vanyalwikangaliso.

1 Avatesaloniki 3:12

Umutwa avatangage nyenye muwiyendi nu kuvenda avanu mbevali hilo na hilo, ndawe hwehwe lwe tuvenda nyenye.

1 Avatesaloniki 4:7

Nguluvi satukemelii twikale mumigendele ja uwugoni, pesi ukuta tugendelage mu welu.

2 Timoti 1:9

Umwene atupokite, neke atukemele tuve vanu vakwe yumwene, si ukwimila uwugolofu wa ifipigo fyetu, pesi ukwimila lula lwealalamwe na uwuwuya wakwe. Atupelye uwuwuya wuwo ukwimila Kilisito Yesu pe umuvango gwesigulava gufika,

2 Timoti 2:10

Na ukukola lulo, nene ndikangalila mbefili ukwimila avahagule va Nguluvi, sambi nawo vapelwe uwukombolwa uwiletwagwa mung'asi ya Yesu Kilisito, na wuwo wiletaga indolo isa mbepali na mbepali.

2 Timoti 2:19

Neke ulutu lweavikite Nguluvi lukimee lulibahala hela, na pachanya pa ulutu peandike ing'ani isi; “Umutwa avasele avanu vakwe,” na “Yeyeavesaga akwitigila umwene va Nguluvi, lumuvaje awulekelage ng'ani uwanangifu.”

Yakobo 2:5

Vanyalukolo vangu avende, mupulikisage! Mbi Nguluvi si avahagwe avanu vala avamikaa mung'i umu sambi vave vanono mu lufuuwo na ukwanukila Uwutwa wealavahuvise vala avamwenda?

1 Petulo 1:2

Mwivahagule na Nguluvi Dada ukwimila lula lwealakelite, na mukawuyipwe Velu na Umuhe, muve na ichoga kwa Yesu Kilisito, na ukofugwa na idanda yakwe. Nguvasukila uwuwuya na uwikalakunoga wongelekelage kwa nyenye.

1 Petulo 1:20

Umwene alimuhagule na Nguluvi ing'i wesiyilagawa, agubulilwe ifilo ifi ifya ukumudugo ukwimila nyenye.

1 Petulo 2:9

Neke nyenye mwilukolo uluhagule, uwutambisi wa uwutema, ulukolo ulwelu, avanu vakwe yumwene Nguluvi, sambi mudalike ifipigo fyakwe finyandolo fyeavakemelye uluhuma mulwisa swe akuvingisa mu lung'ali lwakwe ulukomi.

2 Petulo 3:14

Lino, vanyawiyendi vangu, pemuva mwisindila Ikimunyi kila musugunalage hilo ukwiyesa mwiva simwivananga kinu pa Nguluvi, na ukwilamula nave.

1 Yohane 4:16

Ino, hwehwe tukuwukagula nu kuwufuuwa uwende we inawo Nguluvi kwa hwehwe. Nguluvi ye wende, nu munu yeyeavesaga yeakwikala mu wende, uyo akwikala muwulilumwi na Nguluvi, na Nguluvi akwikala muwulilumwi nave.

Uwugubulilwe wa Yohane 13:8

Mbevali avakwikalaga mung'i savamusunyalila pesi vavala hela ve amatawa gawo gandikwe uluhuma pamuvango gwa ukugawa ing'i mukitabu cha uwumi cha umwanang'olo umudumule.

Uwugubulilwe wa Yohane 17:8

Iyo ing'oko yuyiwene yenzumi pamwandi, neke lino yifwe. Nambi ndahihyo, yilipipi hilo ukwilila ukuhuma mwikombo kuvafwe, na ukubita kuluhigilo avanu mbevali ve amatawa gawo sike galandikwa mukitabu cha uwumi uluhuma umuvango gwa ing'i, savasasavala ukuyiwona iyo ing'oko ye pala pamwandi, yekoyili, yisukuli na sa yusa kangi.