Avaebulaniya 9:8 - Lufingano Lupya

⁸ Uwimila imigosekese ijo Umuhe Umwelu akwigisa pawelu ukuta ulusika lila lihema lya pivala pelye likali we limite, ing'asi ya ukwingilila Apono Apelu siyiladindulwa.

Avaebulaniya 9:8 ပူးပေါင်းရင်းမြစ်များ

Luka 1:80

Neke Umwana akulage, na ukongelekela uludali munumbula. Ndawe ikalige mwihala mbaka ikimunyi che ilaje kwa Vaisilaeli.

Yohane 10:7

Nambi Yesu awilye kangi akuvatigila, “Nachene nene nguvalongela nene ye nene ndikikolo cha ing'olo.

Yohane 10:9

Nene ye nene ndikikolo, umunu yeakwingila mwa nene, apokwa, ingila nu ukuhumanisa, nave awuwona uwukwamililo.

Yohane 14:6

Yesu amupitwe, “Nene ye ng'asi, inachene na uwumi, sikwali umunu yeabita kwa Dada pesiakweti kwa nene.”

Ifipigo 28:25

Sweno, kwave na kulekana mumahosa mwavene, pevahegige vakwibitila, Pawulo alonzile ulukani ulu, “Nachene siling'ene sila sesalonzilwe na Umuhe Umwelu kwa avakukwenyu ukukola kwa Umuvisi Yesaya

Avagalatiya 3:8

Uwandike Uwelu walonzile idaha ukuta Nguluvi avawuyapa avanu avamyanza vave vagolofu ukukola ulufuuwo. Palulo Uwandike Uwelu watasile idaha ukumulaalikila Abulahamu Ulukani Ulunofu, “Ukukola kwa veve avanu mbevali savafunyililwa.”

Avaefeso 2:18

Sweno, ukwimila umwene, hwehwe mbetuli, Avayudaya na avanu va ing'i isingi, tuhwanite ukumubitila Dada kwa mutima gumwi.

Avaebulaniya 10:15

Nave Muhe Umwelu akutupela uwolelesi wakwe, ukutala itigila:

Avaebulaniya 3:7

Sweno, ndawe lweilonga Umuhe Umwelu: “Wone mupulike liswi lya Nguluvi namunyi,

Avaebulaniya 9:3

Kunzingo ya ikibupa cha kavili, pepina ilihema pepatambuligwe Apono Apelu Hilo.

2 Petulo 1:21

Pakuva sikololi ulukani lwa uwuvisi ulwihumaga muwende wa avanu, pesi avanu valonzile ulukani lwa Nguluvi visogoswa na Umuhe Umwelu.