Avaebulaniya 6:6 - Lufingano Lupya

⁶ Sweno, ndawe valulekige ulufuuwo lwawo! Siluhwaniti ukuvapilula kangi vahongese, pakuva yevakumutumbika kangi Umwana va Nguluvi nu kumuhongela inyoni pavanu.

Avaebulaniya 6:6 ပူးပေါင်းရင်းမြစ်များ

Matayo 19:26

Neke Yesu avalavile neke avatigile, “Ku vanu ulu siluhwaniti, neke kwa Nguluvi luhwanite.”

Luka 11:48

Lino mukolelela nu kwiyidikisa ni fipigo fya avadadenyu, pakuva avene vavawulige na nyenye mukuvasengela ifyanga.

2 Timoti 2:25

yula ye iva we mulele peikenyela avanyalubesa kulumwene, apangi luhwanite Nguluvi avapele ikilega cha ukuhongesa na ukupela, sambi vayikagule inachene.

Avaebulaniya 10:26

Pakuva, wone tuve petupiga inzanangifu kono we yetulukagwe ulwa nachene, ipo ino sikoyili inambika kangi yeyihwana ukuhesa inzanangifu.

Avaebulaniya 10:29

Mbi ndawuli umunu yula yeakumwelanga Umwana va Nguluvi nu kuyibedala idanda ya ulufingano lwa Nguluvi lwelwamofwige, umunu yeakumuliga Umuhe va Nguluvi?

Avaebulaniya 12:2

Tumulavage Yesu yeatuvanje ulufuuwo lwetu nave alukwisa. Uwimila uluhekelelo lwelwamusindilige, umwene akangalye ifwa mu musalaba, we sihosa lwa inyoni iyihuma mumo, na kulino akong'ome kundyo mukigoda cha umutwa cha Nguluvi.

Avaebulaniya 4:14

Sweno, lutuvaje ukwinatila hilo ulufuuwo lwetukulwidikila. Pakuva twinave Umutambisi Umuvina yeinje mbaka kwa Nguluvi yumwene—Yesu, Umwana va Nguluvi.

Avaebulaniya 6:4

Pakuva avanu vevakululeka ulufuuwo lwawo lwiima ndawuli kangi ukuvapilula sambi vahongese kangi? Avanu iwo yeve vinje mulung'ali lwa Nguluvi, yevevagesise ikipelwa cha kuchanya na ukupelwa Umuhe Umwelu;

2 Petulo 2:21

Luke luva iikiba kwa avene wone vevalemwe ukuyikagula ing'asi iya uwugolofu sindawe ukuyikagula na kangi ukuyileka na ukuluyasa ululagi ulwelu lwevanuchee.

1 Yohane 5:16

Wone umunu amuwone umunyalukolo vakwe apigite inzanangifu yesiyikumusindika kufwa, lumuvaje amusukile kwa Nguluvi, nave Nguluvi amupela uwumi. Ukwimila inzanangifu yesiyivaji ifwa. Poyili inzanangifu iyivaje ifwa, sinditigila ukuta luvavaje ukumusuka Nguluvi ukwimila yiyo.