Avaebulaniya 9:26 - Lufingano Lupya

²⁶ wone lweluve ndahihyo, Kilisito lwelumuvagila ukuteseka kolofu uluhuma ukugawa kwa ing'i. Neke lino imisika igi pegihegelela kuwusililo wayo, umwene awonike sukumwi hela, ukuhesa inzanangifu kwa ukwitawula yumwene nambika.

Avaebulaniya 9:26 ပူးပေါင်းရင်းမြစ်များ

Matayo 13:39

Neke umutavangu yeavyalite ililulu ilyo ye setani; ukubeta pepawusilo wa ing'i, avanyakubeta ve vanyivaha.

Matayo 13:40

Ndawe ililulu lwelyalikong'aswa neke linyanywe mu moto, saluva lulo na pawusilo wa ing'i.

Matayo 25:34

Neke umutwa saatigila kwa vala avali kwiwoko ilya kundyo: ‘Muse nyevafunyilile na Dada; mwanukile Uwutwa uwewuvike uluhuma ukuvikwa ulutu ulwa ing'i.

Yohane 1:29

Ikimunyi cha kavili Yohane amuwene Yesu akusa kulumwene, neke atigile, “Uyu ye mwanang'olo va Nguluvi, ihesa inzanangifu sa mung'i!

Yohane 17:24

“Dada! Iwo vewamelye ndisaka vave valilumwi na nene kukwembesaga, sambi vilavile uwunyandolo wangu wewamelye, pakuva wanzendite wesilulavikwa ulutu lwa ing'i.

1 Avakolindo 10:11

Sweno, ing'ani iso savafikite sambi sivigise avangi, naso sandikwe sambi situkenyele hwehwe ye twipipi na ifilo fya kumudugo.

Avagalatiya 4:1

Neke lino nditigila; Umunyalilila peakaali mudodo, pesalakimilwa saliwungi na umukami, nambi we umwene ye munyamwenafyo va mbefili.

Avaefeso 1:10

Lula lweawendite ukulukwisa mulusika lwayo, lwa ukufikong'asa ifigawa mbefili, sambi fihange pamwi mwa Kilisito, fya kuchanya na fya mung'i.

Avaefeso 5:2

Mugendelage uwende, ndawe Kilisito lweatwendite, neke itawule yumwene ave kitawulwa cha inambika iyinung'ilila wunofu na iyikumunogela Nguluvi.

Tito 2:14

Umwene itawe yumwene ukwimila hwehwe sambi atukombole mu wanangifu mbewuli na ukutwesa tuve twivanu vakwe yumwene, avanu vevidobokela isa uwunofu.

Avaebulaniya 1:2

neke lino ifilo ifi ifya kuwusililo, alonzile nahwehwe ukugendela kulu Mwanakwe. Uyo yemwene kwa ukugendela kulu mwene Nguluvi aigafile ing'i na amuhagwe afiteme ifinu mbefili.

Avaebulaniya 10:10

Pakuva Yesu Kilisito akwisise uwende wa Nguluvi, hwehwe tukofugwa inzanangifu setu na yila inambika ya umuvili gwakwe gwe agutawe sukumwi hela, swe yikwila.

Avaebulaniya 10:12

Neke Kilisito atawe nambika yimwi wimila inzanangifu, inambika iyikwilaniche mbepali na mbepali ndawe ikalige kulubali lwa kundyo lwa Nguluvi.

Avaebulaniya 10:26

Pakuva, wone tuve petupiga inzanangifu kono we yetulukagwe ulwa nachene, ipo ino sikoyili inambika kangi yeyihwana ukuhesa inzanangifu.

Avaebulaniya 10:4

Pakuva idanda ya ing'ambakwa na imene siyihwaniti nambi ukuhesa inzanangifu.

Avaebulaniya 4:3

Sweno, hwehwe yetwifuuwa tukwanukila ulusuupo ulo lwe Nguluvi ealuhuvise. Ndawe lwealonzile: “Ndavifile, swe ngwilapa: ‘Sisavingila apangu pawusuupo.’” Nguluvi alonzile iso nave ikipigo chakwe yechekisisile uluhuma ukugawa kwa ing'i.

Avaebulaniya 7:27

Umwene siindawe vala avatambisi avavina avangi; silumuvaji ukutawula inambika wekwache, ivangila inambika ya inzanangifu sakwe yumwene, pambele uwimila inzanangifu sa avanu vangi. Umwene apigite ulo sukumwi hela peitawulige yumwene nambika, na iyo yikwila mu imisika mbegili.

Avaebulaniya 9:12

Umwene inje Apono Apelu sukumwi hela, kangi sieategwi nambi danda ya mene nambi ya senga, pesi ulwa inje kwa danda yakwe yumwene, swe akutupela uwukombolwa uwutasila.

Avaebulaniya 9:14

Mbi idanda ya Kilisito, sisailutisa ya ukukola mu muhe va mbepali itawe yumwene we mugaya wulongwa fibi ofuga inziyiwuko senyu uluhuma mumipigile iminofu sambi mumupigile Nguluvi umumi.

1 Petulo 1:20

Umwene alimuhagule na Nguluvi ing'i wesiyilagawa, agubulilwe ifilo ifi ifya ukumudugo ukwimila nyenye.

1 Petulo 2:24

Yuyumwene asitegwe inzanangifu setu mumuvili gwakwe pala pa Musalaba, sambi tufwe ku nzanangifu, na ukunana ukwimila uwugolofu. Ukukola amavamba gakwe, nyenye yemuponite.

1 Petulo 3:18

Pakuva Kilisito yumwene afwee ukwimila inzanangifu setu; afwee sukumwi hela swe lwikwila, umunu umunofu ukwimila avanangifu, sambi avasindike nyenye kwa Nguluvi, vamuwulige umuvili neke iva mumi ku lubali lwa umuhe;

1 Petulo 4:7

Umudugo wa mbefili yewuhegelye. Sweno luvavaje muvelage na imigosekese na ichoga, sambi muhwane ukwifunya.

1 Yohane 3:5

Mukulukagula ulwa Kilisito aasile ukuhesa inzanangifu setu, na ukuta kulumwene kugaya nzanangifu sesesivesaga.

1 Yohane 3:8

Neke yeipigaga inzanangifu uyo va umwanangifu, pakuva umwanangifu ipigaga inzanangifu uluhuma pamuvango. Neke Umwana va Nguluvi aasile konivala ukufyananga ifipigo fya umwanangifu.

Uwugubulilwe wa Yohane 13:8

Mbevali avakwikalaga mung'i savamusunyalila pesi vavala hela ve amatawa gawo gandikwe uluhuma pamuvango gwa ukugawa ing'i mukitabu cha uwumi cha umwanang'olo umudumule.

Uwugubulilwe wa Yohane 17:8

Iyo ing'oko yuyiwene yenzumi pamwandi, neke lino yifwe. Nambi ndahihyo, yilipipi hilo ukwilila ukuhuma mwikombo kuvafwe, na ukubita kuluhigilo avanu mbevali ve amatawa gawo sike galandikwa mukitabu cha uwumi uluhuma umuvango gwa ing'i, savasasavala ukuyiwona iyo ing'oko ye pala pamwandi, yekoyili, yisukuli na sa yusa kangi.