Avaebulaniya 7:6 - Lufingano Lupya

⁶ Neke uyo Melekisedeki sie va ulukolo lwa Levi, nambi ndahihyo anuche ifya pichumi ukuhuma kwa Abulahamu; kangi amufunyilye umwene yee mupele uluhuviso.

Avaebulaniya 7:6 ပူးပေါင်းရင်းမြစ်များ

Ifipigo 3:25

Inyuviso sa Nguluvi seihuvise ukukola kwa avavisi sikwimila nyenye; nanye mwihanga ulufingano lula lwe Nguluvi afingine na avakukwenyu, ndawe lwe amulonje Abulahamu: ‘Kwa ukukola ku mbegalo yako, avanu mbevali va mung'i savafunyililwa,’

Avalumi 4:13

Nguluvi amuhuvise Abulahamu na imbegalo yakwe ulwa ing'i yila sa yive yawo. Uluhuviso ulo silwavi pakuva Abulahamu aliinatye indagilo, pesi ulwa alafuuvitwe, nu kwidikilwa ukuva mugolofu.

Avalumi 9:4

Iwo ve vanu va Isilaeli ve Nguluvi avahagwe vavelage vanakwe, akuvahanza mundolo yakwe, afingine nawo, swe akuvapela indagilo sakwe, ulufuuwo lwanachene na inyuviso sakwe.

Avagalatiya 3:16

Sweno, Abulahamu apelitwe uluhuviso, umwene pamwi na imbegalo yakwe. Uwandike Uwelu siwitigila, “Na imbegalo sakwe.” Ukutigila wolofu, pesi lino witigila, “Imbegalo yakwe.” Kwekutigila munu yumwi nave ye Kilisito.

Avaebulaniya 11:13

Avanu mbevali vafwe kono we vina lufuuwo. Vafwe wesivalava vanukila sila ing'ani se Nguluvi alavahuvise; neke kwa apataali vasiwene, swe viheya nu kuhekelela, nu kwidikila pawelu hela ukuta avene vevagenzi na avagaya pakusikimala mung'i.

Avaebulaniya 11:17

Uwimila ulufuuwo Abulahamu amutawe umwanakwe Isaka ave nambika pe Nguluvi amugelige. Uyo Abulahamu ye yula yeanuche uluhuviso lwa Nguluvi, neke nambi ndahihyo, idiche ukumutawula nambika umwanakwe yealiyena.

Avaebulaniya 7:1

Melekisedeki e Mutwa va ku Salemu, na mutambisi va Nguluvi umuvina. Abulahamu peapilukige ihuma kwigalu kwe avawulige avatwa, Melekisedeki atang'ine nave, swe akumufunyilila,

Avaebulaniya 7:7

Sipololi ulukani lwa ukusina nambi padodo, ulwa na mbepali yeakumufunyilila uyungi aiva muvina ukumulutila yula yeifunyililwa.