Avaebulaniya 7:19 - Lufingano Lupya

¹⁹ Pakuva indagilo sa Musa sisahwaniti ukukwisa ulukani lwelweluvesaga. Neke lino, apono pala pahalye uluhuvi ulunofu ululutye hilo, na uwimila lulo twihwana ukumuhegelela Nguluvi.

Avaebulaniya 7:19 ပူးပေါင်းရင်းမြစ်များ

Yohane 1:17

Pakuva ululagilo lwasile ukukola mwa Musa, uwuwuya na uwanachene fyasile ukukola mwa Yesu Kilisito.

Yohane 14:6

Yesu amupitwe, “Nene ye ng'asi, inachene na uwumi, sikwali umunu yeabita kwa Dada pesiakweti kwa nene.”

Avalumi 5:2

Ukukola ulufuuwo lwetu, umwene atuletite ipa pa uwuwuya wa Nguluvi pala lino petwipwali. Sweno, tukwivahila uluhuvi lwetwinalo ulwa ukuhanga indolo sa Nguluvi!

Avalumi 7:7

Sweno, tutigile ndawuli indagilo isene nzanangifu? Nangi na ludodo hela! Neke ulwene wone pagaye indagilo, nene sindendisikagula inzanangifu che kiki. Pakuva sindendilukagula ukuta che kiki ukudobokela imbi, wone indagilo sike silemwe ukutigila, “Uladobokela.”

Avalumi 8:3

Nguluvi akakwisise ulukani lula lwe indagilo sisahwaniti ukukwisa uwimila uwuhomefu wa uwunu. Nguluvi amuletite umwanakwe iva ina muvili ugutegine ni mivili jetu hwehwe vanyanzanangifu, sambi ihome na inzanangifu, na kwa umuvili gugo adwesise inzanangifu.

Avagalatiya 2:16

Nahwe tukulukagula hilo ukuta umunu sahwana ukuvalilwa wugolofu pa Nguluvi kwa ukwinatila indagilo, pesi kwa ukumufuuwa Yesu Kilisito hela. Nayi hwehwe kangi tumufuuvitwe Yesu Kilisito ndahihyo, sambi tuhwane ukwidikilwa na Nguluvi ukwimila ulufuuwo ululi mwa Kilisito, na si kwa ukwimila ukwinatila indagilo.

Avagalatiya 3:21

Ngali tutigile indagilo sikwilema na uluhuviso lwa Nguluvi? Nangi na ludodo hela! Pakuva wone sesuse indagilo sisesihwana ukuvawuyapa avanu vave na uwumi, sweno, twetuwuyapwa vagolofu ukwimila lulo.

Avagalatiya 3:24

Sweno, indagilo iyo ye nda mulolesi vetu mbaka peasile Kilisito, sambi kwa ukukola ulufuuwo tuwuyapwe vagolofu twidikilwe na Nguluvi.

Avaefeso 3:12

Sweno, mukuhanga na Kilisito, na mung'asi ya ulufuuwo ululi mwa Kilisito, hwehwe tukwigelela ukumuhegelela Nguluvi kigaya muhwehwe.

Avakolosayi 1:27

Lwealavisile Nguluvi lwelwa ukuvalagila pawelu avanu vakwe, ikinyele iki ikikomi na kinyandolo che kikwimila avanu mbevali. Na ikinyele ichene che iki. Kilisito mugati mwenyu, ye luhuvi lwa indolo.

1 Timoti 1:1

Yenene Pawulo, umwigendo va Kilisito Yesu kwa ululagi lwa Nguluvi umupoki vetu na Kilisito Yesu uluhuvi lwetu,

Avaebulaniya 10:1

Pakuva indagilo siva mwigigi gwa ifinu ifinofu ifikusa lwihwano ulwa ifya nachene, siluhwaniti ukukola inambika sisila isitawulwagwa mbepali mwa na mwaka sivanoose vave vakwilaniche avihelela pifunyo.

Avaebulaniya 11:40

pakuva Nguluvi eihosise imigosekese iminofu hilo igilutye ukwimila hwehwe, kwekutigila avene vevanukila pamwi na hwehwe.

Avaebulaniya 11:6

Sweno, pesi ukukola ulufuuwo situhwaniti ukumunogela Nguluvi. Pakuva umunu yeyeavesaga akumubihila Nguluvi lumuvaje afuuwage ulwa Nguluvi pwali, na ulwa akuvahomba vala vevakumuninila.

Avaebulaniya 3:6

Neke Kilisito muhuvilwa ndawe umwana umunyalulagilo mukaye ya Nguluvi. Hwehwe twikaye yakwe wone twinatile uwupifu wetu na uwukwilanifu wetu ukwimila kila chetuhele tukwihuvila.

Avaebulaniya 4:16

Sweno, tulava na umuhwehwe ukuhegelela kwa Nguluvi, umunyawuwuya twanukile ulusungu na uwuwuya atutange petwiguluma uwutanzi.

Avaebulaniya 6:18

Sweno, kofili finu fivili: fyesihwaniti ukupituka na kangi uwimila ulo Nguluvi sahwaniti alonge wudesi. Sweno, hwehwe yetwakimbilye uwulolesi kulumwene twikangaswa imitima sambi twinatile hilo uluhuvi ulwavisilwe pa hwehwe.

Avaebulaniya 7:11

Lino wone uwukwilanikile wewuvelage wutufiche ukukola uwutambisi wa Avalevi (pakukola mwalulo avanu vanuche indagilo), mbi kwekuva na kuguluma kwa umutambisi yungi se mumigosekese ja Melekisedeki, pesi yula hela yeitambula mumigosekese ja Haluni?

Avaebulaniya 7:20

Siwita lulo hela ipa pololi ulwilapo lwa Nguluvi. Kumbi ulusika lula lwe avangi pevapeligwe uwutambisi ulwilapo ulo silwepololi.

Avaebulaniya 7:25

Uwimila lulo, umwene ihwana lino na mbepali ukuvapoka vala mbevali vevakumubitila Nguluvi ukugendela kulumwene, pakuva umwene inana kitasila avasukilage kwa Nguluvi.

Avaebulaniya 8:6

Neke lino Yesu apelitwe ikipigo cha uwutambisi ikinofu ukulutila cha avene, ndawe ulufingano lwealukangise mu vanu na Nguluvi lunofu ukulutila, pakuva ulutu lwakwe lwimye mu nyuviso sa ing'ani inofu isilutye.

Avaebulaniya 9:9

Ulukani ulo che kiganiso cha imisika igi ja lino. Lwilagila ulwa ifitawulwa na inambika isitawulwa kwa Nguluvi sisihwaniti ukuwuyapa inumbula sa vala vevakusunyalila ukuva sikwilaniche.

Yakobo 4:8

Mumuhegelelage Nguluvi, nave avahegelela. Mofugage inumbula senyu nye mwevabuganisi!